ಉಬ್ರಾಂತ್ಲೆಂ ಸಾಳಕ್ - ವಾಜಪೇಯಿ

Cover Matters - ಇಂಟ್ರ್ಯೂ ಬಾಬಣ್ಣ V/s ಟೆನ್ಶನ್ ಅಂಕಲ್

ಪೋಟ್ ಭರ್ನ್ ಪಾತೊಳ್ಯೊ ಖಾವ್ಯೆತ್ ಮ್ಹಣ್ ಆಶೆವ್ನ್ ಶಕ್ತಿನಗರ ಜಂಕ್ಷನಾರ್ ರಾವೊನ್ ಬೊಬಾಟುನ್ ಆಸ್ಲೆಲ್ಯಾ ಇಂಟ್ರ್ಯೂ ಬಾಬಣ್ಣಾನ್ ಆಪ್ಣಾಕ್ ಜಿಲ್ಲಿಬಾಯೆಚ್ಯಾ ಹಾತಾಂತ್ ಪಾಟ್ ಫುಟ್ತಾಸರ್ ಮಾರ್ ಖಾಂವ್ಕ್ ಮೆಳ್ತೆಲೆಂ ಮ್ಹಣ್ ಸ್ವಪ್ಣಾಂತೀ ಚಿಂತುಂಕ್ ನಾತ್'ಲ್ಲೆಂ. ಆಂಬ್ಯುಲೆನ್ಸ್ ಯೆಂವ್ಚ್ಯಾ ಪಯ್ಲೆಂ ಕಶೆಂ ಪುಣೀ ಕರ್ನ್ ಜಿಲ್ಲಿಬಾಯೆಚ್ಯಾ ಹಾಂತಾತ್ಲೊ ಚುಕಾರಿ ಮಾರ್ನ್ ಧಾಂವೊನ್ ಮೆಳ್'ಲ್ಲ್ಯಾ ಬಸ್ಸಾರ್ ಚಡ್'ಲ್ಲೊ ತೊ ಬೈತುರ್ಲಿ ದೆಂವೊನ್, ಸದಾಂ ವೆಚ್ಯಾ ಸುರೆಚ್ಯಾ ಗಡಂಗಾಕ್ ರಿಗ್'ಲ್ಲೊ ಆಪ್ಲಿ ಕುಜಿಲಿ ಘೆವುನ್.

ಹ್ಯಾ ದಿಸಾನಿಂ ಆಪ್ಣೆಂ ಕಿತೆಂ ಕೆಲ್ಯಾರೀ ಉಲ್ಟಾಚ್ ಜಾತಾ, ಏಕ್ ಕರುಂಕ್ ಗೆಲ್ಯಾರ್ ಆನ್ಯೇಕ್ ಜಾತಾ, ಮ್ಹಜೆ ಗ್ರಹಚಾರ್'ಚ್ ಸಾರ್ಕೆ ನಾಂತ್... ಮ್ಹಣ್ ಚಿಂತುನ್ ಚಿಂತುನ್ ತಕ್ಲಿ ಪೂರಾ ವಿರಾರ್ ಜಾವ್ನ್ ಗೆಲ್ಲಿ.  ದೋನ್ ಕುಜಿಲಿ ಸುರ್ ಖಾಲಿ ಜಾವ್ನ್ ತಿಸ್ರಿ ಕುಜಿಲಿ ಅರ್ಧಿ ಮುಗ್ಧೊನ್ ಯೆತಾನಾ ಬಾಬಣ್ಣಾಚ್ಯಾ ಮುಕ್ಕಾಲ್ ಕಿಲೊ ಮೆಂದ್ವಾಕ್ ಸಡನ್ನ್ ಏಕ್ ಐಡಿಯಾ ಆಯ್ಲಿ. ಹ್ಯಾ ಜ್ಯೋತಿಶಿಂಕಡೆಂ ಸಂಸಾರಾಚ್ಯಾ ಹರ್ಯೆಕ್ ಸಮಸ್ಯಾಂಕ್ ಪರಿಹಾರ್ ಆಸಾ ಖಂಯ್, ಮ್ಹಜ್ಯಾ ಸಮಸ್ಯಾಕ್ ಪರಿಹಾರ್ ಆಸ್ಚೊ ನಾಂಗೀ.? ಅಶೆಂ ಚಿಂತ್'ಲ್ಲೆಂಚ್ ಕುಜಿಲಿಂತ್ ಉರುಲ್ಲಿ ಎಕಾಚ್ ಘೊಟಾಕ್ ಖಾಲಿ ಕರ್ನ್ ಜೋಳಿಗೆಂತ್ಲೆಂ ಹಳ್ದುವೆಂ ಪೇಪರ್ ಬಾಯ್ರ್ ಕಾಡ್ನ್ ಜಾಹಿರಾತಾಂ ಮಧೆಂ ಜ್ಯೋತಿಷಿಂಚಿ ನಂಬ್ರಾಂ ಸೊಧುನ್ ಮೊಬೈಲ್ ಕಾಡ್ನ್ ಎಕಾ ನಂಬರಾಕ್ ಡಯಲ್ ಕೆಲೆಂ. ಅಪೊಂಯ್ಟ್'ಮೆಂಟ್ ಫಿಕ್ಸ್ ಕರ್ನ್ ಹಂಪನ್'ಕಟ್ಟೆ ಜ್ಯೋತಿಷಿಚ್ಯಾ ದಫ್ತರಾಕ್ ಯೇವ್ನ್ ಪಾವ್ಲೊ ಬಾಬಣ್ಣ.

ಹಲೋ, ಮೈಸೆಲ್ಫ್ ಬಾಬಣ್ಣ, ಐ ಮೀನ್ ಇಂಟ್ರ್ಯೂ ಬಾಬಣ್ಣ. ಚೀಪ್ ಎಡಿಟರ್ ಓಫ್ ಕುಜಿಲಿ.ಕೊಮ್. ವರ್ಲ್ಡ್ ಫೇಮಸ್ ಕೊಂಕಣಿ ಜರ್ನಲಿಸ್ಟ್, ಇಂಟ್ರ್ಯೂ ಮೇಕರ್ ಆಪ್ಲ್ಯಾ ವೆಬ್ಸೈಟಿ ತಿತ್ಲೆಚ್ ಹಳ್ದುವೆ ಆಪ್ಲೆ ದಾಂತ್ ದಾಖವ್ನ್ ಮ್ಹಣಾಲೊ ಬಾಬಣ್ಣ.

ಜ್ಯೋತಿಷಿನ್ ಹಾಕಾ ಏಕ್ಪಾವ್ಟಿಂ ವಯ್ರ್ ಥಾವ್ನ್ ಸಕಯ್ಲ್ ಸಮಾ ಪಳೆಲೆಂ. ಹಾಚೆ ಸ್ಕ್ರೂ ಸಡಿಳ್ ಜಾಲ್ಯಾತ್ ಮ್ಹಣ್ ಎಕಾಚ್ ನದ್ರೆನ್ ಪಾರ್ಕಿಲ್ಯಾ ತಾಣೆಂ ಸಾಂಗ್ ಕಿತೆಂ ಗಜಾಲ್? ಮ್ಹಣ್ ಗಂಭೀರ್ ತಾಳ್ಯಾನ್ ವಿಚಾರ್ಲೆಂ.

ಗಜಾಲ್ ಕಿತೆಂ ಮ್ಹಣ್  ಸಾಂಗ್ಚಿ ಸಾಯ್ಬಾನೊಂ, ಆಜ್'ಕಾಲ್ ಹಾವೆಂ ಕೆಲ್ಲೆಂ ಖಂಚೆಂಯೀ ಸಮಾ ಜಾಯ್ನಾ. ಏಕ್ ಚಿಂತುನ್ ಕೆಲ್ಯಾರ್ ಆನ್ಯೇಕ್'ಚ್ ಜಾತಾ ಪಾಟ್ಲ್ಯಾ ದಿಸಾನಿಂ ಘಡ್ಲೆಲೆಂ (ಜಿಲ್ಲಿಬಾಯೆಚ್ಯಾ ಹಾತಿಂ ಸರ್ಸರಿ ಮಾರ್ ಖೆಲ್ಲಿ ಏಕ್ ಗಜಾಲ್ ಸೊಡ್ನ್) ಸಕ್ಕಡ್ ವಿವರಿಲೆಂ ಬಾಬಣ್ಣಾನ್.

ನ್ಹಂಯ್ ಸಾಯ್ಬಾ, ತುಕಾ ಮಾಗಿರ್ ಕಾಲ್ಯಾಕ್ ಜಾಯ್ ಹೊ ಕೊಣಾ ಕೊಣಾಕ್ ಪೊವ್ಲಿ ಧರ್ಚೊ ಧಂದೊ? ಪಾಟ್ ಬಾಗಾವ್ನ್ ಕಿತೆಂ ಪುಣೀ ಕಾಮ್ ಕರ್ನ್ ದೀಸ್ ಕಾಡುಂಕ್ ಜಾಯ್ನಾಂಗೀ ತುಕಾ?

ತಶೆಂ ನ್ಹಂಯ್ ಸಾಯ್ಬಾನೊಂ, ಹಾಂವ್ ಆದಿಂ ಎಕಾ ದಿಸಾಳ್ಯಾಂತ್ ಕಾಮ್ ಕರ್ತಾಲೊಂ. ಥಂಯ್ ಲಾಗ್'ಲ್ಲೆಂ ಜರ್ನಲಿಸಂಚೆಂ ಪಿಶೆಂ ಆತಾಂ ಸುಟೊಂಕ್ ಆಯ್ಕಾನಾ.   ದೆಕುನ್ ಹಾಂವ್ ಆತಾಂ ಹಿ ಮಲ್ಟಿ ಲ್ಯಾಂಗ್ವೇಜ್ ಕಮ್ ಮಲ್ಟಿ ಸ್ಟ್ಯಾಂಡರ್ಡ್ ವೆಬ್ಸೈಟ್ ಚಲಯ್ತಾಂ.

ವ್ಹಯ್ ಗೀ, ಥಂಯ್ ಕಾಲೆಂ ಜಾವ್ನಾಸ್ಲೊಯ್ ತುಂ? ರಿಪೋರ್ಟರ್, ಸಬ್ ಎಡಿಟರ್ ಯಾ ಎಡಿಟರ್.?

ನಾಂ ಸಾಯ್ಬಾನೊಂ.. ಥರ್ಡ್ ಎಟೆಂಪ್ಟ್ ಎಸ್ಸೆಲ್ಸಿ ಪಾಸ್ ಹಾಂವ್, ತೆಂಯೀ ಕೋಪಿ ಕರ್ನ್. ಮಾಕಾ ತೆದೊ ವ್ಹಡ್ಲೊ ಪೋಸ್ಟ್ ಕೋಣ್ ದಿತಾ.? ಹಾಂವ್ ಟೆಂಪ್ಯಾರ್ ನೀವ್ಸ್ ಪೇಪರಾಂ ಲೋಡ್ ಕರ್ತಾಲೊಂ. ಥಂಯ್ಸರ್ ಕಾಮ್ ಕರ್ಚ್ಯಾ ರಿಪೋರ್ಟರ್, ಎಡಿಟರಾಂಕ್ ಪಳೆವ್ನ್ ಮಾಕಾಯೀ ತಾಂಚೆಬರಿಂಚ್ ಜಾಯ್ಜೆ ಮ್ಹಣ್ ಆಶಾ ಜಾತಾಲಿ. ಪುಣ್ ದುಸ್ರ್ಯಾಂಚ್ಯಾ ಪೇಪರಾಂತ್, ವೆಬ್ಸೈಟಿಂತ್ ಮಾಕಾ ಕೋಣ್ ತೆಂ ಕಾಮ್ ದಿತಾ? ದೆಕುನ್ ಹಾವೆಂ ಮ್ಹಜಿಚ್ ವೆಬ್ಸೈಟ್ ಕೆಲಿ. ಹಾಂಗಾ ಹಾಂವ್'ಚ್ ಎಡಿಟರ್ ಆನಿ ಹಾಂವ್'ಚ್ ಎಟೆಂಡರ್. ಒನ್ ಮ್ಯಾನ್, ಮೆನೀ ವರ್ಕ್ಸ್.   ಬರಂವ್ಚೆಂ, ಎಡಿಟ್ ಕರ್ಚೆಂ, ಮೈಕ್ ಧರ್ಚೆಂ, ಇಂಟ್ರ್ಯೂ ಕರ್ಚೆಂ, ಫೋಟೋ ಕಾಡ್ಚೆಂ, ಪಬ್ಲಿಶ್ ಕರ್ಚೆಂ, ವೆಬ್ಸೈಟಿಚೆಂ ಲಿಂಕ್ ಶೇರ್ ಕರ್ಚೆಂ, ಆಲ್ ಟು ಗೆದರ್ ಎವ್ರಿಥಿಂಗ್

ತುಜೆ ತಸ್ಲ್ಯಾ ನಾಪಾಸಾನಿಂ ಜರ್ನಲಿಸಂಕ್ ದೆಂವ್'ಲ್ಲ್ಯಾನ್ ಆಜ್ ಆಮ್ಚಿ ಸಮಾಜ್ ಹ್ಯಾ ಗತಿಕ್ ಪಾವ್ಲ್ಯಾ. ನ್ಹಂಯ್ ಸಾಯ್ಬಾ, ನೀವ್ಸ್ ಪೇಪರ್ ಲೋಡ್ ಕರ್ತೆಲ್ಯಾನ್ ವೆಬ್ಸೈಟ್ ಸುರು ಕರ್ಚೆಂ,  ಮೆಳ್ಳ್ಯಾಂ ಮೆಳ್ಳ್ಯಾಂ ಕಡೆಂ ಇಂಟರ್ವ್ಯೂಚ್ಯಾ ನಾಂವಾರ್ ಭಿಕ್ ಮಾಗ್ಚಿ ಮ್ಹಳ್ಯಾರ್ ಕಿತೆಂ ಖೆಳಾಚಿ ಗಜಾಲ್'ಗೀ.? ತುಜಿ ವೆಬ್ಸೈಟ್ ಏಕ್ ದೋನ್ ಪಾವ್ಟಿಂ ವಾಚ್'ಲ್ಲಿ ಹಾವೆಂ.. ತುವೆಂ ಬರಂವ್ಚ್ಯಾಕ್ ತಾಳ್ ಮೂಳ್ ಏಕೀ ಆಸಾನಾ ಮೂ? ಪೊರ್ಚಾ ಪೋರ್'ಚ್ ಪಳೆ, ತುವೆಂ ಬರಯ್ಲಾಂಯ್ ವಿಲ್ಫಿ ಏಕ್ ಸಾಹಿತಿ ಮ್ಹಣ್ ತುವೆಂ ಪಾಚಾರಿಜೆ ಪಡ್ಲೆಂ ಮ್ಹಣ್? ಪೊಟಾಕ್ ಕಾಲೆಂ ಖಾತಾಯ್ ತುಂ, ಶೆಣ್?

ನ್ಹಂಯ್ಗೀ ಮಾಗಿರ್? ವಿಲ್ಫಿಕ್ ಸಗ್ಳೊ ಸಂಸಾರ್ ಗೀತ್'ಕಾರ್ ಮ್ಹಣ್' ವಳ್ಕಾತಾಲೊ. ಕೋಣ್'ಚ್ ತಾಕಾ ಸಾಹಿತಿ ಮ್ಹಣೊನ್ ವಳ್ಕಾನಾತ್'ಲ್ಲೊ. ಹಾಂವ್ 2008ತ್ ಅಧಿಕೃತ್ ಕೊಂಕ್ಣಿ ಬರವ್ಪಿ ಜಾಲ್ಯಾ ನಂತರ್ ವಿಲ್ಫಿ ಏಕ್ ಸಾಹಿತಿ ಮ್ಹಣ್ ಹಾವೆಂ ಪಾಚಾರಿಲ್ಲೆಂ.

ನ್ಹಂಯ್'ರೇ ತುಕಾ ಇಲ್ಲಿ ಪುಣೀ ಜನರಲ್ ನೋಲೆಜ್ ಅಸಾಯೆ..? ವಿಲ್ಫಿ ಕಾಂಯ್ 1960 ಇಸ್ವೆ ಥಾವ್ನ್ ಸಾಹಿತಿಕ್ ವಾವ್ರ್ ಕರಿತ್ತ್ ಆಸ್ಲೊ. ತಾಣೆಂ ಸುಮಾರ್ ಪಾಂಚ್ ಧಾಕ್ಡೆಭರ್ ಕೆಲ್ಲ್ಯಾ ಸಾಹಿತಿಕ್ ವಾವ್ರಾಕ್ ವಳ್ಕೊನ್ 2007 ಇಸ್ವೆಂತ್ ದಾಯ್ಜಿ ದುಬಾಯ್ ಬರವ್ಪ್ಯಾಂಚ್ಯಾ ಎಕ್ತಾರಾನ್ ತಾಕಾ 'ದಾಯ್ಜಿ ಪುರಸ್ಕಾರ್' ದಿಲ್ಲೊ. ಹಾಂಗಾ ಪಳೆ ದಾಯ್ಜಿ ವೆಬ್ಸೈಟಿಚೆರ್ ಆಯಿಲ್ಲೊ ನ್ಯೂಸ್ ವಾಟ್ಸಾಪಾಚೆರ್ ಫೊರ್ವಡ್ ಕರುನ್ ಸಕ್ಕಡ್ ತುಜ್ಯಾ ಹಣೆಬರ್ಪಾಕ್ ಥುಕುನ್ ಆಸಾತ್...

http://www.daijiworld.com/news/newsDisplay.aspx?newsID=28490

ಚೀಟಿಂಗ್, ಚೀಟಿಂಗ್, ಚೀಟಿಂಗ್ ದಿಸ್ ಈಸ್ ಪಕ್ಕಾ ಚೀಟಿಂಗ್. ದಾಯ್ಜಿನ್ ಮಾಕಾ ಅಶೆಂ ಚೀಟ್ ಕರುಂಕ್ ನಜೊ ಆಸ್ಲೆಂ. ವಿಲ್ಫಿಕ್ ಪುರಸ್ಕಾರ್ ದಿಲ್ಲಿ ಗಜಾಲ್ ತಾಣಿಂ ಮಾಕಾ ಸಾಂಗೊಂಕ್'ಚ್ ನಾ. ಪಳೆಯಾ ಸಾಯ್ಬಾನೊಂ, ಮ್ಹಜೆ ವಿಶ್ಯಾಂತ್ ಕೆದಾಳಾಯೀ ಅಶೆಂಚ್ ಜಾಂವ್ಚೆಂ.. ಹಾಂವೆ ಸತ್ತ್ಯಾನ್ ಕಾಲೆಂಗೀ ಕರುಂಕ್ ಗೆಲ್ಯಾರ್ ಕಾಲೆಂಗೀ ದುಸ್ರೆಂಚ್ ಜಾಂವ್ಚೆಂ.. ಬಾಬಣ್ಣಾಚೆಂ ಮುಸ್ಕಾರ್ ಇಂಗ್ಳ್ಯಾರ್ ಕರ್ಪಾಯಿಲ್ಲ್ಯಾ ವಾಂಯ್ಗ್ಯಾಬರಿಂ ಬಾವೊನ್ ಗೆಲ್ಲೆಂ. 

ಅಯ್ಯೋ ಪೆದ್ದಾ, ತುಕಾ ಅಕ್ಕಲ್ ನಾ ಮ್ಹಣ್ ದಾಯ್ಜಿಕ್ ದುರ್ಸಾತಾಯ್.? ಆಪ್ಣಾಕ್'ಚ್ ಏಕ್ ಭೋವ್ ಹುಶಾರ್ ಜರ್ನಲಿಸ್ಟ್ ಮ್ಹಣ್ ಆಪಂವ್ಚ್ಯಾ ತುವೆಂ ಕೊಣೆ ಕೊಣೆ ಶಿಕವ್ನ್ ದಿಲ್ಲೆಂ ವೆಬ್ಸೈಟಿಚೆರ್ ಬರವ್ನ್ ಮರ್ಯಾದ್ ಹೊಗ್ಡಾವ್ನ್ ಘೆಂವ್ಚ್ಯಾ ಬದ್ಲಾಕ್ ಇಲ್ಲಿಶಿ ಮಾಹೆತ್ ಆರಾವ್ನ್ ಘೆವ್ನ್ ಬರಂವ್ಕ್ ಶಿಕ್ಲ್ಯಾರ್, ವೇಳಾ ಕಾಳಾ ತೆಕೀದ್ ತುಜೊ ಮೆಂದು ಅಪ್ಡೇಟ್ ಕರ್ನ್ ಘೆತ್ಲ್ಯಾರ್ ತುಕಾ ಹಿ ಗತ್ ಯೆತಿ ನಾತ್ಲಿ. ವಿಲ್ಫಿಕ್ ಕೊಣೆಂಯೀ ಉಣೆಪಣ್ ಹಾಡ್ಲ್ಯಾರ್ ಹಾಂವ್ ತಾಂಕಾಂ  ಬೆಂಡುನ್ ಘಾಲ್ತಾಂ ಮ್ಹಣ್ ಬರವ್ನ್ ಘಾಲಾಂಯ್ ನೇ? ಪೊರ್ಚಾ ಪೋರ್ ಪರ್ವಣ್ಗಿ ನಾಸ್ತಾನಾ ವಿಲ್ಫಿಚೆಂ ಪದ್ ವಾಪಾರ್'ಲ್ಲೆ ವಿಶಿಂ ಇತ್ಲೊ ವ್ಹಡ್ ಆವಾಜ್ ಜಾತಾನಾ ತುಂ ಕಿತ್ಯಾಕ್ ಬೆಂಡುಂಕ್ ವಚೊನಾಂಯ್..? ತುಜಿ ತಲ್ವಾರ್ ಘೆವ್ನ್ ಖಂಯ್ ಕೆಲ್ಶಿಚೆಂ ಕಾಮ್ ಕರುಂಕ್ ಗೆಲ್ಲೊಯ್.? 

ಬಾಬಾಚಿ ತುತ್ತೂರಿ ಫುಂಕ್ಚೆಂ ಕೊಂಟ್ರೆಕ್ಟ್ ಘೆತ್'ಲ್ಲೆಂ ನೇ ಹಾವೆಂ, ತಾಂತುಂಚ್ ಇಲ್ಲೊ ಬಿಸಿ ಜಾಲೊಂ. ಬಾಬಾನ್ ಮಾಕಾ ತೆದಿ ವ್ಹಡ್ಲಿ ಪ್ಯಾಕೇಜ್ ದಿಲ್ಲಿ, ತಿ ಸೊಡ್ನ್ ವಿಲ್ಫಿಚ್ಯಾ ಪಾಟ್ಲ್ಯಾನ್  ಗೆಲ್ಯಾರ್ ಮಾಕಾ ಕಾಲೆಂ ಮೆಳ್ತಾ.? ಬಾಬ್ ಕಿತ್ಲೊ ರಾಗಿಷ್ಟ್ ಮ್ಹಣ್ ಗೊತ್ತಾಸಾಗೀ ತುಮ್ಕಾಂ? ತಾಕಾ ಫುಗಾರ್ತಾನಾಂಯೀ ತಾಣೆಂ ಸಾಂಗ್'ಲ್ಲೆಬರಿಂಚ್ ಫುಗಾರಿಜೆ, ನಾಂ ತರ್ ತೊ ಮಾಕಾ ಬೆಂಡುನ್ ಘಾಲಿತ್.! ಹಾವೆಂ ಬರಯಿಲ್ಲೆಂ ವಾಚುನ್ ವಿಲ್ಫಿಚ್ಯಾ ಘರ್ಚಿಂ ಮಾಕಾ ನೆಕ್ಸ್ಟ್ ಕಾಂಯ್ ತಾಂಚಿ ಇಂಟ್ರ್ಯೂ ಕರುಂಕ್ ದಿತಾತ್  ಮ್ಹಳ್ಳ್ಯಾ ಆಶೆನ್ ವೆಬ್ಸೈಟಿಚೆರ್  ತಶೆಂ ಬರಯಿಲ್ಲೆಂ ವ್ಹಯ್, ತುಮಿ ತೆಂ ಸಕ್ಕಡ್ ಅಸ್ಲೆಂ ಆಸ್ಲೆಬರಿಂಚ್ ಸೀರಿಯಸ್ಲಿ ಘೆತ್ಲ್ಯಾರ್ ಜಾತಾಗೀ..? ಆಮಿ ಪ್ರ್ಯಾಕ್ಟಿಕಲ್ ಜಾವ್ನ್ ಚಿಂತಿಜೆ ಪಡ್ತಾ. ಹಾಂವ್ ಫ್ರೀ ಆಸ್ತಾನಾ ಕೊಣೆಂಯೀ ವಿಲ್ಫಿಕ್ ಉಣೆಪಣ್ ಕೆಲ್ಲೆಂ ತರ್ ತಾಂತುಂ ಮ್ಹಜೊ ಫಾಯ್ದೊ ಕರ್ನ್ ಘೆಂವ್ಕ್ ಹಾಂವ್ ಖಂಡಿತ್ ವಚೊನ್  ತಾಂಕಾಂ ಬೆಂಡುನ್ ಘಾಲ್ತೊಂ. 

ಹಾತ್ ಪಾಂಯ್ ಸಮಾ ಆಸೊನ್ ಕಾಮ್ ಕರ್ನಾಸ್ತಾಂ ಭಿಕ್ ಮಾಗೊನ್ ಖಾತೆಲ್ಯಾಂಕ್ ಪಳೆವ್ನ್ ರಾಗ್ ಯೆತಾಲೊ ಮಾಕಾ. ಪುಣ್ ಆತಾಂ ತುಜೆಂ ಪುರಾಣ್ ಆಯ್ಕಾಲ್ಯಾ ಉಪ್ರಾಂತ್ ತುಜ್ಯಾ ಪ್ರಾಸ್ ತೆ ಕಿತ್ಲೆಗೀ ಊಂಚ್ ಮ್ಹಣ್ ಮಾಕಾ ಭೊಗ್ತಾ... ಹಾಂವ್ ತವಳ್ ತವಳ್ ಪತ್ರಾಂಕ್ ಬರವ್ನ್ ಆಸ್'ಲ್ಲೊಂ ತರೀ 2008 ಇಸ್ವೆ ಪರ್ಯಾಂತ್ ಹಾಂವ್ ಬರವ್ಪಿ ಮ್ಹಣ್ ಮಾಕಾಚ್ ಕಳಿತ್ ನಾತ್'ಲ್ಲೆಂ ಮ್ಹಣ್ತಾಯ್ ತುಂ. ತರ್ ತುಂ ಬರವ್ಪಿ ಮ್ಹಣ್ ತುಕಾ ಕಳಿತ್ ನಾತ್ಲ್ಯಾ ತ್ಯಾ ಕಾಳಾರ್ ಪತ್ರಾಂಕ್ ಕಾಲೆಂ ಚಿತ್ರಾಂ ಸೊಡವ್ನ್ ಧಾಡ್ತಾಲೊಯ್'ಗೀ.? ಹಾಂ ಸಾಂಗ್'ಲ್ಲೆಬರಿಂ ಪ್ರ್ಯಾಕ್ಟಿಕಲ್ ಮ್ಹಣ್ತಾನಾ ಉಗ್ಡಾಸ್ ಆಯ್ಲೊ.. ತುಂ ಏಕ್ ವಿಜ್ಞಾನಾಚೊ ವಿದ್ಯಾರ್ಥಿ, ಸವಾಲಾಂ ವಿಚಾರ್ಚೆಂ ತುಕಾ ಪಸಂದ್ ದೆಕುನ್ ತವಳ್ ತವಳ್ ಇಂಟ್ರ್ಯೂ ಕರ್ತಾಂ ಮ್ಹಣ್ತಾಯ್ ನೇ? ತುವೆಂ ಪಯ್ಲ್ಯಾನ್ ಪಯ್ಲೆಂ ದೆವಾಲಾಗಿಂ ಏಕ್ ಸವಾಲ್ ವಿಚಾರುಂಕ್ ಜಾಯ್..

ಕಿತೆಂ ಮ್ಹಣ್?

ಕಿತೆಂಯಿ ವಿಚಾರ್ಚ್ಯಾ ಪಯ್ಲೆಂ ಎಕಾ ಪ್ರಬುಧ್ಧ್ ಮನ್ಶ್ಯಾಚ್ಯಾ ಕಟ್ಟ್ಯಾ ಭಿತರ್ ಕಿತ್ಲೊ ಬೊಂಡು ಯಾನೆ ಮೆಂದು ಆಸಾ ಕಳಿತ್ ಆಸಾಯೇ ತುಕಾ..?

ನಾ, ಸಾಯ್ಬಾನೋ ಮಾಕಾ ಕಳಿತ್ ನಾ.

ಮಾಗಿರ್ ಖಂಚೊ ಸೈನ್ಸ್ ಸ್ಟೂಡೆಂಟ್'ರೇ ತುಂ? ಹರ್ಯೆಕಾ ಪ್ರಬುಧ್ಧ್ ಮನ್ಶ್ಯಾಚ್ಯಾ ಕಟ್ಟ್ಯಾಂತ್ ಸರಾಸರ್ 1.5 ಕಿಲೋ ಬೊಂಡು ಆಸ್ತಾ. ಪುಣ್ ತಜ್ಯಾ ಕಟ್ಟ್ಯಾಂತ್ ತಾಚ್ಯಾ ಅರ್ಧೊ ಮಾತ್ರ್ ಆಸಾ. ದೆವಾನ್ ಇತ್ಲೊ ಘೋರ್ ಅನ್ಯಾಯ್ ತುಕಾ ಕಿತ್ಯಾಕ್ ಕೆಲೊ? ಮ್ಹಣ್ ಕೆದಾಳಾ ಪುಣೀ ಸವಾಲ್ ಕೆಲಾಂಯ್ಗೀ ತುವೆಂ?

ಮ್ಹಳ್ಯಾರ್ ಹಾಂವ್ ಪ್ರಬುಧ್ಧ್ ನ್ಹಂಯ್ ಮ್ಹಣ್ಚೆಂ ತುಮಿ.? ದಿಸ್ ಈಸ್ ಬಿಗ್ ಇನ್ಸಲ್ಟ್ ಫೋರ್ ಮೀ.. ಐ ವಿಲ್ ಪುಟ್ ಡಿಫೇಮೇಶನ್ ಕೇಸ್ ಓನ್ ಯೂ.. ಐ ವಿಲ್ ಸೀ ಯೂ ಇನ ದ ಕೋರ್ಟ್...  ಬಾಬಾನ್ ಶಿಕಯಿಲ್ಲೆಂ ಇಂಗ್ಲಿಷ್ ಭಾಯ್ರ್ ಘಾಲೆಂ ಬಾಬಣ್ಣಾನ್.

ಅರೇ, ಮರ್ಯಾದ್ ಆಸ್'ಲ್ಲ್ಯಾಂಕ್ ಮಾತ್ರ್ ಇನ್ಸಲ್ಟ್ ಜಾಂವ್ಚೆಂ. ಮೆಳ್'ಲ್ಲ್ಯಾ ಚಿಲ್ಲರ್ ಪಯ್ಶಾಂಕ್ ಆಸ್'ಲ್ಲಿ ಮಾನ್ ಮರ್ಯಾದ್ ಪೂರಾ ವಿಕುನ್ ಆಯಿಲ್ಲ್ಯಾ ತುಕಾ ಇನ್ಸಲ್ಟ್ ಜಾಂವ್ಚೆಂ ಮ್ಹಳ್ಯಾರ್ ತೆಂ ಸಂಸಾರಾಚೆಂ ಆಟ್ವೆಂ ನವಾಲ್ ಮ್ಹಣ್ಯೆತ್. ತುಂ ಕೆದೊ ವ್ಹಡ್ ಬೆಕೂಫ್'ಗೀ ಮ್ಹಳ್ಯಾರ್ ಕೊಣಾ ಕೊಣಾಚೆಂ ನಕಲ್ ಕರ್ನ್ ಬರಯಿಲ್ಲೆಂ ಲೇಖನ್ ತುಜೆಂ ಮ್ಹಣ್ ಫಾಯ್ಸ್ ಕರವ್ನ್ ಆತಾಂ ಸಗ್ಳ್ಯಾ ಪತ್ರಾಂತ್ ಮ್ಹಜೆಂಚ್ ಲೇಖನ್ ಸೂಪರ್ ಹಿಟ್ ಮ್ಹಣ್ತಾಯ್. ದುಸ್ರ್ಯಾಂಕ್ ಸ್ವಕುಚಮರ್ದನ ಕರ್ತಾತ್ ಮ್ಹಣ್ಚೊ ತುಂ ಕಾಲೆಂ ದಾಂಬುನ್ ಆಸಾಯ್, ತುಜ್ಯೊಚ್..???

ತಶೆಂ ನ್ಹಂಯ್ ಸಾಯ್ಬಾನೊಂ.. ಆಕ್ಚುವಲಿ 2002 ಇಸ್ವೆಂತ್ ಜೊಸ್ಸಿ ಪಿಂಟೊ ಕಿನ್ನಿಗೋಳಿ ಹಾಣಿಂ ಕಾಣಿಕ್ ಪತ್ರಾಚೆರ್ ಮಂಗ್ಳುರಿ ಕ್ರೀಸ್ತಾಂವ್ ಸಮಾಜೆಚಿ ಓಪನ್ ಹಾರ್ಟ್ ಸರ್ಜರಿ ಮ್ಹಳ್ಳ್ಯಾ ನಾಂವಾನ್ ಬಾರೀ ಅಪುರ್ಬಾಯೆಚೆಂ ಏಕ್ ಲೇಖನ್ ಬರಯಿಲ್ಲೆಂ, ತ್ಯಾ ಲೇಖನಾಚ್ಯಾ ಅಕ್ರೇಕ್ ಹಾಂವ್ ತಯಾರ್ ಆಸಾಂ, ತುಂ ತಯಾರ್ ಆಸಾಯ್? ಮ್ಹಣ್ ಏಕ್ ಸವಾಲ್ ವಿಚಾರ್ನ್ ತಾಣೆ ಲೇಖನ್ ಸಂಪಯಿಲ್ಲೆಂ. ತಾಚೆಂ ಸವಾಲ್ ಹಾವೆಂ, ಹಾಂವ್ ತಯಾರ್ ಆಸಾಂ ತುಮಿ? ಮ್ಹಣ್ ಇಲ್ಲೆಶೆಂ ಬದ್ಲುನ್ ವಾಪಾರ್ನ್ ಮ್ಹಜೆಂ ಸೂಪರ್ ಹಿಟ್ ಲೇಖನ್ ಬರಯಿಲ್ಲೆಂ. ಜೊಸ್ಸಿ ಪಿಂಟೊಚೆಂ ಲೇಖನ್ ಮೊಸ್ತು ಜಣಾನಿಂ ವಾಚ್ಲಾಂ ಮ್ಹಣ್ ಮಾಕಾ ಕಿತೆಂ ಗೊತ್ತು? ತಾಣಿಂ ಸಕ್ಡಾನಿಂ ಮಾಕಾ ತ್ಯಾ ವಿಶ್ಯಾಂತ್ ಸವಾಲ್ ಕರುಂಕ್ ಸುರು ಕೆಲೆಂ. ತೆಂ ಮ್ಹಜೆಂಚ್ ಲೇಖನ್ ಮ್ಹಣ್ ಫಟಂವ್ಚೆ ಖಾತಿರ್ ಆತಾಂ ಹಾಂವ್ ಹರ್ಯೆಕ್ ಪಾವ್ಟಿಂ ತ್ಯಾ ಲೇಖನಾಂಚಿ ಜಿಕ್ರ್ ಕರ್ತಾನಾ 'ಸೂಪರ್ ಹಿಟ್' ಮ್ಹಣ್ ಬರಂವ್ಕ್ ವಿಚ್ರಾನಾ. 

ನಂಯ್,  ದೊಂಪ್ಳ್ಯಾಚಿ ಕಟ್ಟಿ ಖಂಯ್ ಪುಣೀ ಮೆಳೊನಾಂಯೆರೇ ತುಕಾ? ತೊ ದಾಕ್ಷೆಣ್ ನಾತ್ಲೊ ವಿಮರ್ಶಕ್  ಆಸಾ ನೇ, ತಾಕಾ ತುಂ ಆತಾಂ ಮೊಸ್ರಿ, ನಂಜೆಲ ಮ್ಹಣ್ತಾಯ್.. ತ್ಯಾಚ್ ತುಜ್ಯಾ ಸೂಪರ್ ಹಿಟ್ ಲೇಖನಾಮಧೆಂ ತಾಕಾ ಉತ್ತೀಮ್ ಚಿಂತ್ಪಿ ತಶೆಂ ಅಶೆಂ ಮ್ಹಣ್ ಸಾಂಗೊನ್ ಒಟ್ರಾಶಿ ಪುಗಾರ್ಲಾಂಯ್..? ತೆಂ ಪಾವಾನಾತ್ಲ್ಯಾಕ್ ಹೆಂ ಪಳೆ ಹಾಂಗಾ,  ತಾಚೆ ವಿಶ್ಯಾಂತ್ ಉಲ್ಲೇಕ್ ಕರ್ನ್ ಇತ್ಲೊ ವ್ಹಡ್ ಕಮೆಂಟ್ ಬರಯ್ಲಾಯ್..? ಮೊಬೈಲಾಂಲಾಂತ್ಲೆ ಸ್ಕ್ರೀನ್ ಶೋಟ್ ಕಾಡ್ನ್ ದಾಖಯ್ಲೆ ಜ್ಯೋತಿಷಿನ್..

ಪಳೆವ್ನ್ ಪುರ್ತೊ ಬೊಲ್ಚೆವ್ನ್ ಗೆಲ್ಲೊ ಬಾಬಣ್ಣ ಉಲಂವ್ಕ್ ಗಾಗೆಲೊ.. ತೆಂ ತಶೆಂ ನ್ಹಂಯ್ ಸಾಯ್ಬಾನೊಂ.. ಎಗೇಯ್ನ್ ಚೀಟಿಂಗ್ ಚೀಟಿಂಗ್ ಚೀಟಿಂಗ್. ದಿಸ್ ಈಜ್ ಟೆಕ್ನೋಲೊಜಿ ಫೋಲ್ಟ್.  ತಾಣಿಂ ಪೂರಾ ಅದ್ಲೆ ಸ್ಕ್ರೀನ್ ಶೋಟ್ ಕಾಡ್ನ್ ದವರ್ಲ್ಯಾತ್  ಮ್ಹಣ್ ಮಾಕಾ ಕಿತೆಂ ಗೊತ್ತು? ಹಿ ಸ್ಕ್ರೀನ್ ಶೋಟ್ ಟೆಕ್ನೋಲೊಜಿ ಯೇವ್ನ್ ಮ್ಹಜೆ ತಸ್ಲ್ಯಾ ಸತ್ತಿ, ಪ್ರಾಮಾಣಿಕ್, ನಿಷ್ಟುರ್ ಪತ್ರಕರ್ತಾಕ್ ದೀಸ್ ಕಾಡುಂಕ್ ಕಷ್ಟ್ ಜಾಲ್ಯಾತ್. ಆಪ್ಣಾಕ್ ಏಕ್ ವೆಬ್ಸೈಟ್ ಘಡುಂಕ್ ಆಸಾ ಮ್ಹಣ್ ತೊ ವಿಮರ್ಷಕ್ ಆನಿ ತಾಚೊ ಸಾಂಗಾತಿ ಕೆದಾಳಾರೀ ಸಾಂಗೊನ್ ಆಸ್'ಲ್ಲೆ. ಹಾಂವ್ ತೊ ಕಾಂಯ್ ಮಾಕಾ ತಾಚ್ಯಾ ವೆಬ್ಸೈಟಿಂತ್ ಚೀಪ್ ಎಡಿಟರ್ ಯಾ ಇಂಟ್ರ್ಯೂ ಮೇಕರ್ ಪೋಸ್ಟ್ ದೀತ್ ಮ್ಹಣ್ ಚಿಂತ್'ಲ್ಲೆಂ. ಪುಣ್ ಮಾಕಾ ತಾಣೆ ಎಟೆಂಡರಾಚೊ ಪೋಸ್ಟ್'ಯೀ ದಿಲೊನಾ. ಮಾಗಿರ್ ಹಾಂವೆಂ ತಾಚೊ ಸಹವಾಸ್ ಸೊಡ್ನ್ ಕುಜಿಲಿ.ಕೊಮ್ ಸುರು ಕೆಲೆಂ. ತ್ಯಾ ದೀಸ್ ಥಾವ್ನ್ ಧರ್ನ್ ಆಜ್ ಪರ್ಯಾಂತ್ ದಿಸಾಚಿಂ ಚೊವೀಸ್ ವೊರಾಂಯೀ ತಾಕಾ ನಂಜೆಲ, ಮೊಸ್ರಾಳೊ ಮ್ಹಣ್ ಯೆಟುನ್ ತಾಚೆವಯ್ಲೊ ರಾಗ್ ಆನಿ ಮ್ಹಜೆ ಜಿಬೆಚಿ ಖೊರೊಜ್ ದೊನೀ ಕಾಡ್ತೆ ಆಸಾಂ. ಪುಣ್ ತೊ ಆನಿ  ತಾಚೆ ಸಾಂಗಾತಿ ಮಾತ್ರ್ ಆದಿಂ ಕಾಡ್ನ್ ದವರ್'ಲ್ಲೆ ಸ್ಕ್ರೀನ್ ಶೋಟ್ ಉಸ್ತುನ್ ವಯ್ರ್ ಘಾಲ್ನ್ ಮಾಕಾ ಸಾಂಪ್ಡಾಂವ್ಕ್ ಪಳೆತಾತ್.

ಎಬ್ಬೇ ತುಜೊಯೀ ಏಕ್ ಜಲ್ಮ್'ಗೀ...? ಪತ್ರಕಾರ್ ಮ್ಹಣ್ ವೆಬ್ಸೈಟ್ ಕರ್ನ್ ತಿ ಆತಾಂ ಫಕತ್ ಎಕಾ ಮನ್ಶ್ಯಾಚಿ ಸ್ತುತಿ ಕರುಂಕ್ ವಾಪ್ರುನ್ ಆಸಾಯ್ ನೇ, ತಾಚ್ಯಾ ಬದ್ಲಾಕ್ ತುಕಾ ಹ್ಯಾಂಡ್ ಬಿಲ್ಲಾಂ, ಫ್ಯಾಂಫ್ಲೆಟಾಂ ಪ್ರಿಂಟ್ ಕರ್ನ್ ವಾಂಟ್ಚೆಂ ಬಿಸ್ನೆಸ್ ಕರ್ಯೆತೆಂ. ಅಶೆಂ ಪತ್ರ್'ಗಾರಿಕೆಚ್ಯಾ ನಾಂವಾನ್ ಭಿಕ್ ಮಾಗೊನ್ ತೀನ್ ತಿರ್ಕುಟ್ ಜಾಲ್ಲಿ ತುಜಿ ಮರ್ಯಾದ್ ಪುರ್ತಿ ಹೊಗ್ಡಾವ್ನ್ ಘೆಂವ್ಚಿ ಗರ್ಜ್ ಆಸ್ಲಿಗೀ..? ಸಾಂಗ್'ಲ್ಲೆಬರಿಂ ತುಜ್ಯಾ ವೆಬ್ಸೈಟಿವಿಶಿಂ ಖಬ್ರೊ ಬರಯಿಲ್ಲ್ಯಾ ತ್ಯಾಚ್ ಪತ್ರಾಂತ್ ವಚೊನ್ ಕಾರ್ಯಕಾರಿ ಸಂಪಾದಕ್ ಜಾಲ್ಲೊ ಮಹಾನ್ ಮನಿಸ್ ಕೊಂಕ್ಣೆಂತ್ ತುಂ ಎಕ್ಲೊ ಮಾತ್ರ್ ಮ್ಹಣ್ ದಿಸ್ತಾ.

ಕಾಲೆಂ ಉಲಯ್ತಾತ್ ಸಾಯ್ಬಾನೊಂ ತುಮಿ.? ತಶೆಂ ಕಾಂಯ್ ವಾಯ್ಟ್ ಬರೊವ್ನಾ ಮ್ಹಜೆ ವೆಬ್ಸೈಟಿ ವಿಶ್ಯಾಂತ್.

ಹೆಂ ಕಾಲೆಂ ಪಳೆ ತುಜೆಂ ಹಣೆಬರಪ್. ಮೊಬೈಲಾಂತ್ಲಿ ಅನ್ಯೇಕ್ ತಸ್ವೀರ್ ಭಾಯ್ರ್ ಕಾಡ್ಲಿ ಜ್ಯೋತಿಷಿನ್.

ಹೆಹೆಹೆ ಕಾಲೆಂ ಸಾಯ್ಬಾನೊಂ ತುಮಿ.? ಮ್ಹಜೆ ವೆಬ್ಸೈಟಿ ವಿಶ್ಯಾಂತ್ ಬರೆಂಚ್ ಬರಯ್ಲಾಂ ತಾಂತುಂ. ತಾಣಿಂಚ್ ಮಾಕಾ ಇತ್ಲ್ಯಾ ಅಪುರ್ಬಾಯೆಚೆಂ ನಾಂವ್ ಸಯ್ತ್ ದಿಲಾಂ ಕುಜಿಲಿ.ಕೊಮ್. ತ್ಯಾಚ್ ಮೊಗಾನ್ ಹಾಂವ್ ತಾಚ್ಯಾ ಪತ್ರಾಂತ್ ಕಾರ್ಯಕಾರಿ ಸಂಪಾದಕ್ ಜಾಲ್ಲೊಂ. ಹಿ ಮ್ಹಜಿ ವೆಬ್ಸೈಟ್ ಕೊಂಕ್ಣೆಂತ್ ಏಕ್ ದಾಖ್ಲೊ ಜಾತಾ ಪಳೆಯಾ ತುಮಿ. ಮುಕ್ಲಿ ಪಿಳ್ಗಿ ಮ್ಹಜೆ ವೆಬ್ಸೈಟಿವಿಶಿಂ ಅಧ್ಯಯನ್ ಕರ್ನ್ ಕೊಂಕ್ಣಿವಿಶಿಂ ನೋಲೆಜ್ ಜೊಡ್ತೆಲಿಂ. ಕೊಂಕ್ಣೆಚ್ಯಾ ಹಿಸ್ಟ್ರಿಂತ್ ಮ್ಹಜಿ ವೆಬ್ಸೈಟ್ ಯಾದ್'ಗಾರ್ ಜಾವ್ನ್ ಉರ್ತೆಲಿ.

ಯಾದ್'ಗಾರ್ ಜಾಂವ್ಚಿ ಗಜಾಲ್ ಸೊಡ್, ತುಂ ಮಾತ್ರ್ ಏಕ್ 'ಗಾರ್' ಮ್ಹಣ್ ತುವೆಂ ಎದೊಳ್'ಚ್ ರುಜು ಕೆಲಾಂಯ್ ತುವೆಂ. ತುವೆಂ ಇತ್ಲ್ಯಾ ಜಣಾ ರಾಜಕಾರಣಿಂಚ್ಯೊ ಇಂಟರ್ವ್ಯೂ ಕರ್ನ್ ಘಾಲ್ಯೊಯ್ ನೇ, ತಾಂತುಂ ಎಕ್ಲೊ ಪುಣೀ ಜಿಕ್ಲೊ ಗೀ..? ನವ್ಯಾನ್ ರಾವ್'ಲ್ಲ್ಯಾಕ್ ಸೊಡ್ಯಾಂ, ತೊ ಸಲ್ವೊಂಕ್'ಚ್ ಮ್ಹಣ್ ರಾವ್'ಲ್ಲೊ. ಪುಣ್ ನಿರಂತರ್ ಜಿಕೊನ್ ಆಸ್'ಲ್ಲೆಯೀ ತುಕಾ ಇಂಟರ್ವ್ಯೂ ದಿಲ್ಯಾ ಉಪ್ರಾಂತ್ ಸಲ್ವಾಲೆ. ತುಳ್ವೆಂತ್  'ಒಡು ಪತ್ತಿಲೆಕ್ಕ' ಮ್ಹಣ್ ಏಕ್ ಸಾಂಗ್ಣಿ ಆಸಾ ನೇ, ತುಜಿ ಕಾಣಿ ತಶಿಚ್ ಜಾಲ್ಯಾ, ತುಕಾ ಇಂಟರ್ವ್ಯೂ ದಿಲ್ಲ್ಯಾ ಹರ್ಯೆಕ್ಲ್ಯಾಕೀ 'ಒಡು ಪತ್ತಿಲ್ಲೆ'ಬರಿಂಚ್ ಜಾಲಾಂ. ತೊ ತೀನ್ ಭಾಸಾಂಚೊ ಸೂಪರ್ ಸ್ಟಾರ್ ಪಳೆ, ಪೊಲಿಸಾಚ್ಯಾ ಫಿಲ್ಮಾಕ್ ತುಕಾ ಇಂಟರ್ವ್ಯೂ ದಿಲ್ಲಿಚ್ ದಿಲ್ಲಿ, ಆತಾತಾಂ ತಾಕಾ ಫೋನ್ ಕಾನಾಂಕ್ ದರ್ನ್ ಭೊಂವ್ಚೆ ಪಾತ್ರ್'ಯೀ ಕೊಣೀ ದೀನಾಂತ್ ಖಂಯ್. ಪಯ್ಲೆಂ ಥೊಡ್ಯಾ ತರ್ನಾಟ್ಯಾಂಕ್ ಪಯ್ಶೆ ದೀವ್ನ್, ಫುಲಾಂ, ಫಳಾಂ, ಝೆಲೊ ಆಪುಣ್'ಚ್ ಕಾಣ್ಘೆವ್ನ್ ದೀವ್ನ್ ತಾಂಚೆ ಕರ್ನಾಂ ಸನ್ಮಾನ್ ಕರವ್ನ್ ಘೆವ್ನ್ ಫೋಟೋ ಕಾಡ್ನ್ ಘಾಲ್ತಾಲೊ, ಆತಾಂತಾಂ ತೆ ತರ್ನಾಟೆಯೀ ತಾಕಾ ಲಾಗಿಂ ಕರಿನಾಂತ್ ಖಂಯ್.. ಹೆಂ ಚಿಂತಾನಾ ಮಾಕಾ ತ್ಯಾ ಕೊಂಕ್ಣೆಚ್ಯಾ ಅಪುಟ್ ಸಂಘಟನಾಂಚಿ ಆನಿ ತಾಂಚ್ಯಾ ಗುರ್ಕಾರಾಚಿ ಭಿರ್ಮೊತ್ ದಿಸ್ತಾ.. ಉಣ್ಯಾರ್ ಉಣೆಂ ತೆಂ ಮ್ಯೂಸಿಯಂ ಭಾಂದುನ್ ಮುಗ್ದಿತಾ ಮ್ಹಣಾಸರ್ ತರೀ ತಾಕಾ ಧೊಸುಂಕ್ ವಚೊನಾತ್ಲೆಂಯ್ ತರ್ ಬರೆಂ ಆಸ್ಲೆಂ.. ಉಪ್ರಾಂತ್ ತರೀ ತಾಕಾ ಒಡು ಪತ್ತಿಲ್ಲೆಂ ತರ್, ತಾಕಾ ಆನಿ ತುಜ್ಯಾ ಕುಜಿಲಿಕ್ ದೊನಾಂಯ್ಕೀ ಉಕಲ್ನ್ ತ್ಯಾಚ್ ಮ್ಯೂಸಿಯಮಾಂತ್ ದವರ್ನ್ ತುಕಾ ಭಾಯ್ರ್ ಪಾರೊ ರಾವವ್ಯೆತೆಂ.. ಪುಣ್ ತಾಕಾ ಆತಾಂಚ್ ಒಡು ಪತ್ತಿಲ್ಲಿಂ ಲಕ್ಷಣಾಂ ದಿಸೊನ್ ಆಯ್ಲ್ಯಾಂತ್ ಭಿರ್ಮತ್... 

ಹಿಹಿಹಿ ಹೆಹೆಹೆ ತುಮ್ಕಾಂ ಕೊಂಕ್ಣಿ ಸಂಸಾರಾಚೆ ಸಕ್ಕಡ್ ಘುಟ್ ಕಳಿತ್ ಆಸಾತ್.. ತೆಂ ಕಶೆಂ..? ಹಾಂಕ್ರೆವ್ನ್ ವಿಚಾರ್ಲೆಂ ಬಾಬಣ್ಣಾನ್.

ಕಶೆಂ ಮ್ಹಣ್ ವಿಚಾರ್ತಾಯ್.? ಪಳೆ ಹಾಂಗಾ ಮ್ಹಣುನ್ ಜ್ಯೋತಿಷಿನ್ ಆಪ್ಲೆ ನಕ್ಲಿ ಕೇಸ್, ಕಾಡ್ ಆನಿ ಮಿಶಿಯೊ ನಿಕ್ಳಾವ್ನ್ ಮೆಜಾರ್ ದವರ್ಲ್ಯೊ.  

ಏ ಮ್ಹಜ್ಯಾ ಬೊರ್ಕಾತಾ, ಟೆನ್ಶನ್ ಅಂಕಲ್... ತುಂ ಹಾಂಗಾ... ಹೆಂ ಜ್ಯೋತಿಷಿ... ವೇಸ್..   ಉಲಂವ್ಕ್ ಉತ್ರಾಂ ಮೆಳ್ನಾಸ್ತಾನಾ ಪಾದ್ದೆಲೊ ಬಾಬಣ್ಣ

ಮ್ಹಯ್ ಹಾಂವ್'ಚ್ ತೊ.. ಜಿಲ್ಲಿಬಾಯೆಚ್ಯಾ ಹಾತಾಂತ್ಲೊ ಚುಕೊನ್ ಧಾಂವೊನ್ ಗಡಂಗಾಕ್ ರಿಗ್ತಾನಾಂಚ್ ತುಕಾ ಪಳೆಲ್ಲೆಂ ಹಾವೆಂ. ಥಂಯ್ ಥಾವ್ನ್ ತುಕಾ ಹಾಂಗಾ ಮ್ಹಣಾಸರ್ ಫೋಲೋ ಕರ್ನ್ ಆಯಿಲ್ಲೊಂ. ಹಾಂಗಾಚ್ಯಾ ಜ್ಯೋತಿಷಿಕ್ ಇಲ್ಲೆ ಪಯ್ಶೆ ದೀವ್ನ್ ಎಕಾ ಘಂಟ್ಯಾಕ್ ತಾಚ್ಯಾ ಜಾಗ್ಯಾರ್ ಬಸ್ಲಾಂ ಹಾಂವ್ ತುಜಿ ಅಸ್ಲಿಯತ್ ಭಾಯ್ರ್ ಘಾಲುಂಕ್..

ಟೆನ್ಶನ್ ಅಂಕಲ್, ಟೆನ್ಶನ್ ಅಂಕಲ್ ದಮ್ಮಯಾ, ತುಜೆ ಪಾಂಯ್ ಧರ್ತಾಂ, ಭೊಗ್ಶಿಯಾ ಮಾಕಾ, ತಾಣಿಂ ಪಯ್ಶೆ ದಿಲೆ ಮ್ಹಣ್ ಹಾವೆಂ ತುಮ್ಚೆವಿರೋಧ್ ನಾಕಾ ಜಾಲ್ಲೆಂ ಬರಯ್ಲೆಂ. ಮ್ಹಜಿ ಚೂಕ್ ಜಾಲಿ, ಮಾಫ್ ಕರಾ. ಹಾವೆಂ ತುಮ್ಚೆಲಾಗಿಂ ಸಾಗ್'ಲ್ಲ್ಯೊ ಗಜಾಲಿ ಕೊಣಾಕೀ ಸಾಂಗಿನಾಕಾತ್, ಪಯ್ಲೆಂಚ್ ಮ್ಹಜಿ ಗತ್ ನಿಮಾಣಿ ಜಾಲ್ಯಾ.. ಪಾಯಾಂಕ್'ಚ್ ಆಡ್ ಪಡ್ಲೊ ಬಾಬಣ್ಣ.

ತುಕಾ ಭೊಗ್ಸುಂಚೆಂ..? ಆನ್ಯೇಕ್ಲ್ಯಾಚೆಂ ಪರ್ಸನಲ್ ಲೈಫ್ ಬರಂವ್ಚೆಂ, ಪಯ್ಶಾಂಖಾತಿರ್ ಮನ್ಶಾಂಕ್ ಧುಂಪವ್ಚೆಂಚ್ ಜರ್ನಲಿಸಂ ಮ್ಹಣ್ ಚಿಂತ್ಚ್ಯಾ ತುಕಾ ಭೊಗ್ಶಿಲ್ಯಾರ್ ಮಾಕಾ ಭೊಗ್ಸಾಣೆಂ ಆಸ್ಚೆಂ ನಾ.. ರಾವ್ ತುಜೊ ಫೋಟೋ ಕಾಡ್ತಾಂ.. ಮ್ಹಣ್  ಟೆನ್ಶನ್ ಅಂಕಲಾನ್ ಬೊಲ್ಸಾಂತ್ಲೆಂ ಮೊಬೈಲ್ ಭಾಯ್ರ್ ಕಾಡ್ಲೆಂ.

ದಮ್ಮಯ ದಮ್ಮಯ ಮಾಫ್ ಕರಾ, ತುಮಿ ಮಾಫ್ ಕೆಲಾಂ ಮ್ಹಣ್ತಾಸರ್ ತುಮ್ಚೆ ಪಾಯ್ ಸೊಡಿನಾಂ ಹಾಂವ್, ಬಾಬಣ್ಣ ಗಳ್ಗಳ್ಯಾಂ ರಡ್ತಾಲೊ

ತುಕಾ ಗ್ರಹಚಾರ್ ಲಾಗ್ಲಾಂ ಮ್ಹಣ್ ಚಿಂತುನ್ ಜ್ಯೋತಿಶಿಕಡೆಂ ಆಯ್ಲಾಯ್.. ತುಕಾ ಗ್ರಹಚಾರ್ ಲಾಗ್ಲಾಂ ನ್ಹಂಯ್, ಕೊಂಕ್ಣೆಕ್ ಗ್ರಹಚಾರ್ ಲಾಗ್'ಚ್ಲೆ ಬರಿಂ ತುಂ ಲಾಗ್ಲಾಯ್. ತುಜೆ ತಸ್ಲ್ಯಾ ಹಳ್ದುವೆಂ ವೀಕ್ ವೊಂಕ್ತೆಲ್ಯಾಕ್ ಬರವ್ಪ್ಯಾಚೊ ದರ್ಜೊ ದೀವ್ನ್ ತುಜೆ ಥಾವ್ನ್ ಪ್ರಚಾರ್ ಜೋಡ್ನ್ ಘೆತಾನ್ ನೇ ತಾಂಕಾಂ ಗ್ರಹಚಾರ್ ಲಾಗ್ಲಾಂ. ಕೊಣಾಕೊಣಾಚ್ಯಾ ಬಾಯ್ಲ್ ಭುರ್ಗ್ಯಾಂವಿಶಿಂ ಬರಯ್ತಾಯ್, ಹೆರಾಂಕ್ ಹಿಜ್ಡೆ ಮ್ಹಣ್ತಾಯ್.. ತುಜ್ಯಾ ಘರ್ಚಿ ಗಜಾಲ್ ಪುಣೀ ಬರಂವ್ನ್ ಗೆಲ್ಯಾರ್ ತುಕಾ ಮುಸ್ಕಾರ್ ಲಿಪಂವ್ಕ್ ಜಾಗೊ ಮೆಳ್ಚೊ ನಾಂ. ತುಜ್ಯಾ ಪುಣ್ಯಾಕ್ ಕೊಣೀ ಕೊಂಕ್ಣಿ ಲೇಖಕ್ ಎದೊಳ್ ಪರ್ಯಾಂತ್ ತ್ಯಾ ಮಟ್ಟಾಕ್ ದೆಂವೊಕ್ ನಾ.. ಪುಣ್ ತುಂ ಅನ್ಯೇಕ್ ಪಾವ್ಟಿಂ ಕೊಣಾಯ್ಚೆಂ ಖಾಸ್ಗಿ ಜಿವಿತ್ ಉಸ್ತುಂಕ್ ವೆಶಿ ತರ್ ಹಾಂವ್'ಚ್ ತೆಂ ಬರಯ್ತಾಂ 

ನಾ ದಮ್ಮಯ ಸಾಯ್ಬಾನೊಂ, ಆನಿ ಮುಕಾರ್ ಹಾಂವ್ ಕೊಣಾಚ್ಯಾ ಖಬ್ರೆಕೀ ವಚಾನಾ. ಇಂಟ್ರ್ಯೂ ಕರ್ಚೆಂ ಕಾಮ್‍ಂಚ್ ಕರ್ನಾ. ಹೆಂ ಏಕ್ ಪಾವ್ಟಿಂ ಮಾಫ್ ಕರ್ ಮಾಕಾ.

ತುಂ ತಿತ್ಲ್ಯಾ ಸುಲಾಭಾಯೆನ್ ಸುದ್ರೊಂಚೊ ಮನಿಸ್ ನ್ಹಂಯ್. ಸುಣ್ಯಾಚಿ ಶಿಮ್ಟಿ ತರೀ ವ್ಹಯ್, ತುಂ ನ್ಹಂಯ್. ತರೀ ತುಕಾ ಏಕ್ ಅವ್ಕಾಸ್ ದಿತಾಂ, ಸುದ್ರಾಲೊಯ್ ತರ್ ತುಕಾ ಬರೆಂ, ಅಶೆಂಚ್ ಅನ್ನಾಡ್'ಪಣಾಂ ಕರ್ನ್ ರಾವ್ಲೊಯ್ ತರ್ ತುಜೆ ಆನಿಕೀ ಮೊಸ್ತು ಸ್ಕ್ರೀನ್ ಶೋಟ್ ಆಸಾತ್, ಪೂರಾ ಭಾಯ್ರ್ ಘಾಲ್ನ್ ತುಜೆಂ ಅಸ್ಲಿ ರೂಪ್ ಮುಕಾರ್ ಹಾಡ್ತಾಂ, ಆತಾಂ ನಿಕಳ್ ಹಾಂಗಾ ಥಾವ್ನ್.

ತಿತ್ಲೆಂ ಆಯ್ಕಾಲೆಂಚ್ ಟೆನ್ಶನ್ ಅಂಕಲಾಚ್ಯಾ ಪಾಯಾಂಕ್ ಪಡ್ 'ಲ್ಲೊ ಬಾಬಣ್ಣ ಉಟ್ಲೊ, 'ವಾಂಚೊನ್ ಉರ್ಲ್ಯಾರ್  ಹ್ಯಾಂಡ್ ಬಿಲ್ಲಾಂ ವಾಂಟುನ್ ದೀಸ್ ಕಾಡ್ತಾಂ' ಮ್ಹಣ್ ಚಿಂತುನ್ ಎಕಾಚ್ ದಮ್ಮಾರ್ ಧಾಂವೊನ್ ವಚೊನ್ ಬೆಳ್ತಂಗಡಿ ವೆಚ್ಯಾ ಬಸ್ಸಾರ್ ಚಡ್ಲೊ.

Cover Matters - ಇಂಟ್ರ್ಯೂ ಬಾಬಣ್ಣ V/s ಜಿಲ್ಲಿಬಾಯ್

ತಗಡ್ ತಗಡ್, ಅಪುಟ್ ತಗಡ್..
ಕೊಂಕ್ಣೆಚೆಂ ಏಕ್ ಮಾತ್ರ್ ತಗಡ್, 
ದೊನ್ಶ್ಯಾಂಚೆಂ ತಗಡ್, 
ವೆಗಿಂ ಯೆಯಾ, ಆಜ್'ಚ್ ಯೆಯಾ
ಧರ್ಮಾಕ್ ಪ್ರವೇಶ್
ಕಾಫಿ ಆನಿ ಅಂಬಡೆ ಫ್ರೀ ಫ್ರೀ ಫ್ರೀ....

ಶಕ್ತಿನಗರಾಚ್ಯಾ ಘುಂವ್ಡೆರ್ ರಾವೊನ್ ಕೋಣ್'ಗೀ ಬೊಬಾಟುನ್ ಆಸ್ಲೊ. ಬಿಕರ್ನಕಟ್ಟೆ ಮೀಸ್ ಸಂಪವ್ನ್ ಘರಾ ವೆಚಿ ಜಿಲ್ಲಿ ಬಾಯ್ ದನ್ಪಾರಾಂಚ್ಯಾ ಜೆವ್ಣಾಕ್ ಮಾಸ್ ಘೆವ್ಯಾಂ ಮ್ಹಣ್ ಸೊಜಾಮಾಚ್ಯಾ ಆಂಗ್ಡಿ ತೆವ್ಶಿಂ ವಚೊನ್ ಆಸ್'ಲ್ಲಿ ಹ್ಯೊ ಬೊಬೊ ಆಯ್ಕೊನ್, ಕಾಲೆಂ ಪಳೆಯಾಂ ಮ್ಹಣ್ ಲಾಗಿಂ ಗೆಲಿ. 

ಲಾಗಿಂ ವಚೊನ್ ಪಳೆತಾಂ, ಜಿಲ್ಲಿ ಬಾಯೆಕ್ ಅಜ್ಯಾಪ್.. ಅರೇ ಹೊ ಸ್ರ್ಕೂ ಸಡಿಳ್ ಜಾಲ್ಲೊ ಪತ್ರ್'ಕಾರ್ ಇಂಟ್ರ್ಯೂ ಬಾಬಣ್ಣ ನೇ..? ಹೊ ಕಿತೆಂ ಇಂಟ್ರ್ಯೂ ಕರ್ಚಿ ಸೊಡ್ನ್ ಗುಜುರಿ ವ್ಯಾರ್ ಕರುಂಕ್ ದೆಂವ್ಲಾ ಗೀ ಕಿತೆಂ..? ತಿತ್ಲ್ಯಾರ್ ತಿ ಬಾಬಣ್ಣ ಆಸ್ಲೆಕಡೆಂ ವಚೊನ್ ಪಾವ್ಲಿ.

 ಹೇ.. ಹೆಂ ಕಿತೆಂರೇ ಜೋಳಿಗೆ ಘೆವ್ನ್ "ಪ್ಲೀಸ್, ತುಜಿ ಏಕ್ ಇಂಟ್ರ್ಯೂ ಕರ್ತಾಂ" ಮ್ಹಣ್ ತಾಂಚ್ಯಾ ಹಾಂಚ್ಯಾ ಪಾಟ್ಲ್ಯಾನ್ ಲೆಂಬೆವ್ನ್ ಆಸ್'ಲ್ಲೊ ತುಂ ಆತಾಂ ತೆಂ ಪೂರಾ ಸೊಡ್ನ್ ಹೆಂ ಕಿತೆಂ ತಗಡ್ ತಗಡ್ ಮ್ಹಣ್ ಗುಜುರಿ ವಿಕ್ಚ್ಯಾ ವ್ಯಾರಾಕ್ ದೆಂವ್ಲಾಂಯ್.. ಕಾಲೆಂ ಗಜಾಲ್ ತುಜಿ..? ತುಕಾ ಖಂಚೆಂಯೀ ಏಕ್ ಲಾಂಬ್ ಕಾಳಾಕ್ ಠಿಕಾನಾ ನೇ..?

ಅಯ್ಯೋ.. ವಚೊನ್ ವಚೊನ್ ಹಿಚ್ಯಾಚ್ ಘಾಸಾಕ್ ಸಾಂಪ್ಡಾಜೆ ಗೀ..? ಆನಿ ಹಿ ವೆಗಿಂಚ್ಯಾಕ್ ಸೊಡಿನಾ.. ಎದೊಳ್'ಚ್ ತೀನ್ ತಿರ್ಕುಟ್ ಜಾಲ್ಲಿ ಮ್ಹಜಿ ಮರ್ಯಾದ್ ಹುಲ್ಪಾವ್ನ್ ಗೊಬೊರೊ ಕರ್ನ್ ಘಾಲ್ತಾ ಹಿ... ಮ್ಹಣ್ ತಿಕಾ ಪಳೆವ್ನ್ ಬೊಲ್ಚೆವ್ನ್ ಗೆಲೊ ಬಾಬಣ್ಣ.

ತಶೆಂ ನ್ಹಂಯ್ ಜಿಲ್ಲಿ ಬಾಯ್.. ಹಾಂವ್ ಆತಾಂಯೀ ಪತ್ರ್'ಕಾರ್ ಚ್.. ಕೊಂಕ್ಣೆಚೊ ಏಕ್ ಮಾತ್ರ್ ಧರ್ಯಾಧಿಕ್ ಪತ್ರ'ಕಾರ್.. ತುವೆಂ ಹ್ಯಾ ದಿಸಾನಿಂ ವಾಚ್ಚೆಂ ಉಣೆಂ ಜಾಲಾಂ ಆಸ್ತೆಲೆಂ.. ಮ್ಹಜಿ ವೆಬ್ಸೈಟ್ ಪಳೆ.. ಹಫ್ತ್ಯಾಕ್ ದೋನ್ ಇಂಟ್ರ್ಯೂ ಕರ್ತಾಂ ಹಾಂವ್.. ವಾಚಿನಾಂಯ್ ತುಂ..?

ಹತ್ತ್ ಬೆಕೂಪಾ.. ತುಂ ಮ್ಹಜೆಂ ವಾಚಪ್ ತುಕುನ್ ಆಸಾಯ್..? ವಾಚಪ್ ಮ್ಹಳ್ಯಾರ್ ಕಾಲೆಂ ಮ್ಹಣ್ ಗೊತ್ತಾಸಾಗೀ ತುಕಾ..? ತುವೆಂ ನಂಜಿ ವೊಂಕೊನ್ ಘಾಲ್ಲೆಂ ಪೂರಾ ವಾಚುಂಕ್ ಮ್ಹಜ್ಯಾ ತಕ್ಲೆಂತ್ ಕಿತೆಂ ಕಿಡೊ ಪಡ್ಲಾಗೀ.? ಹಾಂವ್ ಆಜ್'ಯೀ ವಾಚ್ತಾಂ ಆನಿ ಮುಕಾರೀ ವಾಚ್ತಾಂ, ಪುಣ್ ಹಳ್ದುವಿಂ ಪತ್ರಾಂ, ವೆಬ್ಸೈಟಿ ನ್ಹಂಯ್.. ಕ್ವಾಲಿಟಿ ವಾಚ್ಪಾಂ ಮಾತ್ರ್ ವಾಚ್ತಾಂ.. 

ಹಿ ಹಿ ಹಿ.. ತಶೆಂ ನ್ಹಂಯ್ ಜಿಲ್ಲಿ ಬಾಯ್.. ತೆಂ ಥೊಡೆ ಪಾವ್ಟಿಂ ಮ್ಹಜೆಂ ಪೋಟ್ ಪಾಡ್ ಜಾತಾ... ತೆದಾಳಾ ಮಾತ್ರ್ ಹಾಂವ್ ಇಲ್ಲೆಂ ಗಲೀಜ್ ಕರ್ತಾಂ.. ತೆಂ ಸೊಡ್ಲ್ಯಾರ್ ಮ್ಹಜ್ಯಾ ವೆಬ್ಸೈಟಿಂತೀ ಟೋಪ್ ಕ್ವಾಲಿಟಿ ಇಂಟ್ರ್ಯೂ ಆಸಾತ್..

ನ್ಹಂಯ್'ರೇ ಭಿಕ್ಣೆಶ್ಯಾ, ಪೋಟ್ ಪಾಡ್ ಜಾಲ್ಯಾರ್ ಘರಾ ಕಾಕುಸ್ ನಾಂ ತರ್, ಘರಾಲಾಗಿಂ ತೋಡ್ ನಾಂ ತರ್, ಮುನ್ಸಿಪಾಲ್ಟಿಚಿ ಚರಂಡಿ ಆಸ್ಲ್ಯಾರ್ ಥಂಯ್ ಪುಣೀ ವಚ್.. ಅಶೆಂ ಪತ್ರ್, ವೆಬ್ಸೈಟ್ ಮ್ಹಣ್ ಥಂಯ್ ಹಾಂಗಾ ಮೆಳೆಂ ಕರ್ನ್ ಘಾಲ್ನ್ ಸಮಾಜ್ ಘಾಣಯ್ನಾಕಾ..

ತಶೆಂ ನ್ಹಂಯ್ ಜಿಲ್ಲಿಬಾಯ್.. ಪ್ಲೀಸ್ ಟ್ರೈ ಟು ಅಂಡರ್'ಸ್ಟ್ಯಾಂಡ್ ಮೀ.. ತುವೆಂ ಹ್ಯಾ ದಿಸಾನಿಂ ಮ್ಹಜಿ ವೆಬ್ಸೈಟ್ ಪಳೆಂವ್ಕ್'ನಾಯ್.. ಕ್ಲಾಸಿಕ್, ಅಪುಟ್, ಸೆನ್ಸೇಶನಲ್, ಎಕ್ಸ್ಟ್ರಾರ್ಡಿನರಿ ಇಂಟ್ರ್ಯೂ ಕರ್ನ್ ಘಾಲ್ಯಾತ್ ಹಾವೆಂ.. 

ಥೂ ತುಜ್ಯಾ... ಕಾಲೆಂ ಯೆತಾ ಗೀ ಮ್ಹಜ್ಯಾ ತೊಂಡಾಂತ್ಲ್ಯಾನ್.. ನ್ಹಂಯ್'ರೇ ಬೆಕುಪಾ, ಕ್ಲಾಸಿಕ್, ಅಪುಟ್, ಸೆನ್ಸೇಶನಲ್, ಎಕ್ಸ್ಟ್ರಾರ್ಡಿನರಿ ಮ್ಹಣ್ ತುಂ ತುಕಾಚ್ ಪುಗಾರ್ತಾಯ್ ನೇ... ಇಲ್ಲಿ ಪುಣೀ ಭಾಸ್ ಆಸಾಗೀ ತುಕಾ..? ತುಜ್ಯಾ ಇಂಟ್ರ್ಯೂಂತ್ಲಿಂ ಥೊಡಿಂ ಸವಾಲಾಂ ಪಳೆ.. ಎಕಾ ವಾಕ್ಯಾಚ್ಯಾ ಜಾಪಿಕ್ ತುಜೆಂ ಸವಾಲ್ ದೋನ್ ಫರ್ಲಾಂಗ್ ಲಾಂಬ್ ಆಸ್ತಾ. ತುಜ್ಯಾ ಕಟ್ಟ್ಯಾಂತ್ಲೆಂ ಕಸ್ತಳ್ ಸವಾಲಾಚ್ಯಾ ನಿಬಾನ್ ಮುಕ್ಲ್ಯಾ ವ್ಯಕ್ತಿಚೆರ್ ಥಾಪ್ತಾಯ್... ಮಾಗಿರ್ ತ್ಯಾ ವ್ಯಕ್ತಿನ್ ದಿಲ್ಲ್ಯಾ ಜಾಪಿಕ್ ತುಜ್ಯಾ ಬೊಲ್ಸಾಂತ್ಲೆಂ ಇಲ್ಲೆಂ ಕುಡ್ಸುನ್ ಬರಯ್ತಾಯ್.. ತುಕಾ ಜಾಯ್ ಜಾಲ್ಲೆಂ ಹೈಲೈಟ್ ಕರ್ತಾಯ್, ನಾಕಾ ಜಾಲ್ಲೆಂ ಡಿಲೀಟ್ ಕರ್ತಾಯ್.. ತುಜೆ ತಸ್ಲ್ಯಾಕ್ ಇಂಟರ್ವ್ಯೂ  ದಿತಾತ್ ನೇ, ತಾಂಚಿ ಭಿರ್ಮತ್ ದಿಸ್ತಾ ಮಾಕಾ..

ಜಿಲ್ಲಿಬಾಯ್ ಜಿಲ್ಲಿಬಾಯ್, ಯೂ ಹ್ಯಾವ್ ಟೋಟಲ್ಲಿ ಮಿಸ್ಟೇಕನ್ ಮೀ. ಹಾಂವ್ ಏಕ್ ಧಯ್ರಾಧಿಕ್ ಪತ್ರ್'ಕಾರ್.. ಕೊಂಕ್ಣೆಚಿ ಸೆವಾ ಕರ್ಚೊ ಮಹಾನ್  ಬರವ್ಪಿ.. ಹಾಂವ್ ಹ್ಯಾ ದಿಸಾನಿಂ ಕೊಂಕ್ಣೆಚ್ಯಾ ಮಹಾನ್ ಸಂಸ್ಥ್ಯಾಕ್ ಪ್ರಚಾರ್ ದೀವ್ನ್ ಆಸಾಂ.. ಮ್ಹಜಿ ವೆಬ್ಸೈಟ್ ಪಳೆ.. ತಾಂಚ್ಯಾ ಕಾರ್ಯಾವಿಶಿಂ ಪ್ರಚಾರ್ ದೀವ್ನ್ ಕಿತೆಂ ಬರಯ್ಲಾಂ ಪಳೆ.. ತಾಂಚ್ಯಾ ಗುರ್ಕಾರಾಚಿ ಇಂಟ್ರ್ಯೂ ಸಯ್ತ್ ಕರ್ನ್ ಘಾಲ್ಯಾ. ಆನಿ ಆಜ್ ಪಳೆ, ಹಾಂಗಾ ರಾವೊನ್ ವಾಟೆನ್ ವೆಚ್ಯಾ ಲೊಕಾಕ್ ಪ್ರಚಾರ್ ದೀವ್ನ್ ತಾಂಚ್ಯಾ ಕಾರ್ಯಾಕ್ ಜಣ್ ಎಕ್ಟಾವ್ನ್ ಆಸಾಂ.. ತುಂಯೀ ಯೇ ಜಿಲ್ಲಿಬಾಯ್.. ಕಾಫಿ ಆನಿ ಅಂಬಡೆ ಫ್ರೀ ಮೆಳ್ತಾ..

ಹತ್ತ್ ಪಡ್ಪೊಶ್ಯಾ, ಕಾಫಿ ಆನಿ ಚಾಯೆಚಿ ಆಶಾ ದಾಕವ್ನ್ ಮಾಕಾ ಕಾರ್ಯಾಕ್ ಆಪಯ್ತಾಯ್.? ಖಾಣ್ ಮೆಳ್ತಾ ಥಂಯ್ ಹಾಜ್ರಿ ಘಾಲುಂಕ್ ಹಾಂವ್ ಕಾಂಯ್ ತುಜೆಬರಿಂ ಪೊಟಾರಿ ನ್ಹಂಯ್. ಬರೆಂ ಕಾರ್ಯೆಂ ಕೆಲ್ಯಾರ್ ತುಜೆ ತಸ್ಲ್ಯಾ ಘಾಣ್ಕುಟ್ಯಾ ವೆಬ್ಸೈಟಿಚ್ಯಾ ಪ್ರಚಾರಾಚಿ ಗರ್ಜ್ ನಾ, ಫುಂಕ್ಯಾಚ್ಯಾ ಕಾಫಿ ಫಳಾರಾಚಿಯೀ ಗರ್ಜ್ ನಾ, ಲೋಕ್ ಆಪಾಪಿಂ ಯೆತಾ.. ಆನಿ ತುವೆಂ ಹಾಂಗಾ ಬೆರ್ಚಪ್ಪಬರಿಂ ರಾವೊನ್ ಬೊಬೊ ಘಾಲ್ಚಿಯೀ ಗರ್ಜ್ ನಾ.. ಆನ್ಯೇಕ್ ಪಾವ್ಟಿಂ ಮಾತ್ರ್ ತುಜ್ಯಾ ವೆಬ್ಸೈಟಿಚೆಂ ನಾಂವ್ ಮುಜೆಮುಕಾರ್ ಕಾಡ್ಶಿ ತರ್ ಮ್ಹಜ್ಯಾ ಪಾಯಾಂತ್ ಆಸ್'ಲ್ಲಿ ಹಾತಾಕ್ ಯೇತ್..

ನ್ಹಂಯ್ ಜಿಲ್ಲಿಬಾಯ್, ತುಕಾ ಮ್ಹಜಿ ವೆಬ್ಸೈಟ್ ಮ್ಹಳ್ಯಾರ್ ತಿತ್ಲೊಯೀ ರಾಗ್ ಕಿತ್ಯಾಕ್.?

ರಾಗ್ ಕಿತ್ಯಾಕ್ ಮ್ಹಣ್ ವಿಚಾರ್ತಾಯ್ ಮಾಲುಂಡಾ.? ತೀನ್ ವರ್ಸಾದಿಂ ತ್ಯಾಚ್ ಸಂಸ್ಥ್ಯಾವಿಶಿಂ, ತಾಂಚ್ಯಾ ಗುರ್ಕಾರಾವಿಶಿಂ ಕಿತೆಂ ಬರಯಿಲ್ಲೆಂಯಿ ಉಗ್ಡಾಸ್ ಆಸಾವೇ ತುಕಾ.? ತ್ಯಾ ಸಂಘಟನಾಕ್ ಕಾಂಟ್ ಕುರ್ಪೊಣ್ ಮಾತ್ಯಾರ್ ದವರ್ನ್ ಭೊಂವ್ಚೆಂ ಸಂಘಟನ್ ಮ್ಹಣ್ ವೊಲಾಯಿಲ್ಲೆಂ ವಿಸ್ರಾಲೊಯ್ ಗೀ.? ತಾಂಚ್ಯಾ ಗುರ್ಕಾರಾಕ್ 'ಬೊಗಳಿದ್ದೇ ರಾಗ ಉಗುಳಿದ್ದೇ ರೋಗ'  ಪ್ರಖ್ಯಾತೆಚೊ ಮ್ಹಾತ್ಬಾರಿ ಫರ್ಮಾಯ್ತಾ, ಬೊಬಾಟ್ತಾ ಮ್ಹಳ್ಳೆಂಯಿ, ಫಲಾಣೊ ಸಂಗೀತ್ಗಾರ್ ಭಾಂಗಾರ್ ಆನಿ ಹೊ ಗುರ್ಕಾರ್, ಮ್ಹಾತ್ಬಾರಿ ಕುಂಬು ತಗಡ್ - ಮ್ಹಣ್ ಬರಯಿಲ್ಲೆಂಯಿ ನೇ? ತೆಂ ಕಿತೆಂ ಕುಜುಲಿಂತ್ಲೆಂ ಘೊಟುಲ್ಲ್ಯಾ ಆಮಾಲಾಂತ್ ಬರಯಿಲ್ಲೆಂಯ್ಗೀ..? ಆತಾಂ ಪಿರ್ವಾಲ್ಯಾ ಉಪ್ರಾಂತ್ ತೆಂ ಕಾಂಟ್ ಕುರ್ಪೊಣ್ ಮಾತ್ಯಾರ್ ವಾವೊಂವ್ಚೆಂ ಸಂಘಟನ್ ತುಕಾ ಕೊಂಕ್ಣೆಚೆಂ ತೇಂಪ್ಲ್ ಮ್ಹಣ್ ಭೊಗ್ತಾ, ಆನಿ ತೊ ಕುಂಬು ತಗಡ್ ಮ್ಹಾತ್ಬಾರಿ ತುಕಾ ಆತಾಂ ಕೊಂಕ್ಣೆಚೊ ಸೊಡ್ವಣ್ದಾರ್ ಮ್ಹಣ್ ಭೊಗ್ತಾ..?

ಅಯ್ಯೋ ಜಿಲ್ಲಿಬಾಯ್.. ತುಕಾ ಹೆಂ ಸಕ್ಕಡ್ ಕಶೆಂ ಕಳ್ಳೆಂ.? ಹಾವೆಂ ತೆಂ ಪೂರಾ ಆತಾಂ ಡಿಲೀಟ್ ಕೆಲಾಂ.. ತುಂ ಕೊಣ್ಣಾಕೀ ಸಾಂಗಾನಾಕಾ ಬಾಯೆ, ಜಾಯ್ ತರ್ ತುಜ್ಯಾ ಪಾಂಯಾಂಕ್ ಪಡ್ತಾಂ. ಎದೊಳ್ ಮಾಕಾ ಕಾರ್ಯೆಂ ಜಾಲ್ಯಾ ಉಪ್ರಾಂತ್ ಉರುಲ್ಲೆ ಅಂಬಡೆ ಆನಿ ಚೆಟ್ನಿ ಪಾರ್ಸೆಲ್ ವರುಂಕ್ ಮೆಳ್ತಾಲಿ, ಹಿ ಗಜಾಲ್ ಗುರ್ಕಾರಾಕ್ ಪುಣೀ ಕಳಾತ್ ತರ್ ತೆಂಯೀ ಮೆಳ್ಚೆಂ ನಾ ಮಾಕಾ. 

ಹಾವೆಂ ಕಾಲೆಂ ಸಾಂಗ್ಚೆರೇ.. ತುವೆಂ ಡಿಲೀಟ್ ಕೆಲ್ಯಾರ್ ಸಂಸಾರಾಕ್ ತೆಂ ಕಳಾನಾ ಮ್ಹಣ್ ಚಿಂತ್ಚೊ ಬೆಪ್ಪ ತುಂ, ತುಕಾಚ್ ಪತ್ರಕಾರ್ ಮ್ಹಣ್ ವೊಲಾಯ್ತಾಯ್.? ಉಟುಲ್ಲ್ಯಾ ಬಸ್ಲ್ಯಾಕ್ ಅಂಬಡೆ ಅಂಬಡೆ ಮ್ಹಣ್ತಾಯ್ ನೇ, ಥೊಡ್ಯಾ ವರ್ಸಾಂ ಪಯ್ಲೆಂ ಸಾತಾಟ್ ತರ್ನಾಟ್ಯಾನಿಂ ಮೆಳೊನ್ ತುಜೆ ಅಂಬಡೆ ಧಾಡಾಯಿಲ್ಲೆಂ ಉಗ್ಡಾಸ್ ಆಸಾಮೂ..? ತ್ಯಾ ತರ್ನಾಟ್ಯಾಂಕ್ ತುಂ ಖಂಚ್ಯಾ ಕಸ್ತಾಚೊ ಮಾಲುಂಡ್ ಮ್ಹಣ್ ತವಳ್'ಚ್ ಕಳಿತ್ ಆಸ್ಲೆಂ ದೆಕುನ್ ತಾಣಿಂ ತುಜ್ಯಾ ಹರ್ಯೆಕಾ ಬರ್ಪಾಚೆ ಸ್ಕ್ರೀನ್ ಶೋಟ್ ಕಾಡ್ನ್ ದವರ್ಲ್ಯಾತ್, ಮಾತ್ರ್ ನ್ಹಂಯ್ ಆಜ್ ಕಾಲ್ ವಾಟ್ಸಾಪಾಚೆರ್ ಫೊರ್ವಡ್ ಕರ್ನ್'ಯೀ ಆಸಾತ್.. ಕಾಲ್'ಚ್ ಮಾಕಾ ಮೆಸೇಜ್ ಆಯ್ಲ್ಯಾ ಹಾಂಗಾ ಪಳೆ..

ಹೆ ಹೆ ಹೆ ಸೊಡ್ ಜಿಲ್ಲಿಬಾಯ್.. ತ್ಯೊ ಪೂರಾ ಪರ್ನ್ಯೋ  ಗಜಾಲಿ ಆತಾಂ ಕಿತ್ಯಾಕ್..? ಅಳೆ ತವಳ್ ಮಾಕಾ ತ್ಯಾ ಸಂಘಟನಾಥಾವ್ನ್, ತಾಚ್ಯಾ ಗುರ್ಕಾರಾಥಾವ್ನ್ ಕಾಂಯ್ ಫಾಯ್ದೊ ಮೆಳ್ನಾತ್ಲೊ, ದೆಕುನ್ ಹಾವೆಂ ತಾಂಕಾಂ ಸರ್ಸರಿತ್ ಯೆಟ್'ಲ್ಲೆಂ ವ್ಹಯ್.! ಬಟ್ ನೌ ವೀ ಹ್ಯಾವ್ ಕೊಂಪ್ರೊಮೈಸ್ಡ್ ವಿದ್ ಈಚ್ ಅದರ್.. ತಾಕಾ ಇತ್ಲೆಂ ಬಿಲ್ಡಪ್ ದಿತಾಂ ಗೀ, ತೊ ಆದ್ಲೆಂ ಪೂರಾ ವಿಸ್ರೊನ್ ಮ್ಹಜೆಖಾತಿರ್'ಚ್ ಮ್ಹಣ್ ಕೊಂಕಣಿ ವರ್ಲ್ಡ್  ಮೀಡಿಯಾ ಅವಾರ್ಡ್ ಸುರು ಕರ್ತಾಗೀ ನಾ ಪಳೆ..

ಅಳೆ ಬೆಕುಪಾ, ತ್ಯಾ ಮನ್ಶ್ಯಾನ್ ಕಾಂಯ್ ನಾ ಮ್ಹಳ್ಯಾರೀ ಕೊಂಕ್ಣೆ ಖಾತಿರ್ ಕಾಂಯ್ ಇಲ್ಲಿಂ ಬರಿಂ ಕಾಮಾಂ ಕೆಲ್ಯಾಂತ್, ತ್ಯಾ ಪಾಸೊತ್ ತಾಚೆರ್ ಮಾಕಾ ಗೌರವ್ ಆಸಾ. ಮ್ಹಜೆ ತಕ್ರಾರ್ ಕಾಂಯ್ ಆಸ್ಲ್ಯಾರೀ ತಾಣೆಂ ಕೊಂಕ್ಣೆಚೆಂ ನಾಂವ್ ವಾಪ್ರುನ್ ಬಿಸ್ನೆಸ್ ಕರ್ಚಾ ವಿಶ್ಯಾಂತ್ ಮಾತ್ರ್ ಆಸ್ಲೆ. ಪುಣ್ ಆತಾಂ ತುಜೆಕಡೆಂ ಉಲಯ್ಲ್ಯಾ ಉಪ್ರಾಂತ್ ಮಾಕಾ ತಾಚೆವಿಶಿಂಚ್ ಇಲ್ಲೊ ದುಬಾವ್ ಮಾರುಂಕ್ ಸುರು ಜಾಲಾ.. ತೊ ಕಾಂಯ್ ಆಪ್ಣಾಚೆಂ ಬಿಸ್ನೆಸ್ ಮೈಂಡ್ ಲೊಕಾಕ್ ಕಳೊಂಕ್ ನಜೊ ಮ್ಹಣ್ ತುಜೆ ತಸ್ಲ್ಯಾ ಅನ್ನಾಡ್ಯಾಕ್ ಬಿಸ್ಕುಟಾಂ ಉಡಯ್ತಾಗೀ ಮ್ಹಣ್. ನಾಂ ತರ್, ತುಂ ಕಸಲೊ ಅಂಡೆಪಿರ್ಕಿ ಮ್ಹಣ್ ಸಗ್ಳ್ಯಾ ಸಂಸಾರಾಕ್ ಕಳಿತ್ ಆಸಾ ಆಸ್ತಾಂ ತೊ ಮನಿಸ್ ಇತ್ಲೊ ಜಾಣಾರಿ, ವಚೊನ್ ವಚೊನ್ ತುಜ್ಯಾ ಬುರ್ನಾಸ್ ವೆಬ್ಸೈಟಿಂತ್ ಪ್ರಚಾರ್ ಘೆತಾ ಮ್ಹಳ್ಯಾರ್ ಮಾಕಾ ಪಾತ್ಯೆಂವ್ಕ್ ಕಷ್ಟ್ ಮಾರ್ತಾತ್.

ದಟ್ ಈಸ್ ದ ಪಾಯಿಂಟ್ ಜಿಲ್ಲಿಬಾಯ್. ತುಜೆ ಕಡೆ ಮಾತ್ರ್ ಸಾಂಗ್ಚೆಂ ಹಾವೆಂ, ಕೊಣ್ಣಾಕೀ ಸಾಂಗಿನಾಕಾ, ಟೋಪ್ ಸೀಕ್ರೆಟ್. ಹಿ ಈಸ್ ಪ್ಯೂರ್ಲೀ ಎ ಬಿಸ್ನೆಸ್ ಮ್ಯಾನ್. ಸರ್ಕಾರಾಕ್ ಪಾವಿತ್ ಕೆಲ್ಲ್ಯಾ ತ್ಯಾ ಸಂಘಟನಾಚ್ಯಾ ದಸ್ತಾವೇಜಾನಿಂಯೀ ತಾಣೆಂ ಆಪುಣ್ ಬಿಸ್ನೆಸ್ ಮ್ಯಾನ್ ಮ್ಹಣ್'ಂಚ್ ಡಿಕ್ಲೇರ್ ಕೆಲಾಂ. ಪುಣ್ ಲೊಕಾಕ್ ಹೆಂ ಸತ್ ಗೊತ್ತುನಾ, ಥೊಡ್ಯಾಂಕ್ ಗೊತ್ತಾಸ್ಲ್ಯಾರೀ ವೆದಿ ಚುಕ್ತಾ, ಪ್ರಶಸ್ತಿ ಚುಕ್ತಾ, ಎಂ.ಸಿ ಚುಕ್ತಾ, ಕ್ಯಾಟರಿಂಗ್ ಚುಕ್ತಾ ಮ್ಹಣ್ ಆಪ್ಣಾಚೊ ಫಾಯ್ದೊ ಚಿಂತುನ್ ಥೊಡೆ ತೋಂಡ್ ಧಾಂಪುನ್ ವಗೆಚ್ ಬಸ್ಲ್ಯಾತ್ ತರ್ ಆನಿ ಥೊಡೆ ತಾಣೆ ಕಿತೆಂ ಕೆಲ್ಯಾರೀ ಸಾರ್ಕೆಂ ಮ್ಹಣ್ಚೆ ತಾಚೆಚ್ ಭಕ್ತ್ ಆಸಾತ್. ಆನಿ ತುಂ ತ್ಯಾ ತರ್ನಾಟ್ಯಾಂಚಿ ಗಜಾಲ್ ಸೊಡ್, ತೆ ಕಾಂಯ್ ಸಾತಾಟ್ ಜಣ್ ಆಸ್ಚೆ. ಇಲ್ಲೆಶೆಂ ಬರವ್ನ್ ಘುಟ್ ಭಾಯ್ರ್ ಘಾಲ್ತಾತ್ ಮ್ಹಣ್ತಾನಾ 'ಕವರಪ್' ಕರುಂಕ್ ಹಾಂವ್ ವೆತಾಂ.. 

ತುಕಾ ಖಂಯ್ ಪುಣೀ ದೊಂಪ್ಳ್ಯಾಚಿ ಕಟ್ಟಿ ಪುಣೀ ಮೆಳೊಂಕ್ ನಾಂಗೀ ದಳ್ದಿರ್ಯಾ? ಆಮ್ಚಿ ಸಮಾಜ್ ಆಜ್ ಅಶಿಚ್ ಪಾಡ್ ಜಾಲ್ಯಾ. ಎಕ್ಲ್ಯಾನ್ ಚೂಕ್ ಕರ್ತಾನಾ ತಾಕಾ ತಿದ್ವುಂಚೆಂ ಸೊಡ್ನ್ ತಾಕಾ ಜೈಕಾರ್ ಘಾಲ್ಚೆ ಭಕ್ತ್ ಚಡ್ ಜಾವ್ನ್ ಗೆಲ್ಯಾತ್. ಹ್ಯಾ ಗುರ್ಕಾರಾಚ್ಯಾ ಗಜಾಲಿಂತೀ ತಶೆಂಚ್ ಘಡ್ಲಾಂ. ಪಯ್ಲಿ ಚೂಕ್ ಕರ್ತಾನಾಂಚ್ ತಾಕಾ ಕೊಣೆಂಯೀ ತಿದ್ವಿಲ್ಲೊ ತರ್ ತ್ಯಾ ಮನ್ಶ್ಯಾಥಾವ್ನ್ ಕೊಂಕ್ಣೆಕ್ ಆನಿಕೀ ಚಡ್ ಫಾಯ್ದೊ ಜಾತೊ ಆಸ್ಲೊ. ಪುಣ್ ಆಪ್ಣಾಚ್ಯಾ ಫಾಯ್ದ್ಯಾಕ್ ತಾಕಾ ಜೈಕಾರ್ ಘಾಲ್ಲ್ಯಾ ತಾಚ್ಯಾ ಭಕ್ತಾನಿಂ ಆಜ್ ತಾಕಾ ಪ್ರಶ್ನಾತೀತ್ ಕರ್ನ್ ಸೊಡ್ಲಾ ದೆಕುನ್ ತೊಯೀ ಆಪ್ಣೆಂ ಕೆಲ್ಲೆಂ ಹರ್ಯೆಕಿ ಸಾರ್ಕೆಂ ಮ್ಹಣ್ಚೆ ಭ್ರಮಿದೆಂತ್ ರಿಗ್ಲಾ. ಆನಿ ತುಂ ಏಕ್, ಆಪ್ಣಾಕ್'ಚ್ ಧಯ್ರಾಧಿಕ್ ಪತ್ರ್'ಕಾರ್ ಮ್ಹಣ್ ವೊಲಾಂವ್ಚೊ ನಾಪಾಸ್ ಖಂಚೊ, ಹೆಂ ಪೂರಾ ಘಡ್ತಾನಾ ಪತ್ರಿಕಾ ಧರ್ಮ್ ಪಾಳ್ಚೆಂ ಸೊಡ್ನ್ ಬಿಸ್ಕುಟಾಂಚ್ಯಾ ಆಶೆಕ್ ಪಡೊನ್ ಇಂಟರ್ವ್ಯುಚ್ಯಾ  ನಾಂವಾಂನ್ ತುಕಾಚ್ ವಿಕುನ್ ಆಸಾಯ್.. 

ತಶೆಂ ನ್ಹಂಯ್ ಜಿಲ್ಲಿಬಾಯ್, ತೊ ಗುರ್ಕಾರ್ ಆಸಾ ನೇ ತೊ ಸಂಯ್ಬಾನ್ ಇಲ್ಲೊ ನಿಷ್ಠುರ್, ರಾಗಿಶ್ಟ್ ಮನಿಸ್. ತ್ಯಾ ಭಿರಾಂತಿನ್ ತಾಚೆ ಭೊಂವ್ತಿಲೆ ಕೊಣೀ ತಾಕಾ ತಿದ್ವುಂಕ್ ವಚಾನಾಂತ್ - ಭೆಷ್ಟೆಂಚ್ ತಾಚ್ಯಾ ರಾಗಾಕ್ ಬಲಿ ಜಾವ್ನ್ ಆಪ್ಣಾಚೊ ಫಾಯ್ದೊ ಚುಕವ್ನ್ ಘೆಂವ್ಚೊ ನಾಕಾ ಮ್ಹಣ್! ಆನಿ ಭಕ್ತಾಂಚಿ ಗಜಾಲ್ ಕಿತೆಂಗೀ ಮ್ಹಳ್ಯಾರ್, ತೆ ಚಡ್ ಗುಂಡಾಯೆಕ್ ಚಿಂತುಂಕ್ ವಚಾನಾಂತ್. ಕಿತೆಂಗೀ ತಾಣೆಂ ಆಮ್ಕಾಂ ಏಕ್ ಆವ್ಕಾಸ್ ದಿಲಾ ನೇ ಮ್ಹಣ್ ತಾಚ್ಯಾ ದಾಕ್ಷೆಣೆರ್ ಆಸಾತ್. ಹೆ ಸಕ್ಕಡ್ "ತೊ ಸಾರ್ಕೊ" ಮ್ಹಣ್ತಾನಾ ಹಾವೆಂ ಎಕ್ಲ್ಯಾನ್ ಕಾಲೆಂ ಕರ್ಚೆಂ.? ತಶೆಂ ಮ್ಹಣ್ ಮಾಕಾ ಸಾರ್ಕೆಂ ಬರಂವ್ಕ್ ಕಳಿತ್ ಆಸ್'ಲ್ಲೆಂ ತರ್ ಹಾಂವ್ ಹ್ಯಾ ಇಂಟ್ರ್ಯೂ ಕರ್ನ್ ದೀಸ್ ಸಾರ್ಚ್ಯಾ  ಕಾಮಾಂಕ್ ಭಿಲ್ಕುಲ್ ದೆಂವ್ತೊಂ ನಾ. ತುಕಾ ಗೊತ್ತಾಸಾಗೀ, ಎಕಾ ಕಾಳಾರ್ ಹಾವೆಂ ಕವಿತಾ ಬರಂವ್ಕ್ ಮೊಸ್ತು ಟ್ರೈ ಕೆಲ್ಲೆಂ. ಏಕ್ ಸಬ್ದ್ ಜಾವ್ನ್ ಏಕ್ 'ಸ್ಪೇಸ್' - ಚಾರ್ ಸಬ್ದ್ ಜಾಲ್ಲೆಂಚ್ ಏಕ್ 'ಎಂಟರ್' - ಅಶೆಂ ಸುಮಾರ್ ಪನ್ನಾಸ್ ಲೈನ್ ಬರಯಿಲ್ಲ್ಯೊ. ತಾಂತ್ಲ್ಯೊ ಚ್ಯಾಚ್ಯಾರ್ ಲೈನಿ ಕಾಡ್ನ್ ಫೇಸ್ಬುಕಾಚೆರ್ ಘಾಲ್ಲ್ಯೊ ಹಾವೆಂ. ಪುಣ್ ಹ್ಯಾ ಅಸ್ಲಿ ಕವಿನಿಂ ಸಾಂಗಾತಾ ಮೆಳೊನ್ ಮಾಕಾ ಅಶೆಂ ಮಕ್ಕರ್ ಕೆಲೆಂಗೀ ಹಾವೆಂ ಕವಿತಾ ಬರಂವ್ಚಿಚ್ ರಾವಯ್ಜೆ ಪಡ್ಲೆಂ. ಮ್ಹಜಿ ಕಿತೆಂ ಚೂಕ್ ಜಿಲ್ಲಿಬಾಯೆ? ಬರಯಿಲ್ಲ್ಯಾ ಸಬ್ದಾಂ ಆನಿ ಲೈನಿಮಧೆಂ ಎಕಾಮೆಕಾ ಕನೆಕ್ಷನ್ ಆಸಾಜೆ ಮ್ಹಣ್  ಮಾಕಾ ಕೊಣ್ಣೆಂಯೀ ಸಾಂಗೊಂಕ್'ನಾತ್ಲೆಂ, ಹಾವೆಂ ಸತ್ತ್ಯಾನ್ ಕೊಂಕ್ಣಿಚಿ ಸೆವಾ ಕರ್ಚಾ ಉದ್ದೇಶಾನ್ ಬರಯಿಲ್ಲೆಂ. ಬಟ್ ಆಲ್ ದ ರೀಯಲ್ ಪೋಯೆಟ್ಸ್ ಗ್ಯಾಂಗ್'ಬ್ಯಾಂಗ್ಡ್ ಮಿ ಯು ನೋ.. ದೆಕುನ್ ಆತಾಂ ಹಾವೆಂ ತೆಂ ಪೂರಾ ಬರಂವ್ಚೆಂ ಸೊಡ್ನ್ ಇಂಟ್ರ್ಯೂ ಕರ್ಚೆಂ ಕಾಮ್ ಕರ್ನ್ ಆಸಾಂ. ಇಂಟ್ರ್ಯೂ ಬರಂವ್ಕ್ ಚಡ್ ಕಾಂಯ್ ಮಾಂಡೊ ಖರ್ಚ್ ಕರಿಜೆ ಮ್ಹಣ್ ನಾ, ವಯ್ಲ್ಯಾನ್ ಹಾವೆಂ ಪಾಯ್ಸ್ ಕೆಲ್ಲಿ ಇಂಟ್ರ್ಯೂ ಚಡ್ ಜಣ್ ವಾಚಿನಾಂತ್ ಮ್ಹಳ್ಳೆಂ ಸತ್ ಮಾಕಾ ಸೊಡ್ಲ್ಯಾರ್ ಹೆರಾಂಕ್ ಜಾಂವ್, ಇಂಟ್ರ್ಯೂ ದಿತೆಲ್ಯಾಕ್ ಜಾಂವ್ ಕಳಿತ್ ಆಸಾನಾ. ಕಶೆಂ ಪುಣೀ ತಂಗಣೆ ಮಂಗಣೆ ಕರ್ನ್ ತಾಂಕಾಂ ಪುಸ್ಲಾಂವ್ಚೆಂ, ಮಾಗಿರೀ ದೀನಾತ್ಲ್ಯಾರ್ ತಾಂಚ್ಯಾ ಪಾಂಯಾಂಕ್'ಚ್ ಪಡ್ಚೆಂ. ಮೊಗಾನ್, ದಾಕ್ಷೆಣೆನ್, ರಾಗಾನ್, ಕಾಂಠಾಳ್ಯಾನ್, ಕಾಂಯ್ ನಾ ತರ್ 'ಏಕ್ ಪಾವ್ಟಿಂ ವಚೊಂದಿ ಮಾರ್' ಮ್ಹಣ್ ಚಿಂತುನ್ ತರೀ ಇಂಟ್ರ್ಯೂ ದಿತಾತ್. ಅಶೆಂ ಮ್ಹಜೆ ದೀಸ್ ಬರ್ಯಾನ್ ಚಲ್ತಾತ್ ಜಿಲ್ಲಿಬಾಯೆ..

ನ್ಹಂಯ್'ರೇ  ಬುರ್ನಾಸಾ ತುಕಾ ಲಜ್, ಮಾನ್, ಮರ್ಯಾದ್ ಹ್ಯಾ ತೀನಾಂತ್ಲೆಂ ಏಕ್ ಪುಣೀ ನಾಂಗೀ..? ತುಜೆಂ ಹಣೆಬರಪ್ ತುಂಚ್ ಹಾಂಗಾ ಚ್ಯಾರ್ ಜಣಾಂ ಕುಡ್ಸೊಂಚ್ಯಾ ಕಡೆನ್ ಸಾಂಗೊನ್ ನಾಗ್ಡೊ ಜಾತೇ ಆಸಾಯ್.

ಜಿಲ್ಲಿಬಾಯ್, ಲಜ್ ಮಾನ್ ಮರ್ಯಾದ್ ಮ್ಹಣ್ ವಗೆಚ್ ಬಸ್ಲ್ಯಾರ್ ಪೋಟ್ ಆಯ್ಕಾತಾಯೇ..? ಪೊಟಾಖಾತಿರ್ ಹೆಂ ಪೂರಾ ಕರಿಜೆ ಪಡ್ತಾ ಬಾಯೆ.. ಆನಿ ನಾಗ್ಡೊ ಹಾಂವ್ ಪಯ್ಲೆಂ ಥಾವ್ನ್ ನಾಗ್ಡೊಚ್.. ತಶೆಂ ಪಳೆಂವ್ಕ್ ಗೆಲ್ಯಾರ್ ವಸ್ತುರಾ ಭಿತರ್ ಸಕ್ಕಡ್ ನಾಗ್ಡೆಚ್.. ಮ್ಹಜ್ಯಾ ವೆಬ್ಸೈಟಿಂತ್ ಬರಯ್ಲಾಂ ಹಾವೆಂ, ವಾಚುಂಕ್ ನಾಯೆ ತುವೆಂ.?

ವೆಬ್ಸೈಟಿಚೆಂ ನಾಂವ್ ಪರ್ತ್ಯಾನ್  ಆಯ್ಕಾಲೆಂಚ್ ಜಿಲ್ಲಿಬಾಯೆಚ್ಯಾ ತಳ್ಮಾಟ್ಯಾಕ್ ಚಡ್ಲೆಂ, ತಿಣೆಂ ಬಾಗ್ವೊನ್ ವಾಣೊ ಕಾಡ್ಲ್ಯೊಚ್. 

ಹೆಂ ಪಳೆಲ್ಲ್ಯಾ ಬಾಬಣ್ಣಾಕ್ ಆಪ್ಣಾಕ್ ಆನಿ ವಾಂಚ್ ನಾ ಮ್ಹಣ್ ಕಳ್ಳೆಂಚ್ ಮೆಳ್'ಲ್ಲೆಂ ಸಿಟಿ ಬಸ್ ಧರ್ನ್ ಪಡ್ರಾಡ್ ಜಾತಾಂ ಮ್ಹಣ್ ಧಾವೊಂಕ್ ತಯಾರ್ ಜಾತಾನಾ ಜಿಲ್ಲಿಬಾಯೆನ್ ತಾಚ್ಯಾ ಗೊಮ್ಟ್ಯಾಕ್ ಧರ್ನ್ ಸರ್ಸರಿತ್ ವಾಜಯ್ಲೆಂ... 

ಬಾಬಣ್ಣ ದಮ್ಮಯ ದಮ್ಮಯ ಮ್ಹಣ್ ಪಿಂರ್ಗೊನ್ ಒದ್ದಾಡ್ತಾನಾ, ಜಿಲ್ಲಿಬಾಯೆನ್ ಬ್ಯಾಗಾಂತ್ಲೆಂ ಮೊಬೈಲ್ ಕಾಡ್ನ್ ಏಕ್ ನಂಬರ್  ಡಯಲ್ ಕೆಲೆಂ ಆನಿ ತಿ ಉಲಂವ್ಕ್ ಲಾಗ್ಲಿ - 

ಹಲೋ, ಕಂಕನಾಡಿ ಆಸ್ಪತ್ರೆ ಅಲ್ವಾ..?   ನಾನು ಶಕ್ತಿನಗರದಿಂದ ಮಾತನಾಡುವುದು, ಇಲ್ಲಿ ಒಂದು ಮೆಂಟ..... 

Cover Matters - ಇಂಟ್ರ್ಯೂ ಬಾಬಣ್ಣ V/s ಗುರ್ಕಾರ್

"ಇಲೆಕ್ಷನ್ ಮುಗ್ಧಾಲೆಂ. ಚಾರ್ ಪಾಂಚ್ ಎಮ್ಮೆಲ್ಲೆಂಚಿ ಇಂಟ್ರ್ಯೂ ಕರ್ನ್ ಕಮಾಯಿಲ್ಲೆ ಚಾರ್ ಕಾಸ್ ಖಾಲಿ ಜಾಲೆ. ತೀನ್ ಭಾಸಾಂಚ್ಯಾ ಸೂಪರ್ ಸ್ಟಾರಾಚಿ ಇಂಟ್ರ್ಯೂ ಕರ್ನ್ ಘಾಲ್ಯಾ ಉಪ್ರಾಂತೀ ಜಾಯ್ತೊ ಪ್ರಚಾರ್ ದೀವ್ನ್'ಯೀ ತಾಣೇಂ ಕಾಂಯ್ ದಿಂವ್ಚೆಪರಿಂ ದಿಸಾನಾ. ಆನಿಕೀ ಫುಟ್ಬಾಲ್ ಆನಿ ಪೆನಾಲ್ಟಿ ಕೊರ್ನರ್ ಮ್ಹಣ್ ಫೇಸ್ಬುಕಾರ್ ಗಿಚ್ಚುನ್ ಬಸ್ಲ್ಯಾರ್ ಜಾಲಿ ಗತ್.. ಕಿತೆಂ ಕರ್ಚೆಂ..?" ಮ್ಹಣ್ ಮಾಂಡೊ ಕೊರ್ಪುನ್ ಬಸ್'ಲ್ಲ್ಯಾ ಇಂಟ್ರ್ಯೂ ಬಾಬಣ್ಣಾಕ್ ಬೊಲ್ಸಾಂತ್ಲ್ಯಾ ಮೊಬಾಯ್ಲಾನ್ ಆವಾಜ್ ಕರ್ತಾನಾ, ಜೀವಾಭಿತರ್ ಇಲ್ಲೆಶೆಂ ತ್ರಾಣ್ ಆಯ್ಲೆಂ...

ಇಂಟ್ರ್ಯೂ ಬಾಬಣ್ಣ : ಹಲೋ, ಇಂಟ್ರ್ಯೂ ಬಾಬಣ್ಣ, ಸ್ಪೀಕಿಂಗ್. ಚೀಪ್ ಎಡಿಟರ್ ಓಫ್ ವಲ್ರ್ಡ್ ಫೇಮಸ್ ಮಲ್ಟಿಲ್ಯಾಂಗ್ವೇಜ್ ಆಂಡ್ ಮಲ್ಟಿಸ್ಟ್ಯಾಂಡರ್ಡ್ ಪೋಲಿಟಿಕಲ್ ಆಂಡ್ ಹಿಸ್ಟ್ರಿ-ಕಿಲ್ಲ್ ವೆಬ್ಸೈಟ್ ಕುಜುಲಿ.ಕೊಮ್

ಪಿ.ಎ : ಹಲೋ ಹಾಂವ್'ಯಾ ಪಿ.ಎ ಉಲಯ್ತಾಂ

ಇಂಟ್ರ್ಯೂ ಬಾಬಣ್ಣ : ತುವೆಂ ಕಾಲೆಂಯಾ ಪಿಯೆವ್ನ್ ಉಲೊಂವ್ಚೆಂ..? ಹಾಂವ್ ಪಿಯೆನಾತ್ಲ್ಯಾ ವೆಳಾರೀ  ಪಿಯೆಲ್ಲೆಬರಿಂಚ್ ಉಲಯ್ತಾಂ.

ಪಿ.ಎ : ಅಯ್ಯೋ ತಶೆಂ ನ್ಹಂಯ್ ಬಾಬಾಣ್ಣ, ಹಾಂವ್ ಕೊಂಕ್ಣೆಚ್ಯಾ ಝುಜಾರ್ಯಾಚೊ ಪಿ.ಎ, ಐ ಮೀನ್ ಪರ್ಸನಲ್ ಅಸಿಸ್ಟೆಂಟ್ ಉಲಯ್ತಾಂ.!

ಇಂಟ್ರ್ಯೂ ಬಾಬಣ್ಣ : ಕಾಲೆಂ ಉಲಯ್ತಾಯ್ ಸಾಯ್ಬಾ..? ಆಜ್ ಕಾಲ್ ಭಿಕಾರ್ಯಾಂಕ್'ಯೀ ಪಿ.ಎ ಆಯ್ಲ್ಯಾತ್ ಗೀ..?

ಪಿ.ಎ : ಅಯ್ಯೋ ಬಾಬಣ್ಣ, ತುಜ್ಯಾ ಕಾನಾಂಕ್ ಕಿತೆಂ ಜಾಲಾಂ.? ಭಿಕಾರಿ ನ್ಹಂಯ್ ಬಾಬಣ್ಣ, ಝುಜಾರಿ.. ಕೊಂಕ್ಣೆಚೊ ಏಕ್ ಮಾತ್ರ್ ಝುಜಾರಿ.. ಕೊಂಕ್ಣೆಚೊ ಏಕ್ ಮಾತ್ರ್ ಸೊಡ್ವಣ್ದಾರ್, ಆಮ್ಚೊ ಗುರ್ಕಾರ್...

(ತಿತ್ಲ್ಯಾರ್ ಬಾಬಣ್ಣಾನ್ ಉಲ್ಟಾ ಧರ್'ಲ್ಲೆಂ ಫೋನ್ ಸಮಾ ಕರ್ನ್ ಕಾನಾಕ್ ಧರ್ಲೆಂ. ಗುರ್ಕಾರಾಚ್ಯಾ ಪಿ.ಎ ನ್ ಫೋನ್ ಕೆಲಾಂ ಮ್ಹಳ್ಯಾರ್ ಕಿತೆಂ ಪುಣೀ ವಿಶೇಸ್ ಆಸ್ತೆಲೆಂಚ್, ಕಾಂಯ್ ಪುಣೀ ಚಿಲ್ಲರ್ ಕಮಾಂವ್ಕ್ ಏಕ್ ಛಾನ್ಸ್! ಮ್ಹಣ್ ಚಿಂತುನ್ ಫೋನಾಸವೆಂ ಬಾಬಣ್ಣಾಚೆ ಕಾನ್'ಯೀ ನೀಟ್ ಜಾಲೆ)

ಇಂಟ್ರ್ಯೂ ಬಾಬಣ್ಣ : ಹಾಂ ಓಕೆ ಓಕೆ.. ಗುರ್ಕಾರಾಚೊ ಪಿಎ.. ಕಿತೆಂ ಗಜಾಲ್... ಕಿತೆಂ ಫೋನ್ ಕೆಲೆಂಯ್..?

ಪಿ.ಎ : ಕಾಲೆಂ ಸಾಯ್ಬಾ..? "ಕಿತೆಂ ಗಜಾಲ್... ಕಿತೆಂ ಫೋನ್ ಕೆಲೆಂಯ್?" ಮ್ಹಣ್ ವಿಚಾರ್ತಾಯ್..? ತುಕಾ ಕುಜುಲಿಸ್ಟ್ ಕಮ್ ಚೀಪ್ ಎಡಿಟರಾಕ್ ತಿತ್ಲೆಂಯೀ ಗೊತ್ತುನಾಂಗೀ..? ಆವಯ್ ಮೊರ್ತಾ, ಆವಯ್ ಮೊರ್ತಾ.. ಆವಯ್ಕ್ ವಾಂಚಯ್ಜೆ.. ಪುತಾಚಿ ಜವಾಬ್ದಾರಿ ಪಾಳಿಜೆ...

ಇಂಟ್ರ್ಯೂ ಬಾಬಣ್ಣ : ಕಾಲೆಂ ಮ್ಹಣ್ತಾಯ್..? ಕೊಣಾಚಿ ಆವಯ್..? ತುಜಿ ಯಾ ಗುರ್ಕಾರಾಚಿ..? ಕೊಣಾಯ್ಚಿಯೀ ಆಸೊಂ, ತುವೆಂ ಮಾಕಾ ಕಿತ್ಯಾಕ್ ಫೋನ್ ಕೆಲಾಂಯ್..? ಒಬಿಚುವರಿ ದೀಂವ್ಕ್ ಆಸ್ಲ್ಯಾರ್, ನೋಟ್ ಮೈ ಒಫಿಸ್ ನಂಬರ್...

ತಾಳೊ : ಸತ್ತ್ ಸಾಂಗ್ತಾಂ ಬಾಬಣ್ಣ, ತುಕಾ ಕಾಲ್ಚೆಂ ಪಿರ್ವೊಂಕ್ ನಾ.. ಖಂಚೊ ಸವಾಯೆಚೊ ಮಾಲ್ ಪಿಯೆಲ್ಲೊಯ್ ಸಾಯ್ಬಾ..? ಆವಯ್ ಮ್ಹಳ್ಯಾರ್ ಆಮ್ಚಿ ಸಕ್ಡಾಂಚಿ ಆವಯ್.. ಕೊಂಕ್ಣಿ ಮಾಂಯ್.. ವೆಗಿಂಚ್ ಮೊರ್ಚಾರ್ ಆಸಾ.. ದೆಕುನ್ ತಿಕಾ ವಾಂಚಂವ್ಚೆ ಪಾಸೊತ್ ಆಮ್ಚ್ಯಾ ಗುರ್ಕಾರಾನ್ ಫಾಲ್ಯಾಂ ಸಕಾಳಿಂ ಧಾ ವೊರಾಂರ್ ತುರ್ತ್ ಜಮಾತ್ ಆಪಯ್ಲ್ಯಾ.

ಇಂಟ್ರ್ಯೂ ಬಾಬಣ್ಣ: ನ್ಹಂಯ್ ಸಾಯ್ಬಾ, ಮೊರ್ತೆಂಲ್ಯಾಂಕ್ ವಾಂಚಂವ್ಕ್ ಐಸಿಯುಂತ್, ವೆಂಟಿಲೇಟರಾಂತ್ ದವರ್ಚೆಂ, ಕಾಳಿಜ್, ಕಿಡ್ನಿ, ಲಿವರ್ ಟ್ರಾನ್ಸ್'ಪ್ಲಾಂಟ್ ಕರ್ಚೆಂ ಆಯ್ಕಾಲ್ಲೆಂ ಹಾವೆಂ. ಪುಣ್ ಮೊರ್ತೆಲ್ಯಾಕ್ ವಾಂಚಂವ್ಕ್ ಜಮಾತ್ ಆಪಯಿಲ್ಲೆಂ ಹೆಂ ಪಯ್ಲೆ ಪಾವ್ಟಿಂ ಆಯ್ಕೊಂಚೆಂ ಹಾವೆಂ..

ಪಿ.ಎ : ತಶೆಂ ನ್ಹಂಯ್ ಬಾಬಣ್ಣಾ.. ಆಮ್ಚಿ ಕೊಂಕ್ಣಿ ಆವಯ್ ಮೊರ್ತಾ, ತಿಕಾ ವಾಂಚಂವ್ಕ್ ಆಮಿ ಕೊಂಕ್ಣಿ ಸುಪುತ್ರಾನಿಂ ಕಿತೆಂ ಕರ್ಯೆತ್ ಮ್ಹಣ್ ಚರ್ಚಾ ಕರುಂಕ್ ಆಮ್ಚ್ಯಾ ಗುರ್ಕಾರಾನ್ ಸಕ್ಡಾನಿಂ ಸಾಂಗಾತಾ ಮೆಳೊಂಕ್ ಉಲೊ ದಿಲಾ. ಹ್ಯಾ ವಿಶ್ಯಾಂತ್ ಅಪುಟ್ ಇಂಗ್ಲಿಶಾಂತ್ ಏಕ್ ಪ್ರೆಸ್'ನೋಟ್ ಬರವ್ನ್ ವಾಟ್ಸಪ್ಪಾಚೆರ್ ಸರ್ಕ್ಯುಲೇಟ್ ಕೆಲ್ಲೆಂ ಮೆಳೊಂಕ್ ನಾಂವೇ ತುಕಾ..?

ಇಂಟ್ರ್ಯೂ ಬಾಬಣ್ಣ: ಮ್ಹಜೆಂ ನೆಟ್ಟ್ ಪ್ಯಾಕ್ ಖಾಲಿ ಜಾಲಾಂ ಸಾಯ್ಬಾ.. ತ್ಯಾ ತೀನ್ ಭಾಸಾಂಚ್ಯಾನ್ ಇಂಟ್ರ್ಯೂ ಕೆಲ್ಲೆ ಪಯ್ಶೆ ದೀಂವ್ಕ್ ನಾಂತ್.. ಸೊಡ್ ತಿ ಗಜಾಲ್.. ಆತಾಂ ಮ್ಹಜೆಥಾವ್ನ್ ಕಿತೆಂ ಜಾಯ್ಜೆ..?

ಪಿ.ಎ : ಪಬ್ಲಿಸಿಟಿ ಬಾಬಣ್ಣಾ, ಪಬ್ಲಿಸಿಟಿ. ಗುರ್ಕಾರಾವಿಶಿಂ, ತಾಚ್ಯಾ ಝುಜಾವಿಶಿಂ, ಬರೆಂ ಬರೆಂ ಲಾಂಬ್ ಲಾಂಬ್ ಬರವ್ನ್ ಸ್ಪೆಶಲ್ ಆರ್ಟಿಕಲ್ ಕರ್ನ್ ತುಜ್ಯಾ ಕುಜುಲಿಂತ್ ಘಾಲ್ನ್ ಸಗ್ಳ್ಯಾಂಕ್ ವಾಂಟಿಜೆ. ಜಮಾತೆಕ್ ಚಡ್ ಆನಿ ಚಡ್ ಲೊಕಾನ್ ಹಾಜರ್ ಜಾಂವ್ಚೆಪರಿಂ ಆಮ್ಚ್ಯಾ ಗುರ್ಕಾರಾವಿಶಿಂ ಇಂಟರೆಸ್ಟಿಂಗ್ ಜಾವ್ನ್ ಬರಯ್ಜೆ. ಮಧೆಂ ಮಧೆಂ ಇಲ್ಲೆಶೆಂ ಕೊಂಕ್ಣಿವಿಶಿಂ ಬರಯ್ಜೆ. ತುಜ್ಯಾ ವೆಬ್ಸೈಟಿಕ್ ಆಸ್ಚೆ ಕೇವಲ್ 60 ವಾಚ್ಪಿ ತರೀ, ಆರ್ಟಿಕಲಾಚೆಂ ಲಿಂಕ್ ವಾಟ್ಸಾಪಾಚೆರ್ ಸಕ್ಡಾಂಕ್ ಧಾಡ್ನ್ ಮ್ಯಾಟರ್ ಸೆನ್ಶೇಶನಲ್ ಕರ್ನ್ ವರ್ಲ್ಡ್  ಫೇಮಸ್ ಕರ್ಚೆಂ ಸ್ಪೆಶಲ್ ಟ್ಯಾಲೆಂಟ್ ತುಕಾ ಮಾತ್ರ್ ಆಸಾ ದೆಕುನ್ ಗುರ್ಕಾರಾನ್ ತುಕಾ ವಿಂಚ್ಲಾ.. 

ಇಂಟ್ರ್ಯೂ ಬಾಬಣ್ಣ: ಒಹೋ.. ಓಕೆ ಓಕೆ.. ಲೈಕ್ ದ್ಯಾಟ್ ಯು ಕಮ್ ಟು ದ ಮೇಯ್ನ್ ಪೋಂಯ್ಟ್.. ಹಾಂವ್ ಧಾ ಮಿನುಟಾಂ ಭಿತರ್ ಗುರ್ಕಾರಾಚ್ಯಾ ಘರಾ ಪಾವ್ತಾಂ.. ತಾಕಾ ತಯಾರ್ ರಾವೊಂಕ್ ಸಾಂಗ್.. ಹೆಂ, ಸಾಂಗ್'ಲ್ಲೆಬರಿಂ ಮ್ಹಜೆಂ ಟ್ಯಾರಿಫ್ ಕಾರ್ಡ್ ಇಲ್ಲೆಂ ಚೇಂಜ್ ಜಾಲಾಂ.. ನವಿ ಟ್ಯಾರಿಫ್ ಸಾಂಗ್ತಾಂ ಆಯ್ಕ್.. ಓನ್ಲಿ ಫೊರ್ ಇಂಟ್ರ್ಯೂ - 5000 ರುಪೀಸ್. ಆಫ್ಟರ್ ಇಂಟ್ರ್ಯೂ ಸರ್ವಿಸ್ (ಫೇಸ್ಬುಕ್, ವಾಟ್ಸಾಪ್ ಪ್ರೊಮೋಶನ್ ಎಕ್ಸೆಕ್ಟ್ರಾ) - 6000 ರುಪೀಸ್, ಕೌಂಟರ್ ಆರ್ಟಿಕಲ್ ಟು ಕ್ರಿಟಿಸಿಸಂ - ರುಪೀಸ್ 7000, ಕೌಂಟರ್ ಆರ್ಟಿಕಲ್ ಟು ಕ್ರಿಟಿಸಿಸಂ (ವಿತ್ ಬಿಲೋ ಬೆಲ್ಟ್ ಜೋಕ್ಸ್) - ರುಪೀಸ್ 8000, ಮ್ಯಾಟರ್ ಅನ್'ಲಿಮಿಟೆಡ್ ಬರಯ್ತಾಂ.. ನೋ ಪೇಜ್ ಪ್ರೋಬ್ಲೆಮ್ ನೋ ಸ್ಪೇಸ್ ಪ್ರೋಬ್ಲೆಮ್ ಯೂ ನೋ.. ಮೈನ್ ಈಸ್ ವೆಬ್ಸೈಟ್.. ಬರಯಿಲ್ಲೆಂತ್ತ್ ಗುಂವ್ಡಾವ್ನ್ ಗುಂವ್ಡಾವ್ನ್ ಕಿತ್ಲೆಂಯೀ ಲಾಂಬ್ ಕರ್ನ್ ಬರವ್ನ್ ಘಾಲ್ತಾಂ.. ಎನೀ ವೇಯ್ಸ್, ರೀಡರ್ ಕಾಂಯ್ ಫುಲ್ ಆರ್ಟಿಕಲ್ ವಾಚಿನಾಂತ್ ಮ್ಹಣ್ ಮಾಕಾ ಗ್ಯಾರಂಟಿ ಆಸಾ.. ವಯ್ರ್ ಬರಯಿಲ್ಲೆಂಚ್ ರಿಪೀಟ್ ಕರ್ನ್ ಕೋಮಾ, ಫುಲ್ ಸ್ಟೋಪ್ ಹಿಶಿನ್ ತಿಶಿನ್ ಕರ್ನ್ ಬರಯ್ತಾಂ.. ಯೂ ಜಸ್ಟ್ ಡೋಂಟ್ ವರಿ ಅಬೌಟ್ ದ್ಯಾಟ್.. ತುಜಿ ಪ್ಯಾಕೇಜ್ ಚೂಸ್ ಕರ್...

ಪಿ.ಎ : ತಿಕ್ಕೆ ರಾವ್ ಸಾಯ್ಬಾ.. ಆಕಾಸಾಕ್ ಉಡಾನಾಕಾ.. ಗುರ್ಕಾರಾನ್ ತುಕಾಚ್ ವಿಂಚುಂಕ್ ಅನ್ಯೇಕ್ ಕಾರಣ್'ಯೀ ಆಸಾ. ದುಸ್ರ್ಯಾ ಖಂಚ್ಯಾಯೀ ಪತ್ರಾಚ್ಯಾಂಕ್/ವೆಬ್ಸೈಟಿಚ್ಯಾಂಕ್ ದಿಲ್ಯಾರ್ 'ಹಾಚೆಂ ಕಾಲೆಂ ಸಾಯ್ಬಾ, ತೆಂಚ್ ಪುಂರ್ಗೆಲ್ಲೆಂ ಭಾಷಣ್, ವಾಚುನ್ ವಾಚುನ್ ಪುರೊ ಜಾಲಾಂ ಮ್ಹಣ್ ವಾಚ್ಪಿ ಬೋಬ್ ಮಾರ್ತಾತ್' ಮ್ಹಳ್ಳೆಂ ನೀಬ್ ದೀವ್ನ್ ರಿಜೆಕ್ಟ್ ಕರ್ತಾತ್. ಪುಣ್ ತುಜಿ ವೆಬ್ಸೈಟ್ ತಶಿ ನ್ಹಂಯ್ ನೇ, ತುಕಾ ಪುಂರ್ಗೆಲ್ಲೆಂ, ಬೆಳ್ಶೆಲ್ಲೆಂ ಖಂಚೆಂಯೀ ಚಲ್ತಾ ನೇ.. ದೆಕುನ್ ಆಮ್ಚ್ಯಾ ಗುರ್ಕಾರಾನ್ ಫಸ್ಟ್ ಪ್ರಿಫರೆನ್ಸ್ ತುಕಾ ದಿಲಾಂ ಯೂ ನೋ.. ಯು ಹ್ಯಾವ್ ಬೀನ್ ಚೋಸನ್ ಫೋರ್ ದಿಸ್ ಇಂಟರ್ ವ್ಯೂ ಅಂಡರ್ 'ಮತ್ ನಾತ್ಲೆಲ್ಯಾಕ್ ಗತ್ ನಾತ್ಲೆಲೊ' ಸ್ಕೀಮ್... ಸೋ, ತುಜೆಂ ಟ್ಯಾರಿಫ್ ಕಾರ್ಡ್ ಥಂಯ್ ದವರ್ ಆನಿ ಆಮ್ಚ್ಯಾ ಬೋಸಾನ್ ಐ ಮೀನ್ ಗುರ್ಕಾರಾನ್ ದಿಲ್ಲೆಂ ಓಫರ್ ಆಯ್ಕ್.. ಫಾಲ್ಯಾಂಚ್ಯಾ ಎಮರ್ಜೆನ್ಸಿ ಮೀಟಿಂಗಾಕ್ ಕಿತ್ಲೆ ಜಣ್ ಯೆತಾತ್ ಪಳೆ, ತಾಂಕಾ ಜಣಾ ಎಕ್ಲ್ಯಾಕ್ 50 ರುಪಿಯಾಂ ಲೆಕಾರ್ ಮೆಜುನ್ ತುಕಾ ದಿತಾಂವ್. ಶೆಂಭರ್ ಆಯ್ಲ್ಯಾ ಫೈವ್ ಥೌಸಂಡ್, ದೊನ್ಶಿಂ ಆಯ್ಲ್ಯಾರ್ ಟೆನ್ ಥೌಸಂಡ್, ತಿನ್ಶಿಂ ಆಯ್ಲ್ಯಾರ್ ಫಿಫ್ಟೀನ್ ಥೌಸಂಡ್.. ಇಟ್ಸ್ ಎ ಫೇರ್ ಡೀಲ್ ಯೂ ನೋ...

ಇಂಟ್ರ್ಯೂ ಬಾಬಣ್ಣ: ತೆಂ ಪೂರಾ ವ್ಹಯ್‍ಮೂ ಸಾಯ್ಬಾ, ಪುಣ್ ಕೊಣೀ ಯೇನಾತ್ಲ್ಯಾರ್ ಮಾಕಾ ಕಾಲೆಂ ಮೆಳ್ತಾ..? ಘಡಾಯ್.?

ಪಿ.ಎ: ಟೆನ್ಶನ್ ನೋಟ್, ಬಾಬಣ್ಣ.. ತುಂ ಮಾಂಡೊ ಹುನ್ ಕರ್ನಾಕಾ, ಮೊಡುಪಾಸಾಕ್ ಮ್ಹಣ್ ಹಾಡ್'ಲ್ಲೆ ಅಂಬಡೆ ಆನಿ ಗೋಳಿಬಜೆ ವಿದ್ ಚಟ್ನಿ ತುವೆ ಪಾರ್ಸೆಲ್ ಕರ್ನ್ ವರ್ಯೆತ್.. 

ಇಂಟ್ರ್ಯೂ ಬಾಬಣ್ಣ: ಜಾವ್ಯೆತ್ ಜಾಯ್ಬಾ.. ತುಮ್ಚೊ ಗುರ್ಕಾರ್ ಬರೊ ಬಿಸಿನೆಸ್ ಮ್ಯಾನ್ ಮ್ಹಣ್ ಆಯ್ಕಾಲ್ಲೆಂ.. ಪುಣ್ ಆಜ್ ಮಾಕಾ ನಖ್ಖಿ ಜಾಲೆಂ.. 

*********************

ಇಂಟ್ರ್ಯೂ ಬಾಬಣ್ಣ : ಗುಡ್ ಮೋರ್ನಿಂಗ್ ಸರ್.. ಮೊರ್ಚ್ಯಾ  ಕೊಂಕ್ಣಿಕ್ ವಾಂಚಂವ್ಕ್ ಮ್ಹಣ್ ತುಮಿ ತುಮಿ ಎಮರ್ಜೆನ್ಸಿ ಮೀಟಿಂಗ್ ದವರ್ಲಾಂ ಆನಿ ತ್ಯಾ ವಿಶಿಂ ಪಬ್ಲಿಸಿಟಿ ದೀಂವ್ಕ್ ಮಾಕಾ ಆಪಯ್ಲಾಂ ಮ್ಹಣ್ ತುಮ್ಚ್ಯಾ ಪಿ.ಎ ನ್ ಸಾಂಗ್ಲೆಂ ದೆಕುನ್ ಧಾಂವೊನ್ ಧಾಂವೊನ್ ಆಯ್ಲೊಂ ಬಾಬಾ.. ಸಾಂಗಾ ತುಮ್ಚಿ ಕಿತೆಂ ಸೆವಾ ಕರುಂ.?

ಗುರ್ಕಾರ್ : ತುವೆಂ ಮ್ಹಜಿ ಏಕ್ ಸೆನ್ಶೇಶನಲ್ ಇಂಟರ್ವ್ಯೂ ಕರ್ನ್ ಘಾಲಿಜೆ. ಹಾವೆಂ ಎಮರ್ಜೆನ್ಸಿ ಮೀಟಿಂಗ್ ಕಿತ್ಯಾಕ್ ಆಪಯ್ಲಾಂ ಮ್ಹಣ್ ಸಕ್ಡಾಂಕ್ ಕಳಾಜೆ.. 

ಇಂಟ್ರ್ಯೂ ಬಾಬಣ್ಣ : ಜಾಯ್ತ್ ಬಾಬಾ, ಮ್ಹಜಿಂ ಸವಾಲಾಂ ಸುರು ಕರ್ತಾಂ. ಪಯ್ಲ್ಯಾನ್ ಪಯ್ಲೆಂ ಕೊಂಕಣಿ ಮೊರ್ತಾ ಮ್ಹಣ್ ತುಮ್ಕಾಂ ಕಿತ್ಯಾಕ್ ಭೊಗ್ತಾ.?

ಗುರ್ಕಾರ್ : ಕೊಂಕಣಿ ಮೊರ್ತಾ, ಕಿತ್ಯಾಕ್ ಮ್ಹಳ್ಯಾರ್ ಆಜ್ ಆಮ್ಚ್ಯಾ ಘರಾನಿಂ ಕೊಂಕ್ಣಿ ಉಲೊಂವ್ಚೆಂ ಉಣೆಂ ಜಾಲಾಂ, ಭುರ್ಗಿಂ ಇಂಗ್ಲಿಶ್ ಮೀಡಿಯಮಾಕ್ ವೆತಾತ್. ಇಂಗ್ಲಿಶ್ ಮಿಸಾಕ್ ವೆತಾತ್, ಪಿಜ್ಜಾ ಬರ್ಗರ್ ಖಾತಾತ್, ಡೆಸ್ಪಾಸಿತೋ ಆಯ್ಕಾತಾತ್. 

ಇಂಟ್ರ್ಯೂ ಬಾಬಣ್ಣ : ತುಮ್ಚಿಂ ಭುರ್ಗಿ ಕೊಂಕ್ಣಿ ಉಲಯ್ನಾಂತ್, ಇಂಗ್ಲಿಶ್ ಝರಯ್ತಾತ್, ಇಂಗ್ಲೀಶ್ ಮಿಸಾಕ್ ವೆತಾತ್, ಪಿಜ್ಜಾ ಖಾತಾತ್, ಡೆಸ್ಪಾಸಿತೋ ಆಯ್ಕಾತಾತ್ ಮ್ಹಳ್ಳೆಂಚ್ ಕೊಂಕ್ಣಿ ಮೊರ್ತಾ ಮ್ಹಳ್ಯಾರ್ ಸಮಾ ಜಾತಾ ಗೀ..?

ಗುರ್ಕಾರ್ : ಮ್ಹಜಿಂ ಭುರ್ಗಿಂ ಮ್ಹಳ್ಯಾರ್, ಮ್ಹಜಿಂ ಸ್ವಂತ್ ಭುರ್ಗಿಂ ಮ್ಹಣ್ ಅರ್ಥ್ ನ್ಹಂಯ್, ಜೆರಾಲ್ ಥರಾನ್ ಕೊಂಕ್ಣಿ ಭುರ್ಗಿಂ. ಹಾಂವ್ ಕೋಣ್? ಸಮೇಸ್ತ್ ಕೊಂಕ್ಣ್ಯಾಂಚೊ ಬಾಬ್. ಬಾಬ್ ಮ್ಹಳ್ಯಾರ್ ಬಯಾಲಾಜಿಕಲ್ ಫಾದರ್ ನ್ಹಂಯ್, ಕಮಾಂಡಿಂಗ್ ಫಾದರ್. ಹಾವೆಂ ಕೊಂಕ್ಣಿ ಉರಂವ್ಚೆ ಖಾತಿರ್ ಟೆನ್ ಕಮಾಂಡ್ಮೆಂಟ್ ದಿಲ್ಲೆ. ಪುಣ್ ಎಕ್ಲ್ಯಾನೀ ತೆ ಪಾಳುಂಕ್ ನಾಂತ್. ದೆಕುನ್ ಕೊಂಕ್ಣಿ ಆಜ್ ಮೊರ್ಚೆ ಸ್ಥಿತೆಕ್ ಪಾವ್ಲ್ಯಾ.

ಇಂಟ್ರ್ಯೂ ಬಾಬಣ್ಣ : ತುಮ್ಚೆ ಉಪಾದೆಸ್, ಐ ಮೀನ್ ಕಮಾಂಡ್ಮೆಂಟ್ಸ್ ತುಮ್ಚ್ಯಾ ಘರಾ ಭಿತರ್'ಚ್ ಪಾಳಿನಾಂತ್ ಖಂಯ್, ಮಾಗಿರ್ ಕೊಂಕ್ಣಿ ಲೊಕಾನ್ ಪಾಳಿಜೆ ಮ್ಹಳ್ಯಾರ್ ಜಾತಾಗಿ.?

ಗುರ್ಕಾರ್ : ಯೂ ಹ್ಯಾವ್ ಮಿಸ್ಟೇಕನ್ ಮಿ ಮಿಸ್ಟರ್ ಚೀಪ್ ಎಡಿಟರ್. ಹಾವೆಂ ಕಮಾಂಡ್ಮೆಂಟ್ಸ್ ದಿಲ್ಲೆ ತುಮ್ಕಾಂ ಪಾಳುಂಕ್. ಮ್ಹಜ್ಯಾ ಘರಾಂತ್ ಪಾಳುಂಕ್ ನ್ಹಂಯ್. ಹಾವೆಂ ಮ್ಹಳ್ಳೆಂ ಇಫ್ ಯೂ ವಾಂಟ್ ಟು ಕೀಪ್ ಕೊಂಕಣಿ ಅಲೈವ್, ಯೂ ಫಾಲೋ ಮೈ ಕಮಾಂಡ್ಮೆಂಟ್ಸ್. ಕೊಣಾಕ್ ಕೊಂಕ್ಣಿ ಉರಂವ್ಕ್ ಜಾಯ್, ತಾಣಿಂ ಮ್ಹಜೆ ಉಪಾದೆಸ್ ಪಾಳಿಜೆ ಮ್ಹಳ್ಳೆಂ.

ಇಂಟ್ರ್ಯೂ ಬಾಬಣ್ಣ : ತಶೆಂ ಮ್ಹಳ್ಯಾರ್ ತುಮ್ಕಾಂ ಕೊಂಕ್ಣಿ ವಾಂಚಾಜೆ ಮ್ಹಣ್ ಮನ್ ನಾಂ ಗೀ..?

ಗುರ್ಕಾರ್ : ಹೇ, ಯೂ ಕ್ರೋಸಿಂಗ್ ದ ಲಿಮಿಟ್ಸ್. ಹ್ಯಾ ಇಂಟರ್ವ್ಯೂ ಖಾತಿರ್ ಹಾಂವ್ ತುಕಾ ಪೇ ಕರ್ತಾಂ. ಸೋ ತುವೆಂ ಮಾಕಾ ಜಾಯ್ ಜಾಲ್ಲೆ ಪೋಂಯ್ಟ್ ಮಾತ್ರ್ ವಿಚಾರಿಜೆ, ಆನಿ ಹಾವೆಂ ದಿಲ್ಲಿ ರಿಪ್ಲೈ ಮಾತ್ರ್ ಘಾಲಿಜೆ. ಅದರ್ ವೈಸ್ ನೋ ಅಂಬಡೆ ಗೋಳಿಬಜೆ ಫೋರ್ ಯೂ...

ಇಂಟ್ರ್ಯೂ ಬಾಬಣ್ಣ : ಅಯ್ಯೋ ಬಾಬಾ, ಐ ನೋ ದ ಕೊಂಟ್ರ್ಯಾಕ್ಟ್. ತುಮ್ಚ್ಯಾ ಪಿ.ಎ ನ್ ಸಕ್ಕಡ್ ಸಾಂಗ್ಲಾಂ ಮಾಕಾ. ಐ ವಿಲ್ ಪಬ್ಲಿಶ್ ದ ಎಡಿಟೆಡ್ ವರ್ಶನ್ ಓಫ್ ದಿಸ್ ಇಂಟರ್ವ್ಯೂ. ಆಫ್ಟರಾಲ್, ಐ ಯಾಮ್ ಚೀಪ್ ಎಡಿಟರ್ ಯೂ ನೋ.. ತುಮ್ಕಾಂ ಜಾಯ್ ಜಾಲ್ಲೆ ಪೋಂಯ್ಟ್ ಮಾತ್ರ್ ಘಾಲ್ತಾಂ. ತುಮ್ಕಾಂ ಫುಲ್ ಪೊಸಿಟಿವ್ ಕರ್ನ್ ದಾಕಯ್ತಾಂ. ನೋ ನೆಗೇಟಿವ್ ಎಟಾಲ್.. ಹಾವೆಂ ಹೆಂ ಪೂರಾ ಮ್ಹಜ್ಯಾ ಕ್ಯೂರಿಯೊಸಿಟಿ ಖಾತಿರ್ ವಿಚಾರ್ಚೆಂ. ಸೋ ಯೂ ಡೋಂಡ್ ವರಿ..

ಗುರ್ಕಾರ್ : ತಶೆಂ ತರ್ ಆಯ್ಕ್.. ಮಾಕಾ ಕೊಂಕ್ಣಿ ವಾಂಚೊಂಕೀ ನಜೊ, ಮರೊಂಕೀ ನಜೊ.. ವೆಂಟಿಲೇಟರಾಚೆರ್ ಆಸಾಜೆ, ಫೊರೆವರ್.. ಓರ್ ಅಟ್'ಲೀಸ್ಟ್ ಹಾಂವ್ ಜೀವ್ ಆಸ್ತಾ ವರೇಗ್..

ಇಂಟ್ರ್ಯೂ ಬಾಬಣ್ಣ : ಕಾಲೆಂ ಮ್ಹಣ್ತಾಯ್ ಬಾಬಾ..? ತುಮ್ಚ್ಯಾ ತೊಂಡಾಥಾವ್ನ್ ಅಸ್ಲಿಂ ಉತ್ರಾಂ.?

ಗುರ್ಕಾರ್ : ಹೇ ಲಿಸನ್.. ಹಿ ಟೋಪ್ ಸೀಕ್ರೆಟ್.. ಲೀಕ್ ಕರ್ನಾಕಾ.. ಥೊಡ್ಯಾಂಕ್ ಕೊಂಕ್ಣಿ ಮ್ಹಳ್ಯಾರ್ ಭಾಸ್, ಆನಿ ಥೊಡ್ಯಾಂಕ್ ಸ್ವಾಸ್.. ಬಟ್ ಫೋರ್ ಮಿ, ಕೊಂಕ್ಣಿ ಈಸ್ ಪ್ಯೂರ್ಲಿ ಬಿಸಿನೆಸ್.  

ಇಂಟ್ರ್ಯೂ ಬಾಬಣ್ಣ : ತೆಂ ಕಶೆಂ ಬಾಬಾ..?

ಗುರ್ಕಾರ್ : ತೆಂ ಕಶೆಂಗೀ ಮ್ಹಳ್ಯಾರ್, ಪಯ್ಲ್ಯಾನ್ ಪಯ್ಲೆಂ ಕೊಂಕ್ಣಿ ಅಪಾಯಂತ್ ಆಸಾ ಮ್ಹಣ್ ಲೊಕಾನ್ ಪಾತ್ಯೆಶೆಂ ಕರ್ಚೆಂ. ಮಾಗಿರ್ ಹಾಂವ್ ಕೊಂಕ್ಣೆಕ್ ವಾಂಚಂವ್ಕ್ ಒದ್ದಾಡ್ತಾಂ ಮ್ಹಣ್ ದಾಕಂವ್ಚೆಂ. ಮಾಗಿರ್ ಕೊಂಕ್ಣೆಚ್ಯಾ ನಾಂವಾನ್ ಪ್ರೊಜೆಕ್ಟಾಂ ಕರ್ಚಿಂ, ಪ್ರೊಜೆಕ್ಟಾಂಚ್ಯಾ ನಾಂವಾನ್ ಪಯ್ಶೆ ಜಮಂವ್ಚೆ, ಇಲ್ಲೆ ಸರ್ಕಾರಾಥಾವ್ನ್, ಇಲ್ಲೆ ಲೊಕಾಥಾವ್ನ್.. 

ಇಂಟ್ರ್ಯೂ ಬಾಬಣ್ಣ : ಓಹೋ, ತಶೆಂಗೀ ಬಾಬಾ.. ತೀಸ್ ಕೊರೊಡಾಂಚ್ಯಾ ಮ್ಯೂಸಿಯಂ ಪಾಟ್ಲೊ  ಮಿಸ್ತೆರ್ ಮಾಕಾ ಆತಾಂ ಸಮ್ಜಾಲೊ.. ಹಾಂ ಸಾಂಗ್ಲೆಬರಿಂ ತೆಂ ಪ್ರೊಜೆಕ್ಟ್ ಕಿತೆಂ ಮುಕಾರ್ ವಚೊಂಕ್ ನಾ..?  

ಗುರ್ಕಾರ್ : ತೆಂ... ಬಿಕೊಸ್ ಆಫ್ ಸಮ್ ಇಂಟೆರ್ನಲ್ ಪ್ರೋಬ್ಲೆಮ್ಸ್. ತೆಂ ತುಕಾ ಆತಾಂ ಸಾಂಗೊಂಕ್ ಜಾಯ್ನಾ. ಪುಣ್ ತೆಂ ಪ್ರೊಜೆಕ್ಟ್ ರಾವ್ಲೆಂ ದೆಕುನ್'ಂಚ್ ಹೆಂ ಮ್ಹಜೆಂ ನವೆಂ ಪ್ರೋಜೆಕ್ಟ್. ಕೊಂಕ್ಣಿ ಮೊರ್ತಾ...

ಇಂಟ್ರ್ಯೂ ಬಾಬಣ್ಣ : ಓಹೊ ತಶೆಂಗೀ.. ಪುಣ್ ತ್ಯಾ ಪ್ರೊಜೆಕ್ಟಾಕ್ ಪಯ್ಶೆ ದಿಲ್ಲ್ಯಾ ಎಕೇಕ್ಲ್ಯಾನ್'ಚ್ ಪಾಟಿಂ ವಿಚಾರುಂಕ್ ಸುರು ಕೆಲಾಂ ಖಂಯ್..?

ಗುರ್ಕಾರ್ : ವಾಟ್ ನೋನ್'ಸೆನ್ಸ್.? ಮಾಕಾ ಕೊಣೆಂಯೀ ರಿಣ್ಕಾರಿ ಮಾಂದ್ಚೊ ನಾಕಾ. ಲಕ್ಕಿಡಿಪ್ ವಿಕುನ್ ರೀಣ್ ಮುಕ್ತ್ ಜಾಲ್ಲೊ ರೆಕೋರ್ಡ್ ಆಸಾ ಮ್ಹಜೊ.

ಇಂಟ್ರ್ಯೂ ಬಾಬಣ್ಣ : ತೆಂ ಆಸೊಂದಿ ಬಾಬಾ, ತುಮಿ ಮ್ಹಳೆಂನೇ ತುಮ್ಕಾಂ ಕೊಂಕ್ಣಿ ಮರೊಂಕೀ ನಜೊ, ಉರೊಂಕೀ ನಜೊ, ವೆಂಟಿಲೇಟರಾರ್ ಆಸಾಜೆ ಮ್ಹಣ್... ಕಿತೆಂ ಅರ್ಥ್ ಮಾಕಾ ಸಮ್ಜಾಲೆಂ ನಾ..?

ಗುರ್ಕಾರ್ : ಅರೇ ಪೆದ್ದಾ, ತಿತ್ಲೆಂಯೀ ಸಮ್ಜನಾಂವೇ ತುಕಾ.? ಆತಾಂ ಆಮ್ಚೆ ಪೊಲಿಟಿಶಿಯನ್ ಪಳೆ.. ಖಂಚ್ಯಾ ವಿಶಯಾಚೆರ್ ಪೊಲಿಟಿಕ್ಸ್ ಕರ್ತಾತ್..? ದೋನ್ ಜಾತಿಂಚ್ಯಾ ಲೊಕಾಮಧೆಂ ಝಗ್ಡೆಂ ಕರವ್ನ್.! ತಾಂಚೊ ಮುಖೆಲಿ ಹಾಂಚ್ಯಾಂಕ್ ದುರ್ಸಾತಾ, ಹಾಂಚೊ ಮುಖೆಲಿ ತಾಂಚ್ಯಾಂಕ್ ದುರ್ಸಾತಾ. ಮುಖೆಲ್ಯಾಂಚೆಂ ಆಯ್ಕಾಲ್ಲೊ ಲೋಕ್ ಎಕಾಮೆಕಾಚೆರ್ ಉಚಾಂಬಳ್ ಜಾತಾ. ತಾಂಚ್ಯಾ ಝಗ್ಡ್ಯಾಚೊ ಫಾಯ್ದೊ ಉಟವ್ನ್ ಹೆ ಮುಖೆಲಿ ಗಾದಿಯೆಕ್ ಚಡ್ತಾತ್. ಆತಾಂ ಜರ್ ತರ್ ಹ್ಯಾ ದೊನೀ ವರ್ಗಾಚ್ಯಾ ಲೊಕಾನ್ ಇಲ್ಲಿಶಿ ಸೊಡ್'ಧೊಡ್ ಕರ್ನ್ ಎಕ್ವಟಾನ್ ಜಿಯೆಲ್ಯಾರ್ ಹ್ಯಾ ಮುಖೆಲ್ಯಾನಿಂ ಮಾಗಿರ್ ಖಂಚ್ಯಾಂತ್ ಪೊಲಿಟಿಕ್ಸ್ ಕರ್ಚೆಂ.? ಪೊಲಿಟಿಕ್ಸ್ ಕರ್ನಾಸ್ತಾಂ ಮಾತ್ತಿ ಖಾವ್ನ್ ಮರೊಂಕ್ ಜಾತಾ ಗೀ.? ದೆಕುನ್'ಂಚ್ ಲೋಕ್ ಲಾಗಿಂ ಯೇಂವ್ಕ್ ತಯಾರ್ ಆಸ್ಲ್ಯಾರೀ ಹೆ ಲೊಕಾಕ್ ಲಾಗಿಂ ಯೇಂವ್ಕ್ ಸೊಡಿನಾಂತ್. ಕೆದೊಳ್ ವರೆಗ್ ತ್ಯಾ ದೋನ್ ಧರ್ಮಾಂಚ್ಯಾ ಮಧೆಂ ಉಜೊ ಪೆಟೊನ್ ಆಸ್ತಾಗೀ ತೆದೊಳ್ ಪರ್ಯಾಂತ್ ಹ್ಯಾ ಮುಖೆಲ್ಯಾಂಚ್ಯಾ ಘರಾ ಪೇಜ್ ಶಿಜ್ತಾ.. ಅದರ್'ವೈಸ್ ನೊ ಪೇಜ್, ನೊ ನೀಸ್.. 

ಇಂಟ್ರ್ಯೂ ಬಾಬಣ್ಣ : ಕಾಲೆಂಗೀ ಬಾಬಾ, ಮ್ಹಜ್ಯಾ ತಕ್ಲೆಕ್ ವಚಾನಾ ಹೆಂ ಪೂರಾ.. ಆನಿ ತಿಕ್ಕೆ ಸೊಡೊವ್ನ್ ಸಾಂಗ್ತಾತ್ ಗೀ, ಪ್ಲೀಸ್..

ಗುರ್ಕಾರ್ : ಹತ್ತ್ ಬುರ್ನಾಸಾ.. ತುಕಾ ಟೆಂಪ್ಯಾರ್ ನೀವ್ಸ್ ಪೇಪರಾಂ ಲೋಡ್ ಕರ್ತೆಲ್ಯಾಕ್ ಕೊಣೆಂರೇ ಜರ್ನಲಿಸ್ಟ್ ಕೆಲ್ಲೊ.? ಅಳೇ ಆಯ್ಕ್.. ಜರ್ ಕೊಂಕ್ಣೆಕ್ ಕಾಂಯ್ ಆಪಾಯ್ ನಾ, ಸಕ್ಕಡ್ ಬರೆಂಚ್ ಆಸಾ ತರ್ ಹಾವೆಂ ಕಾಲೆಂ ಕರ್ಚೆಂ? ಲೊಕಾಕಡೆಂ ಕಿತೆಂ ಮ್ಹಣ್ ಸಾಂಗೊನ್ ವಚೂಲ್ ಕರ್ಚೆಂ? ಆನಿ ಜರ್ ಕೊಂಕ್ಣಿ ಪುರ್ತಿ ಮರೊನ್ ಗೆಲಿ, ತರ್ ಮಾಗಿರ್ ಹಾವೆಂ ಕೊಣಾಚೆಂ ನಾಂವ್ ಕಾಡ್ನ್ ದೀಸ್ ಕಾಡ್ಚೆ.? ದೆಕುನ್, ಫೊರ್ ಮೈ ಸರ್ವವೈಲ್, ಕೊಂಕ್ಣಿ ಮರೊಂಕೀ ನಜೊ, ವಾಂಚೊಂಕೀ ನಜೊ.. ವೆಂಟಿಲೇಟರಾರ್ ಆಸಾಜೆ.. ದೆನ್ ಓನ್ಲಿ, ಕೊಂಕ್ಣಿಚ್ಯಾ ಸುಪುತ್ರಾಂಕ್ ಇಮೋಶನಲ್ ಬ್ಲ್ಯಾಕ್'ಮೇಯ್ಲ್ ಕರ್ನ್, ಐ ಕ್ಯಾನ್ ಅರ್ನ್ ಸಮ್'ಥಿಂಗ್ ಯು ನೋ... ಕೊಂಕ್ಣಿಚ್ಯಾ ಆಪಾಯಾಂತ್ ಮ್ಹಜೊ ಆದಾಯ್ ಆಸಾ.. ತುಕಾ ಆನಿಕೀ ಸಮ್ಜೊಂಕ್ ನಾ ತರ್, ನೇತ್ರಾವತಿ ಸಾಂಕ್ಯಾಥಾವ್ನ್ ಉಡಿ ಮಾರ್ನ್ ವಾಳೊನ್ ವಚ್ ಪೆಲ್ಯಾನ್...

ಇಂಟ್ರ್ಯೂ ಬಾಬಣ್ಣ  : ಓಹೋ ಒಹೋ, ವಾಟ್ ಎ ಸ್ಟೇಟ್'ಮೆಂಟ್ ಬಾಬಾ.. ಕೊಂಕ್ಣಿಚ್ಯಾ ಆಪಾಯಾಂತ್ ಮ್ಹಜೊ ಆದಾಯ್ ಆಸಾ.. ಡೊಕ್ಟರ್, ಇಂಜಿನಿಯರ್ ಮ್ಹಣ್ ವ್ಹಡ್ ವ್ಹಡ್ ಡಿಗ್ರ್ಯಾಂ ಪಾಟ್ಲ್ಯಾನ್ ಧಾಂವ್ಚ್ಯಾ ಆಯ್ಚ್ಯಾ ತರ್ನಾಟ್ಯಾನಿಂ ತುಮ್ಚೆಥಾವ್ನ್ ಶಿಕಾಜೆ ಬಾಬಾ.. ಕೇವಲ್ ಏಕ್ ಭಾಸ್ ವಾಪ್ರುನ್ ಕೊರೊಡಾಂಚೆಂ ಟರ್ನ್ ಓವರ್.! ಬರೆಂ ಜಾಲೆಂ ತುಮಿ ಕೊಂಕ್ಣೆಚೆ ಸೊಡ್ವಣ್ದಾರ್.. ಜರ್ ತರ್ ಇಂಗ್ಲಿಶಾಚೆ ಸೇವಿಯರ್ ಪುಣೀ ಜಾಲ್ಲ್ಯಾತ್, ಸ್ವಿಸ್'ಬ್ಯಾಂಕ್ ತುಮ್ಚೆಖಾತಿರ್'ಚ್ ಏಕ್ ಬ್ರ್ಯಾಂಚ್ ಜೆಪ್ಪುಂತ್ ಓಪನ್ ಕರ್ತೆಂ ಆಸ್ಲೆಂ.!

ಗುರ್ಕಾರ್ : ಎನೀ ವೇ.. ಹಿ ಪೂರಾ ಅಸ್ಲಿ ಗಜಾಲ್ ಸೊಡ್ ತುಂ.. ಆತಾಂ ಮ್ಹಜ್ಯಾ ಪಿಎ ನ್ ತುಕಾ ದಿಲ್ಲೆ ಪೋಂಯ್ಟ್ಸ್ ಪೂರಾ ಕವರ್ ಕರ್ನ್ ಏಕ್ ಬ್ಯೂಟಿಫುಲ್ ಇಂಟರ್ವ್ಯೂ ರೆಡಿ ಕರ್ನ್ ಇಮಿಡೀಯೇಟ್ಲೀ ಮ್ಹಜ್ಯಾ ಪಿಎಕ್ ಧಾಡ್. ಆಂಡ್, ಆಫ್ಟ್ಟರ್ ಹಿಸ್ ಎಪ್ರೂವಲ್ ಮೇಕ್ ಇಟ್ ವೈರಲ್.. ಫಾಲ್ಯಾಂಚೆಂ ಎಮರ್ಜೆನ್ಸಿ ಮೀಟಿಂಗ್ ಹೌಸ್'ಫುಲ್ ಜಾಯ್ಜೆ..

ಇಂಟ್ರ್ಯೂ ಬಾಬಣ್ಣ : ಜಾಯ್ತ್ ಬಾಬಾ. ಹಾಂವ್ ಇಂಟರ್ವ್ಯೂಚೆ ದೋನ್ ವರ್ಶನ್ ಕರ್ನ್ ತುಮ್ಚ್ಯಾ ಪಿ.ಎ ಕ್ ಮೇಯ್ಲ್ ಕರ್ತಾಂ. 

ಗುರ್ಕಾರ್ : ದೋನ್ ವರ್ಶನ್ ಕಾಲ್ಯಾಕ್ ರೇ..?

ಇಂಟ್ರ್ಯೂ ಬಾಬಣ್ಣ : ಏಕ್ ಒರಿಜಿನಲ್ ವರ್ಶನ್, ಆನಿ ಏಕ್ ಎಡಿಟೆಡ್ ವರ್ಶನ್.. ತುಮಿ ಅಂಬಡೆ, ಗೋಳಿಬಜೆ ದೀವ್ನ್ ಮಾಕಾ ಮಂಗ ಕರ್ಚೆಂ ನಾಕಾ. ಮ್ಹಜೆಂ ಅಕೌಂಟ್ ನಂಬರ್ ದಿತಾಂ. ಟೆನ್ ಥೌಸಂಡ್ ಟ್ರಾನ್ಸ್'ಫರ್ ಕೆಲ್ಯಾರ್ ಎಡಿಟೆಡ್ ವರ್ಶನ್ ಘಾಲ್ತಾಂ ಅದರ್'ವೈಸ್ ಒರಿಜಿನಲ್..

ಗುರ್ಕಾರ್ : ಹೇ.. ದಿಸ್ ಈಸ್ ಚೀಟಿಂಗ್.. ತುವೆಂ ತಶೆಂ ಕರುಂಕ್ ನಜೊ...

ಇಂಟ್ರ್ಯೂ ಬಾಬಣ್ಣ : ತಶೆಂ ಕರುಂಕ್ ನಜೊ ಮ್ಹಳ್ಯಾರ್..? ಕೊಂಕ್ಣಿಚ್ಯಾ ನಾಂವಾನ್ ಪಯ್ಶೆ ಕರುಂಕ್ ತುಮ್ಕಾಂ ಮಾತ್ರ್ ಗೊತ್ತುಗೀ..? ತುಮ್ಚೆಥಾವ್ನ್'ಂಚ್ ಹಾಂವ್'ಯೀ ಶಿಕ್ಲಾಂ.. ತುಂ ಬಾಬ್ ತರ್ ಹಾಂವ್ ಪೂತ್..! 

Cover Matters - ಇಂಟ್ರ್ಯೂ ಬಾಬಣ್ಣ V/s ಪ್ರೊಫೆಶನಲ್ ಆಕ್ಟರ್

ಇಂಟ್ರ್ಯೂ ಬಾಬಣ್ಣ : ತುಜಿಂ ಪೂರಾ ಫಿಲ್ಮಾಂ ಸೂಪರ್ ಹಿಟ್ ಜಾತಾತ್ ನೇ, ತುಕಾ ಕಶೆಂ ಭೊಗ್ತಾ?

ಪ್ರೊಫೆಶನಲ್ ಆಕ್ಟರ್ : ಫಿಲ್ಮ್ ಸೂಪರ್ ಹಿಟ್ ಜಾತಾಗೀ ನಾಂ ತೆಂ ಮಾಕಾ ಗೊತ್ತುನಾ, ಪುಣ್ ಹಾಂವ್ ಮಾತ್ರ್ ತೀನ್ ಭಾಸಾಂಚೊ ಸೂಪರ್ ಸ್ಟಾರ್. ಹಾವೆಂ ನಂಬರ್ ಒನ್ ಕೊಂಕ್ಣಿ ಫಿಲ್ಮ್ ದಿಲ್ಲೆಂ, ಪುಣ್ ಲೊಕಾಕ್ ತೆಂ ಪಸಂದ್ ಜಾಂವ್ಕ್ ನಾತ್'ಲ್ಲೆಂ, ತುವೆಂಯೀ ಖೊಡಿ ಕಾಡ್'ಲ್ಲೊಯ್. ಆತಾಂ ಜೋಳಿಗೆ ಘೆವ್ನ್ ಮ್ಹಜಿ ಇಂಟ್ರ್ಯೂ ಕರುಂಕ್ ಆಯ್ಲಾಯ್!

ಇಂಟ್ರ್ಯೂ ಬಾಬಣ್ಣ : ಸಿನಿಮಾ ಮಾರ್ಕೆಟಿಂಗಾಂತ್ ತುಂ ಏಕ್ದಮ್ ಹುಶಾರ್ ಮ್ಹಣ್ತಾತ್. ಸಿನಿಮಾ ರಿಲೀಸ್ ಜಾಂವ್ಚ್ಯಾ ಪಯ್ಲೆಂಚ್ ಲೊಕಾಮಧೆಂ ಸೆನ್ಶೇಶನ್ ಉಬ್ಜಾಂವ್ಚಿ ಮಾರ್ಕೆಟಿಂಗ್ ಕಲಾ ತುಕಾ ಆಸಾ ಖಂಯ್.. ಹ್ಯಾ ವಿಶ್ಯಾಂತ್ ಕಿತೆಂ ಮ್ಹಣ್ತಾಯ್.?

ಪ್ರೊಫೆಶನಲ್ ಆಕ್ಟರ್ : ತೆಂಚ್ ಮ್ಹಜೆಂ ಪ್ಲಸ್ ಪೋಂಯ್ಟ್. ತುಕಾ ಗೊತ್ತುನಾ, ಕಿತ್ಲೆಶ್ಯಾ ಫಿಲ್ಮಾನಿಂ ಹಾವೆಂ ಪೋಸ್ಟರಾರ್ ದಿಲ್ಲೆ ಪೋಸ್ ಫೇಸ್ಬುಕಾರ್ ಆನಿ ವಾಟ್ಸಪಾರ್ ಪಳೆಲ್ಲೊ ಲೋಕ್, ಮಾಂಕೊಡ್ ಜಾವ್ನ್ ಥಿಯೇಟರಾಕ್ ಯೆತಾ. ದೆಕುನ್ ಆಜ್ ಕಾಲ್ ಸಕ್ಕಡ್ ಡೈರೆಕ್ಟರ್, ಪ್ರೊಡ್ಯೂಸರ್ ಮಾಕಾ ಆಕ್ಟಿಂಗ್ ಕರುಂಕ್ ನ್ಹಂಯ್ ತರೀ, ತಾಂಚೆಂ ಫಿಲ್ಮ್ ಮಾರ್ಕೆಟಿಂಗ್ ಕರುಂಕ್ ಪುಣೀ ಫಿಲ್ಮಾಂತ್ ಏಕ್ ಛಾನ್ಸ್ ದಿತಾತ್.!

ಇಂಟ್ರ್ಯೂ ಬಾಬಣ್ಣ : ತರ್ ತುಜೆಂ ಟ್ಯಾಲೆಂಟ್ ಕಾಲೆಂ.? ಆಕ್ಟಿಂಗ್ ಯಾ ಮಾರ್ಕೆಟಿಂಗ್.?

ಪ್ರೊಫೆಶನಲ್ ಆಕ್ಟರ್ : ಐ ಯಾಮ್ ಎ ಮಲ್ಟಿ ಟ್ಯಾಲೆಂಟೆಡ್ ಪರ್ಸನಾಲಿಟಿ, ಯೂ ನೋ.. ಹಾಂವ್ ಆಕ್ಟಿಂಗೀ ಕರ್ತಾಂ, ಮಾರ್ಕೆಟಿಂಗ್'ಯೀ ಕರ್ತಾಂ, ಶೂಟಿಂಗ್'ಯೀ ಕರ್ತಾಂ, ಚಾನ್ಸ್ ಮೆಳ್ಳ್ಯಾರ್ ಡೈರೆಕ್ಟಿಂಗ್'ಯೀ ಕರ್ತಾಂ.. ಐ ಯಾಮ್ ಸೆಲ್ಫೀ ಮ್ಯಾನ್ ಯೂ ನೋ..

ಇಂಟ್ರ್ಯೂ ಬಾಬಣ್ಣ : ಸೆಲ್ಫೀ ಮ್ಯಾನ್..? ತಶೆಂ ಮ್ಹಳ್ಯಾರ್.?

ಪ್ರೊಫೆಶನಲ್ ಆಕ್ಟರ್ : ಮಜ್ಯಾಚ್ ಮಿನತೆನ್ ವಯ್ರ್ ಆಯಿಲ್ಲೊಂ ಮ್ಹಣ್..

ಇಂಟ್ರ್ಯೂ ಬಾಬಣ್ಣ : ಅಯ್ಯೋ, ತಾಕಾ ಸೆಲ್ಫ್ ಮೇಡ್ ಮ್ಯಾನ್ ಮ್ಹಣ್ಚೆಂ.. ಸೆಲ್ಫಿ ಮ್ಯಾನ್ ಮ್ಹಳ್ಯಾರ್ ಆಮ್ಚಿ ಆಮಿಂಚ್ ಕಾಡ್ಚಿ ಮ್ಹಣ್.. 

ಪ್ರೊಫೆಶನಲ್ ಆಕ್ಟರ್ : ಕಾಲೆಂ ಮರ್ಯಾದ್ ಗೀ..?

ಇಂಟ್ರ್ಯೂ ಬಾಬಣ್ಣ : ನ್ಹಂಯ್ ಸಾಯ್ಬಾ, ಫೋಟೋ.. ಸೊಡ್ ತಿ ಗಜಾಲ್. ಸಾಂಗ್ ಮಾಕಾ, ತುವೆಂ ನಟನ್ ಕೆಲ್ಲೆಂ ನವೆಂ ತುಳು ಫಿಲ್ಮ್ ಕಾಂಯ್ ಬರೆಂ ಮ್ಹಣ್ ಸಕ್ಕಡ್ ಮ್ಹಣ್ತಾತ್.. ಪುಣ್ ತುಮಿ ಮಾತ್ರ್ ಭರ್ಜರಿ ಹಿಟ್, ಒಟ್ರಾಶಿ ಕಲೆಕ್ಷನ್ ಮ್ಹಣ್ ಪ್ರಚಾರ್ ದಿಂವ್ಚೊ ಪಳೆವ್ನ್ ಲೋಕ್ ಉಚಾಂಬಳ್ ಜಾಲಾ ಖಂಯ್?

ಪ್ರೊಫೆಶನಲ್ ಆಕ್ಟರ್ : ತುಂ ಏಕ್ ಕಾಲೆಂ ಮ್ಹಣ್ತಾಯ್ ಸಾಯ್ಬಾ.. ಹೆ ಮೊಸ್ರಿ ಮನಿಸ್.. ಹಾವೆಂ ನಟನ್ ಕರ್ನ್ ವಯ್ರ್ ಆಯಿಲ್ಲೆಂ ತಾಂಕಾಂ ಸೊಸುಂಕ್ ಜಾಯ್ನಾ ದೆಕುನ್ ಅಶೆಂ ಪ್ರಚಾರ್ ಕರ್ತಾತ್..

ಇಂಟ್ರ್ಯೂ ಬಾಬಣ್ಣ : ತುಂ ತಶೆಂ ಮ್ಹಣ್ತಾಯ್.. ಪುಣ್ ತುವೆಂ ಫಿಲ್ಮ್ ಒಟ್ರಾಶಿ ಪಯ್ಶೆ ಕರ್ನ್ ಆಸಾ ಮ್ಹಣ್ ಫೇಸ್ಬುಕಾಚೆರ್ ಪ್ರಚಾರ್ ಕರ್ಚೆಂ ಪಳೆವ್ನ್ ಪ್ರೊಡ್ಯೂಸರಾಕ್ ಮಂಡೆಬೆಚ್ಚ ಜಾಲಾಂ ಖಂಯ್.. ತುವೆಂ ಸಾಂಗ್'ಲ್ಲ್ಯಾಚೊ ಕಾಲ್ದೊ ವಾಂಟೊಯೀ ಕಲೆಕ್ಷನ್ ಜಾವ್ನಾ ಖಂಯ್.. ಅಶೆಂ ಆಸ್ತಾಂ ತುವೆಂ ಸಾಂಗ್'ಲ್ಲೆಂ ಪಾತ್ಯೆವ್ನ್ ಇನ್ಕಮ್ ಟ್ಯಾಕ್ಸಾಚೆ ಪುಣೀ ತಾಂಚೊ ವಾಂಟೊ ವ್ಹರುಂಕ್ ಆಯ್ಲ್ಯಾರ್ ನ್ಹೆಸ್'ಲ್ಲೆಂಯೀ ಸೊಡವ್ನ್ ದೀಜೆ ಪಡಾತ್ ಮ್ಹಣ್ ಟೆನ್ಶನ್ ಕರ್ನ್ ಬಸ್ಲಾ ಮ್ಹಣ್ ಸಕ್ಕಡ್ ಉಲವ್ನ್ ಆಸಾತ್ ನೇ..?

ಪ್ರೊಫೆಶನಲ್ ಆಕ್ಟರ್ : ತುಂ ಏಕ್ ಕಾಲೆಂ ಸಾಯ್ಬಾ ಅಕ್ಕಲ್ ನಾತ್'ಲ್ಲೆ ಬರಿಂ ಉಲಯ್ತಾಯ್.. ಸಿನೇಮಾಚೆಂ ಟೈಟಲ್ ಪಳೆಲಾಂಯೇ ತುವೆಂ..? ತೆಂ ಟೈಟಲ್ ಹಾವೆಂಚ್ ಸಜೆಸ್ಟ್ ಕೆಲ್ಲೆಂ. ಟೈಟಲಾಂತ್ 'ಪೊಲಿಸ್' ಆಸ್ಚೆಂ ಪಳೆವ್ನ್ ಇನ್ಕಮ್ ಟ್ಯಾಕ್ಸಾವಾಲೆ 'ಹೆಂ ಸರ್ಕಾರಿ ಪಿಕ್ಚರ್' ಮ್ಹಣ್ ಚಿಂತುನ್ ವಾಟಿಂ ವೆತಾತ್ ಮ್ಹಣ್ ಹಾವೆಂ ಪಯ್ಲೆಂಚ್ ಮಾಸ್ಟರ್ ಪ್ಲ್ಯಾನಿಂಗ್ ಕೆಲ್ಲೆಂ.

ಇಂಟ್ರ್ಯೂ ಬಾಬಣ್ಣ : ಪುಣ್ 'ಪೊಲಿಸ್' ಟೈಟಲಾಂತ್ ಮಾತ್ರ್ ಆಸ್ಚೆಂ. ಸಿನೇಮಾಕ್ ಆನಿ ಟೈಟಲಾಕ್ ಲಿಂಕ್'ಚ್ ನಾ. ಸಮಾಕಟ್ಟ್ ಏಕ್ ಕಾಣೀ ನಾ. ಫಿಲ್ಮ್ ಕಂಯ್ ಸುರು ಜಾಲೆಂ ಆನಿ ಕಶೆಂ ಅಕೇರ್ ಜಾಲೆಂ ಮ್ಹಣ್ ಕಳಾನಾ ಮ್ಹಣ್ತಾತ್.

ಪ್ರೊಫೆಶನಲ್ ಆಕ್ಟರ್ : ಸಿನೇಮಾಕ್ ಕಾಣಿ ಗರ್ಜ್ ಮ್ಹಣ್ ಕೊಣೆಂ ಸಾಗ್ಲೆಂ ತುಕಾ.? ಕಾಣಿ ಪಳೆಂವ್ಕ್ ಕೊಣೀ ಸಿನೇಮಾಕ್ ವಚಾನಾ.. ತಶೆಂ ಕಾಣಿಂಚ್ ಜಾಯ್ ಮ್ಹಣ್ ಜಾಲ್ಯಾರ್ ಸಿನೇಮಾಕ್ ವಚಾಜೆಗೀ..? ತುಜ್ಯಾ ವೆಬ್ಸೈಟಾಂತ್ ಜಾಯ್ ತಿತ್ಲ್ಯೊ ಪುಂರ್ಗೆಲ್ಲ್ಯೊ ಕಾಣಿಯೊ ನಾಂತ್ ಗೀ...? ಲೊಕಾನಿಂ ಸಿನೇಮಾಕ್ ವೆಚೆಂ ಮ್ಹಜೆತಸ್ಲ್ಯಾ ಸ್ಟಾರ್ ಆಕ್ಟರಾಂಕ್ ಪಳೆಂವ್ಕ್... ಆಮ್ಕಾಂ ಪಳೆವ್ನಂಚ್ ಲೋಕ್ ಖುಶ್ ಜಾತಾ.. ಶೆಂಭರಾಂಚಿ ಟಿಕೆಟ್ ದೊನ್ಶಿಂ ದೀವ್ನ್ ಘೆತಾ ಆನಿ ಧಾದೊಸ್ ಜಾತಾ.. ಪುಣ್ ಥೊಡ್ಯಾಂಕ್ ಹೆಂ ಪಳೆವ್ನ್ ಸೊಸಾನಾ ದೆಕುನ್ ಅಪಪ್ರಚಾರ್ ಕರ್ತಾತ್.

ಇಂಟ್ರ್ಯೂ ಬಾಬಣ್ಣ : ವಯ್ಗೀ.. ಪುಣ್ ಫಿಲ್ಮಾಂತ್ ತುಕಾ ಕಾಂಯ್ ರೋಲ್'ಚ್ ನಾಂ ಖಂಯ್.. ಫೋನ್ ಕಾನಾಕ್ ದವರ್ನ್ ತಿಶಿನ್ ಹಿಶಿನ್ ವೆಚೆಂ ಮಾತ್ರ್ ಖಂಯ್... ಪೋನಾರ್ ಉಲಂವ್ಚೆಂ ಜಾಲ್ಯಾರ್ ಘರಾ ಬಸೊನ್ ಉಲಂವ್ನಜೊಗೀ..? ಪಿಕ್ಚರಾಕ್ ಕಾಲ್ಯಾಕ್ ಗೆಲೊ ಹೊ...? ಮ್ಹಣ್ ಸಗ್ಳೆ ಹಾಸೊನ್ ಆಸಾತ್ ಖಂಯ್..?

ಪ್ರೊಫೆಶನಲ್ ಆಕ್ಟರ್ : ಅಳೆ ತುಜೆಂ ಚಡ್ ಜಾಲೆಂ.. ತೊಂಡಾಕ್ ಆಯಿಲ್ಲೆಬರಿಂ ಸವಾಲಾಂ ವಿಚಾರಿನಾಕಾ.. ಚಡ್ ರಾಪಿಲ್ಯಾರ್ ತುಜೆಂಯೀ ಪೂರಾ ಬಾಯ್ರ್ ಘಾಲ್ತಾಂ.

ಇಂಟ್ರ್ಯೂ ಬಾಬಣ್ಣ : ಮ್ಹಜೆಂ ಕಾಲೆಂಯಾ ತುವೆಂ ಭಾಯ್ರ್ ಘಾಲ್ಚೆಂ.? ಹಾವೆಂ ಕಾಂಯ್ ತಸ್ಲಿಂ ಕಾಮಾಂ ಕರುಂಕ್ ನಾಂತ್.. ಹಾಂವ್ ಕೊಂಕ್ಣೆಂತ್ಲೊ ಏಕಮೇವಾದ್ವಿತೀಯ ಪ್ರಾಮಾಣಿಕ್ ಆನಿ ನಿಷ್ಠುರ್ ಪತ್ರಕಾರ್.. 

ಪ್ರೊಫೆಶನಲ್ ಆಕ್ಟರ್ : ಪುರೊ ಪುರೊ ಸಾಯ್ಬಾ.. ಕೆದಾಳಾ ಪಳೆಲ್ಯಾರೀ ಫೇಸ್ಬುಕಾಚೆರ್ ಟಿಪ್ಪುಜಯಂತಿವಿಶಿಂ ಖೊಡಿ ಕಾಡ್ನ್ ಕೊಂಗ್ರೆಸಾಕ್ ಯೆಟುನ್, ಮುರಿಯೊ ದೀವ್ನ್ ಆಸ್ತಾಯ್. ಪುಣ್ ಇಲೆಕ್ಷನಾ ಪಯ್ಲೆಂ ಆಸ್'ಲ್ಲ್ಯಾ ಸಕ್ಕಡ್ ಕೊಂಗ್ರೆಸ್ ಎಮ್ಮೆಲ್ಲೆಂಚಿ ಇಂಟರ್ವ್ಯೂ ಕರ್ನ್ ಘಾಲ್ಲಿಯ್ ನೇ.. ಎಕಾ ಇಂಟರ್ವ್ಯೂಂತ್ ಪುಣೀ 'ತುಮಿ ಟಿಪ್ಪುಜಯಂತಿ ಕಿತ್ಯಾಕ್ ಆಚರಣ್ ಕೆಲ್ಲಿ?' ಮ್ಹಣ್ ವಿಚಾರುಂಕ್ ಜೀಬ್ ಸುಟ್ಲಿಗೀ ತುಕಾ.? ತಾಂಚೆ ಕಡೆಂ ವಿಚಾರುಂಕ್ ತಾಂಕಾನಾತ್ಲೊ ವಿಶಯ್ ಫೇಸ್ಬುಕಾರ್ ಬರವ್ನ್ ಕೊಣಾಕ್ ಮಾಂಕೊಡ್ ಕರ್ನ್ ಆಸಾಯ್ ತುಂ..? ತುಜೊ ವಿಶಯ್ ಭಾಯ್ರ್ ಘಾಲ್ತಾಂಗೀ ನಾ ಪಳೆ....

ಇಂಟ್ರ್ಯೂ ಬಾಬಣ್ಣ: ಅಯ್ಯೋ.. ನಾಕಾ ಅಣ್ಣಾ ನಾಕಾ.. ಬೆಜಾರ್ ಭಿಲ್ಕುಲ್ ಕರ್ನಾಕಾ.. ಹಾಂವ್ ಹಿ ಇಂಟ್ರ್ಯೂ ಕಂಪ್ಲೀಟ್ ಚೇಂಜ್ ಕರ್ನ್ ಬರಯ್ತಾಂ. ತುಕಾ ಫುಲ್ ಬಿಲ್ಡಪ್ ದಿತಾಂ.. ತುಂ ಏಕ್ ಅಪ್ರತಿಮ್ ಹೀರೋ ಕ್ವಾಲಿಟಿಚೊ ನಟ್ ತರೀ, ತುಕಾ ಪಬ್ಲಿಸಿಟಿ ಪಸಂದ್ ನಾ ದೆಕುನ್, ಕೇವಲ್ ಭಾಷೆವಯ್ಲೊ ಮೋಗ್ ದಾಖಂವ್ಕ್ ಮಾತ್ರ್ ಪೋಷಕ್ ನಟನ್ ಕರ್ಚೊ ಮಹಾನ್ ತ್ಯಾಗಿ ಮ್ಹಣ್ ಬರಯ್ತಾಂ. 

ಪ್ರೊಫೆಶನಲ್ ಆಕ್ಟರ್ : ಹಾಂ ತಶೆಂ ಯೇ ವಾಟೆಕ್.. ತುವೆಂ ಮ್ಹಜೆಂ ಧಾಂಪ್ಲ್ಯಾರ್ ಹಾಂವ್ ತುಜೆಂ ಧಾಂಪ್ತಾಂ.. ಇಂಡಸ್ಟ್ರಿಂತ್ ಎಕಾಮೆಕಾ ಸಹಕಾರ್ ದಿಲ್ಯಾರ್ ಮಾತ್ರ್ ವಯ್ರ್ ಯೇಂವ್ಕ್ ಜಾತಾ. ಎಕಾಮೆಕಾಚೆಂ ಸೊಡಂವ್ಕ್ ಗೆಲ್ಯಾರ್ ದೊಗಾಯ್ನೀಂ ನಾಗ್ಡೆಂ ಜಾಯ್ಜೆ ಪಡ್ತಲೆಂ..

ಇಂಟ್ರ್ಯೂ ಬಾಬಣ್ಣ : ಜಾಯ್ತ್ ತರ್.. ಡೀಲ್ ಪಕ್ಕಾ.. ತುಜೆಂ ಹಾಂವ್ ಧಾಂಪ್ತಾಂ, ಮ್ಹಜೆಂ ತುಂ ಧಾಂಪ್.. ದೊಗಾಂಯ್ ಹ್ಯಾಪ್ಪಿಲೀ ಕ್ಲೋಸಿಂಗ್ಲೀ ಲಿವಿಂಗ್ ಫೊರೆವರ್.. 

ಪ್ರೊಫೆಶನಲ್ ಆಕ್ಟರ್ : ಓಕೆ..  ಬಾಯ್.. ಟೇಕ್ ಕೇರ್... ಮ್ಹಜೆ0  ಆನಿ ಏಕ್ ಪಿಕ್ಚರ್ ಯೇ0ವ್ಕ್ ಆಸಾ ತಾಕಾಯೀ ಪಬ್ಲಿಸಿಟಿ ದೀವ್ನ್ ಇಂಟರ್ವ್ಯೂ ಘಾಲು0ಕ್ ಆಸಾ, ವಿಸ್ರಾನಾಕಾ..

ರೋಬರ್ಟ್ - ಕಿತ್ಲೆಂ ಸತ್? ಕಿತ್ಲೆಂ ಫಟ್?

ಹೆಂ ಜಾತಿಚೆಂ ಆಮಾಲ್ - ನಾಂವ್ ಮಾತ್ರ್ ಮೋದಿ ಕಮಾಲ್

ಸಿದ್ದು ಸರ್ಕಾರ್ - ಏಕ್ ಅವಲೋಕನ್

ಟಿಪ್ಪು ಜಯಂತಿ, ಪುರ್ವಿಲೆ ಕ್ರೀಸ್ತಾಂವ್ ಆನಿ ಎಕ್ಲೊ ಸವಾಯ್ ಬುದ್ವಂತ್!

 ಮಂಗ್ಳುರಿ ಕಥೊಲಿಕಾಂಚಾ ಇತಿಹಾಸಾಚೆರ್ ಚರ್ಚಾ ಚಲ್ಲಿ ತರ್, ತಿ ಚರ್ಚಾ ಟಿಪ್ಪು ಸುಲ್ತಾನಾಚೊ ಉಲ್ಲೇಖ್ ಕೆಲ್ಯಾ ಶಿವಾಯ್ ಖಂಡಿತ್ ಮುಕಾರ್ ವಚಾನಾ. ಬಾಪಯ್ ಹೈದರಾಲಿ ಥಾವ್ನ್ ಮೈಸೂರ್ ಪ್ರಾಂತಾಚೊ ಅಧಿಪತಿ ಜಾವ್ನ್ ಅಧಿಕಾರ್ ಜೋಡ್ನ್ ಘೆತ್'ಲ್ಲ್ಯಾ ಟಿಪ್ಪುನ್ 1784 ವ್ಯಾ ವರ್ಸಾ ಮಂಗ್ಳುರ್ ಪ್ರಾಂತಾಚೆರ್ ತವಳ್ ಅಧಿಕಾರ್ ಚಲವ್ನ್ ಆಸ್ಲೆಲ್ಯಾ ಬ್ರಿಟಿಶಾಂಚೆರ್ ಝುಜ್ ಮಾಂಡ್'ಲ್ಲೆಂ, ಆನಿ ಹ್ಯಾ ಝುಜಾಂತ್ ಚಲ್ವೊಣಿ ಲಾಗಿಂ ಯೆತಾ ಮಣ್ ನಖ್ಖಿ ಜಾತೆಚ್ ಟಿಪ್ಪುಲಾಗಿಂ ಸೊಲ್ಲೊ ಕರುಂಕ್ ಮುಕಾರ್ ಚರ್ಲೆಲ್ಯಾ ತವಳ್ಚ್ಯಾ ಬ್ರಿಟಿಶ್ ಕರ್ನಲಾನ್ ಮಂಗ್ಳುರ್ ಪ್ರಾಂತ್ ಟಿಪ್ಪುಚ್ಯಾ ಹಾತಿಂ ಒಪ್ಸುನ್ ದಿಲ್ಲೆಂ. (ದುಸ್ರ್ಯಾ ಆಂಗ್ಲೋ-ಮೈಸೂರ್ ಝುಜಾಚಿ ಮಾಹೆತ್). ಮಂಗ್ಳುರಾಚೆರ್ ಅಧಿಕಾರ್ ಮೆಳ್'ಲ್ಲೊಚ್ ಕ್ರೀಸ್ತಾಂವಾಂಲಾಗಿಂ ಜಲ್ಮಾಂ ಜಲ್ಮಾಂಚೊ ಧ್ವೇಷ್ ಆಸಾಗಾಯ್ ಮ್ಹಣ್ಚೆಪರಿಂ ಟಿಪ್ಪುನ್ ಕ್ರೀಸ್ತಾಂವಾಂಚೆರ್ ಜುಲುಮ್ ಚಲಯ್ಲಿ, ಬಲಾತ್ಕಾರಾನ್ ತಾಂಕಾಂ ಮತಾಂತರ್ (ಒತ್ತಾಯೆನ್ ಸುನ್ನತ್) ಕೆಲೆಂ, ಇಗರ್ಜಾಂಚೆರ್ ಧಾಡ್ ಘಾಲಿ, ಕ್ರೀಸ್ತಾಂವಾಂಚಿಂ ರಗ್ತಾಂ ವಾಳಯ್ಲಿಂ  ಮ್ಹಣ್'ಯೀ ತೊಚ್ ಇತಿಹಾಸ್ ಆಮ್ಕಾಂ ಸಾಂಗ್ತಾ. ಮಾತ್ರ್ ನ್ಹಂಯ್ ತವಳ್ ತವಳ್ ಆಮ್ಚ್ಯಾ ಧಾರ್ಮಿಕ್ ಮುಖೆಲ್ಯಾಂಥಾವ್ನ್, ಆಮ್ಚ್ಯಾ ಮಾಲ್ಘಡ್ಯಾಂ ಥಾವ್ನ್'ಯೀ ಅಸಲಿಚ್ ಮಾಹೆತ್ ಆಮಿ ತೊಂಡ್ಪಾಶಿಂ ಆಯ್ಕಾಲ್ಯಾ.! 

ಪುಣ್ ಟಿಪ್ಪುನ್ ತ್ಯಾ ಪರಿಂ ಕ್ರೀಸ್ತಾಂವಾಂಚೆರ್ ಜುಲುಮ್ ಚಲಯ್ಜೆ ತರ್ ಕಾರಣ್ ಕಿತೆಂ.? ಅಸಲೆಂ ಸವಾಲ್ ಕೊಣೆಂಯೀ ವಿಚಾರ್'ಲ್ಲೆಂ ಭೋವ್ ಉಣೆಂ. ಭಾರತಾಂತ್ ಪೋರ್ಚುಗೀಸಾಂಚೆಂ ಬಳ್ ಉಣೆಂ ಜಾವ್ನ್ ಬ್ರಿಟಿಶಾಂಚೆಂ ಬಳ್ ಚಡೊನ್ ಯೆಂವ್ಚ್ಯಾ ತ್ಯಾ ದಿಸಾನಿಂ, ಟಿಪ್ಪುನ್ ಬ್ರಿಟಿಶಾಂಚೆರ್ ಝುಜ್ ಮಾಂಡ್ಲೆಲೆ ತವಳ್, ಗೊರ್ಯಾಂಥಾವ್ನ್ ಕ್ರೀಸ್ತಾಂವ್'ಪಣ್ ಜೋಡ್ನ್ ಘೆತ್ಲೆಲ್ಯಾ ಆಮ್ಚ್ಯಾ ಮಾಲ್ಘಡ್ಯಾಂ ಮಧ್ಲ್ಯಾ ಥೊಡ್ಯಾ ಮಹಂತನಿ ಕುಟ್ಮಾಂನಿಂ ಆಪ್ಲ್ಯಾ ಸ್ವಾರ್ಥಾಖಾತಿರ್ - ಗೊರ್ಯಾಂಚೆಂ ಆಡಳ್ತೆಂ ಆಸ್ತಾನಾ 'ಕ್ರೀಸ್ತಾಂವ್' ಮ್ಹಳ್ಳ್ಯಾ ಸೊಫ್ಟ್ ಕೊರ್ನರಾಚೆರ್ ಮೆಳ್ತಾತ್ ತ್ಯೊ ಸವ್ಲತ್ಯೊ ದೇಶಿ ರಾಯಾಚ್ಯಾ ಆಡಳ್ತ್ಯಾಂತ್ ಲಾಭ್ಚ್ಯೊನಾಂತ್,  ಮಾಗಿರ್ ಆಪ್ಣೆಂಯೀ ಹೆರಾಂಬರಿ ಕಾಮ್ ಕರ್ನ್ ದೀಸ್ ಕಾಡಿಜೆ ಪಡ್ತಿತ್ ಮ್ಹಳ್ಳ್ಯಾ ಭಿರಾಂತೆನ್ - ಟಿಪ್ಪು ವಿರೋಧ್, ಬ್ರಿಟಿಶಾಂಕ್ ಗುಪ್ತಿಂ ಕುಮಕ್ ಕರ್ಚೊ ನಿರ್ಣಯ್ ಘೆತ್ಲೊ. ಮಾತ್ರ್ ನ್ಹಂಯ್, ಹೆರ್ ಸಾದ್ಯಾ ಕ್ರೀಸ್ತಾಂವಾಂಕೀ ತಶೆಂ ಕರುಂಕ್ ಉಲೊ ದಿಲೊ. ಪರತ್ 'ಆಮಿ ಕ್ರೀಸ್ತಾಂವ್' ಮ್ಹಳ್ಳ್ಯಾ ತ್ಯಾಚ್ ಸೊಫ್ಟ್ ಕೊರ್ನರಾನ್'ಗೀ ಯಾ ಮಹಂತನಿ ಕ್ರೀಸ್ತಾಂವಾಚ್ಯಾ ಆದೇಶಾ ವಿರೋಧ್ ವೆಚೆಂ ಧಯ್ರ್ ನಾಸ್ತಾನಾಂಗೀ, ಸಾದ್ಯಾ ಕ್ರೀಸ್ತಾವಾಂನಿಯೀ ತಶೆಂಚ್ ಕೆಲೆಂ. ಥೊಡ್ಯಾ ಧಾರ್ಮಿಕ್ ಮುಖೆಲ್ಯಾಂಚಿ ಕುಮಕ್'ಯೀ ತಾಂಕಾಂ ಆಸ್ಲಿ! ಪುಣ್ ಟಿಪ್ಪು ಬ್ರಿಟಿಶಾಂಚೆರ್ ಬಳ್ ಜಾಯ್ತ್, ಆನಿ ಮಂಗ್ಳುರಾಚೆಂ ಸುಂಕಾಣ್ ತಾಚ್ಯಾ ಹಾತಿಂ ಯೇತ್ ಆನಿ ಆಪ್ಣೆಂ ಕೆಲ್ಲೆಂ ಆಪ್ಣಾಚೆರ್ ಭಾರಿಕ್ ಪಡಾತ್ ಮ್ಹಣೊನ್ ಆಮ್ಚ್ಯಾ ಪುರ್ವಾಜಾನಿಂ ಸ್ವಪ್ಣಾಂತೀ ಚಿಂತುಂಕ್ ನಾತ್ಲೆಂ! ಪುಣ್ ತಶೆಂಚ್ ಘಡ್ಲೆಂ. ಆನಿ ಟಿಪ್ಪುನ್ ಅಧಿಕಾರ್ ಘೆತ್'ಲ್ಲೊಚ್ ತವಳ್ಚ್ಯಾ ರಾಯಾನಿಂ ಪಾಳ್ನ್ ಆಸ್'ಲ್ಲ್ಯಾ ರಾಜ್'ದ್ರೋಹಿ ವಿರೋಧಿ ಕಾಯ್ದ್ಯಾ ಪ್ರಕಾರ್ ಬದ್ಲಾಮ್ ಘೆತ್ಲೊ.! 

ಇತಿಹಾಸಾಂತ್ ದಾಖಲ್ ಜಾಲಾಂ ಮ್ಹಳ್ಳ್ಯಾಕ್ಷಣಾ ಖಂಚಿಯೀ ಏಕ್ ಗಜಾಲ್ 100% ಸತ್ ಜಾಯ್ನಾ, ಯಾ ಇತಿಹಾಸಾಂತ್ ಉಲ್ಲೇಖ್ ನಾ ಮ್ಹಳ್ಳ್ಯಾಫರಾ ಏಕ್ ಗಜಾಲ್ 100% ಫಟ್'ಯೀ ಜಾಯ್ನಾ.! ಕ್ರೀಸ್ತಾಂವಾನಿಂ ಟಿಪ್ಪು ವಿರೋಧ್ ಕೆಲ್ಲೊ ರಾಜದ್ರೋಹ್ ಆನಿ  ಟಿಪ್ಪುನ್ ಕ್ರೀಸ್ತಾಂವಾಂಚೆರ್ ಚಲಯಿಲ್ಲ್ಯಾ ಜುಲುಮ್ ಹ್ಯಾ ದೊನೀಂ ಸಂಗ್ತಿಂಕೀ ಹೆಂ ಸತ್ ಲಾಗು ಜಾತಾ. ಆಶೆಂ ಆಸ್ತಾಂ ಟಿಪ್ಪುನ್ ಕ್ರೀಸ್ತಾಂವಾಂಚೆರ್ ಕೆಲ್ಲ್ಯಾ ಜುಲುಮಾಚೊ ಉಗ್ಡಾಸ್ ಕ್ರೀಸ್ತಾಂವ್ ಸವ್ಕಾಸ್ ವಿಸ್ರೊನ್ ಆಸ್'ಲ್ಲೆ, ಆನಿ ಎಕಾ ಮುಸ್ಲಿಂ ರಾಯಾ ವಿರೋಧ್ ಕ್ರೀಸ್ತಾವಾಂನಿ ಕೆಲ್ಲ್ಯಾ ರಾಜದ್ರೋಹಾಚೊ ಉಗ್ಡಾಸ್ ಮುಸ್ಲಿಂ ಭಾವ್'ಯೀ ವಿಸ್ರೊನ್ ಆಸ್'ಲ್ಲೆ! ಹ್ಯಾ ಮದ್ಘಾತ್ 2015 ವ್ಯಾ ವರ್ಸಾ ಸಿಧ್ಧರಾಮಯ್ಯಚ್ಯಾ ಮುಖೆಲ್ಪಣಾರ್ ಕಾಂಗ್ರೆಸ್ ಸರ್ಕಾರಾನ್ ಹರ್ಯೇಕಾ ವರ್ಸಾ ನವೆಂಬ್ರಾಚ್ಯಾ 10 ತಾರಿಕೆರ್ ಟಿಪ್ಪು ಜಯಂತಿ ಸಂಭ್ರಮ್ಚೊ ನಿರ್ಧಾರ್ ಘೆತ್ಲೊ. ಬ್ರಿಟಿಶಾಂ ವಿರೋಧ್ ಝುಜ್ಲೆಲ್ಯಾ ಭಾರತಾಚ್ಯಾ ರಾಯಾಂಪಯ್ಕಿಂ ಟಿಪ್ಪು ಪ್ರಮುಖ್, ದಲಿತ್ ಬಾಯ್ಲಾನಿಂ ಆಪ್ಲಿಂ ಥನಾಂ ಧಾಂಪುಂಕ್ ನಜೊ, ಆನಿ ಜರ್ ಧಾಂಪ್ಲಿಂ ತರ್ ಥನಾಂಚ್ಯಾ ಗಾತ್ರಾಚೆರ್ ಹೊಂದ್ವೊನ್ ತಾಣಿಂ ದಂಡ್ ಪಾವಿತ್ ಕರಿಜೆ ಮ್ಹಳ್ಳೆತಸಲ್ಯಾ ಬ್ರಾಹ್ಮಣ್'ಶಾಹೀ ಆಮಾನವೀಯ್ ಕಾನೂನಾವಿರೋಧ್ ವಚೊನ್ ದಲಿತಾಂಕ್ ಹೆರ್ ಮನ್ಶಾಂಪರಿಂಚ್ ಜೆಯೆಂವ್ಚೆಂ ಹಕ್ಕ್ ಲಾಭಯಿಲ್ಲೊ ರಾಯ್, ಅಸಲಿಂಚ್ ಹೆರ್ ಸಬಾರ್ ಸಾಮಾಜಿಕ್ ಬದ್ಲಾವಣಾಂ ಹಾಡುಂಕ್ ಆನಿ ಆಧುನಿಕ್ ತಂತ್ರಗ್ಯಾನ್ ಭಾರಾತಾಕ್ ಹಾಡುಂಕ್ ವಾವುರ್'ಲ್ಲೊ ರಾಯ್ ದೆಕುನ್ ತಾಕಾ ಮಾನ್ ಕರ್ಚ್ಯಾಕ್  ವರ್ಸಾವಾರ್ ತಾಚೊ ಉಗ್ಡಾಸ್ ಕಾಡ್ನ್ ತಾಚೊ ಜಲ್ಮಾ ದೀಸ್ ಆಚರ್ಸುಂಚೊ ನಿರ್ಧಾರ್ ಆಪ್ಣೆಂ ಕೆಲಾ ಮ್ಹಣ್ ಕಾಂಗ್ರೆಸ್ ಸರ್ಕಾರಾನ್ ಕಳಯಿಲ್ಲೆಂಚ್, ಮುಕ್ಲ್ಯಾ ಚುನಾವಾಂತ್ ಕಶೆಂ ಪುಣೀ ಜಿಕೊನ್ ಕರ್ಣಾಟಕಚೆಂ ಆಡಳ್ತೆಂ ಆಪ್ಣಾಯ್ಜೆ ಮ್ಹಣ್ ಸ್ವಪ್ಣೆವ್ನ್ ಆಸ್'ಲ್ಲೆ ಬಿ.ಜೆ.ಪಿ ಮುಖೆಲಿ ಜಾಗೆ ಜಾಲೆ ಆನಿ ಅಲ್ಪಸಂಖ್ಯಾತ್ ಮುಸ್ಲಿಂ ಲೊಕಾಚಿಂ ಮನಾಂ ಜಿಕ್ಚೆ ಖಾತಿರ್ ಹೆಂ ಪೂರಾ ಕರ್ನ್ ಆಸಾ ಮ್ಹಣ್ ಮುರಿಯೊ ದೀಂವ್ಕ್ ಲಾಗ್ಲೆ. ಮಾತ್ರ್ ನ್ಹಂಯ್ ಆಪ್ಣೆಂ ಸ್ಪೊನ್ಸರ್ ಕರ್ಚ್ಯಾ ಚಡ್ಡಿ ಸೈನಾಚ್ಯಾ ಬೇಕಾರ್ ಭೊಂವ್ಚ್ಯಾ ಶಿಪಾಯಾಂಕ್ ಘೊಟುಂಕ್ ಇಲ್ಲೊ ಸೊರೊ ಆನಿ ಗಿಳುಂಕ್ ಚಾರ್ ಫೊಡಿ ಮಾಸ್ ದೀವ್ನ್ ಸರ್ಕಾರಾ ವಿರೋಧ್ ದಂಗೆ ಕರುಂಕ್ ಲಾಯ್ಲೆಂ. 

ಹಾಕಾ ಲಾಗೊನ್ ಪಾಟ್ಲ್ಯಾ ದೋನ್ ವರ್ಸಾಂನಿಂ ಕೊಂಕಣಾಂತ್ ಕಿತೆಂ ಸಕ್ಕಡ್ ಘಡ್ಲಾಂ, ಕಿತ್ಲೆಂ ರಗತ್ ವಾಳ್ಳಾಂ ಆನಿ ಕಿತ್ಲೆ  ತೆಂ ಸಕ್ಡಾಂಕ್ ಕಳಿತ್ ಆಸಾ. ಫುಡ್ಲ್ಯಾ ವರ್ಸಾ ಚುನಾವ್ ಆಸಾ, ಆನಿ ತೊ ಚುನಾವ್ ಹ್ಯಾಚ್ ಘಡಿಯೆ ಘಡ್ಲೊ ತರ್, ಕಾಂಗ್ರೆಸ್ ಸ್ಪಷ್ಟ್ ಬಹುಮತಾನ್ ಜಿಕೊನ್ ಪರತ್ ಅಧಿಕಾರಾಕ್ ಯೆಂವ್ಚಿ ಸಾಧ್ಯತಾ ಚಡ್ ಆಸಾ ಮ್ಹಣ್ ಬಿ.ಜೆ.ಪಿ.ಕ್ ಕಳಿತ್ ಜಾಲಾಂ ಆಸ್ತಾಂ, ಟಿಪ್ಪು ಜಯಂತಿಯೊ  ವಿಷಯ್ ಘೆವ್ನ್ ಕಾಂಗ್ರೆಸ್ ಸರ್ಕಾರಾಕ್ ಅಲ್ಪ್'ಸಂಖ್ಯಾತಾಂಕ್ ಪುಸ್ಲಾಂವ್ಕ್ ಪಳೆತಾ ಮ್ಹಣ್ ಅಪಪ್ರಚಾರ್ ಕೆಲ್ಲ್ಯಾಂತ್ ಆಮ್ಕಾಂ ಚಡ್ ಫಾಯ್ದೊ ನಾಂ ಮ್ಹಳ್ಳೆಂಯೀ ತಾಂಕಾಂ ಸ್ಪಷ್ಟ್ ಜಾಲಾಂ ದೆಕುನ್ ಕಾಂಗ್ರೆಸಾಚ್ಯಾ ವಿರೋಧ್ ವಾಪಾರುಂಕ್ ತಾಣಿಂ ಏಕ್ ನವೆಂ ಹಾತೆರ್ ವಾಪಾರುಂಕ್ ಸುರು ಕೆಲಾಂ - ಕಾಂಗ್ರೆಸಾಕ್ ಕ್ರೀಸ್ತಾಂವಾಚೊ ಹುಸ್ಕೊ ಭಿಲ್ಕುಲ್ ನಾಂ ದೆಕುನ್, ಹಜಾರೊಂ ಕ್ರೀಸ್ತಾಂವಾಂಚೊ ಸಂಹಾರ್ ಕೆಲ್ಲ್ಯಾ ಟಿಪ್ಪುಕ್ ಹೀರೋ ಕರ್ನ್ ತಾಂಚ್ಯಾ ಧಾರ್ಮಿಕ್ ಭಾವನಾಂಕ್ ದುಖಯ್ಲಾಂ - ಮ್ಹಳ್ಳೊ ಅಪಪ್ರಚಾರ್.! ಕ್ರೀಸ್ತಾಂವಾಚ್ಯಾ ತೆಂಪ್ಲಾಂಕ್ ಫಾತರ್ ಉಡಯ್ತಾನಾ ಕ್ರೀಸ್ತಾಂವಾಂಚೆರ್ ತಾಂಕಾಂ ನಾತ್ಲೆಲಿ ಭಿರ್ಮತ್ ಆತಾಂ ಟಿಪ್ಪು ಜಯಂತಿ ಆಚರಣ್ ಕರ್ತಾನಾ ಎಕಾಚ್ಛಾಣೆ ಜೀವ್ ಜಾಲ್ಯಾ.. ಹೆಂ ಇತ್ಲೆಂ ಪಾವಾನಾತ್'ಲ್ಲ್ಯಾಕ್ ಆಮ್ಚೆ ಮಧ್ಲೊ ಎಕ್ಲೊ ಆಪ್ಣಾಕ್'ಚ್ ಬರಯ್ಣಾರ್, ಸಂಪಾದಕ್, ಪ್ರಕಾಶಕ್, ಇತಿಹಾಸ್'ಕಾರ್ ಮ್ಹಣ್ ಆಪವ್ನ್ ಘೆಂವ್ಚೊ ಸವಾಯ್ ಬುದ್ವಂತ್, ಕ್ರೀಸ್ತಾಂವಾಂಕ್ ಕಾಂಗ್ರೆಸಾಚ್ಯಾ ವಿರೋಧ್ ಸಾಳ್ವಂವ್ಚೆಂ ಹರ್ ಪ್ರೇತನ್ ಕರಿತ್ ಆಸಾ, ಫೇಸ್ಬುಕಾಚೆರ್ ಲಾಂಬ್ ಲಾಂಬ್ (ತೆಂಯೀ ಕನ್ನಡ ಭಾಶೆಂತ್) ಬರವ್ನ್.! ಹ್ಯಾ ಸವಾಯ್ ಬುದ್ವಂತಾಕ್ ಬಿ.ಜೆ.ಪಿ. ಚೆರ್ ಮೋಗ್ ಯಾ ಕಾಂಗ್ರೆಸಾಚೆರ್ ಕಾಂಟಾಳೊ ಮ್ಹಣ್ಚ್ಯಾಕೀ,  ಸ್ವಪ್ರಚಾರ್ ಜೋಡ್ನ್ ಘೆಂವ್ಚಿ ಪಿಸಾಯ್ ಚಡ್ ಮ್ಹಳ್ಳೆಂ ಸಕ್ಡಾಂಕ್ ಕಳಿತ್ ಆಸ್ಲೆಂ ದೆಕುನ್ ತ್ಯಾ ಸವಾಯ್ ಬುದ್ವಂತಾಕ್ ಪ್ರತಿಕ್ರಿಯಾ ದೀಂವ್ಕ್ ಯಾ ತಾಂಚೊ ವಿರೋಧ್ ಕರುಂಕ್ ಕೊಣೀ ವಚೊಂಕ್ ನಾ, ಆನಿ ಹೊ ಸವಾಯ್ ಬುದ್ವಂತ್ 'ಕೊಂಕ್ಣೆಂತ್ ಹೊಗ್ಡಾಯಿಲ್ಲೊ ಮಾನ್ ಕನ್ನಡಾಂತ್ ಮೆಳಾತ್'ಗಾಯ್?' ಮ್ಹಳ್ಳ್ಯಾ ಅಬ್ಲೆಸಾನ್ ದೀಸ್ ಗೆಲ್ಲೆಬರಿಂ ಬರ್ಪಾಂಯೀ ಲಾಂಬ್ ಲಾಂಬ್ ಕರಿತ್ ಘೆಲೊ. ತಾಚೆಂ ಬರಪ್ ವಾಚ್ಲೆಲ್ಯಾ ಎಕಾ ದೊಗಾನಿಂ ಮ್ಹಜೆಲಾಗಿಂ 'ನೀವು ಎಂತದು ಮಾರ್ರೇ, ಟಿಪ್ಪು ಜಯಂತಿಯನ್ನು ಸಮರ್ಥಿಸುತ್ತಿದ್ದೀರಿ?  ನಿಮ್ಮವರೇ ಆದ _______ರವರು ಬರೆದುದನ್ನು ಓದಿ, ಟಿಪ್ಪು ಕ್ರಿಶ್ಚಿಯನ್ನರಿಗೆ ಮಾಡಿದ ಅನ್ಯಾಯಗಳನ್ನು ಬಿಡಿಸಿ ಬರೆದಿದ್ದಾರೆ" ಅಶೆಂ ಸವಾಲ್ ಘಾಲೆಂ ದೆಕುನ್, ಹೆಂ ಬರಯ್ಜೆ ಪಡ್ಲೆಂ.!

ಸಾಯ್ಬಾ, ಸಂಪಾದಕ್/ಬರವ್ಪಿ/ಪ್ರಕಾಶಕ್/ಇತಿಹಾಸ್'ಕಾರಾ ತುಜೆತಸ್ಲ್ಯಾ ಚೊರೆಪಟ್ ಮನ್ಶಾಕ್ ಕಿತೆಂ ದಾಖಯ್ಲ್ಯಾರೀ, ಸಮ್ಜಯ್ಲ್ಯಾರಿ ಸಮ್ಜೊಂಚೆಂ ನಾ ದೆಕುನ್ "ಕ್ರೀಸ್ತಾವಾನಿಂ ಟಿಪ್ಪು ವಿರೋಧ್ ಕಸಲೊಚ್ ರಾಜದ್ರೋಹ್ ಕರುಂಕ್ ನಾ ಬದ್ಲಾಕ್ ಟಿಪ್ಪು ಧರ್ಮಾಂದ್ಳೊ ದೆಕುನ್ ಕಿತೆಂಚ್ ಕಾರಣ್ ನಾಸ್ತಾಂ ತಾಣೆಂ ಕ್ರೀಸ್ತಾಂವಾಚೊ ಸಂಹಾರ್ ಕೆಲೊ ಮ್ಹಳ್ಳೊ ವಿಷಯ್ ಸ್ಪಷ್ಟ್ ಕಳಿತ್ ಆಸೊನೀ ಕಾಂಗ್ರೆಸ್ ಸರ್ಕಾರ್ ಟಿಪ್ಪು ಜಯಂತಿ ಆಚರ್ಸಿತಾ" ಮ್ಹಳ್ಳೆಂ ತುಜೆಂ ಉಳ್ಟೆಂ ರಾಜಾಂವ್ ತತ್ಕಾಲಾಕ್ ಮಾನುನ್ ಘೆವ್ನ್‍ಂಚ್ ತುಕಾ ಥೊಡಿಂ ಸವಾಲಾಂ ವಿಚಾರ್ತಾಂ

1. ತುಕಾ ಆನಿ ತುವೆಂ ಸಮರ್ಥನ್ ಕರ್ಚಾ ಬಿ.ಜೆ.ಪಿ ಕ್ ಕ್ರೀಸ್ತಾಂವಾಂಚೆರ್ ಆನಿ ತಾಂಚ್ಯಾ ದೇವ್ ತೆಂಪ್ಲಾಂಚೆರ್ ಎದೊಳ್ ನಾತ್'ಲ್ಲೊ ಹುಸ್ಕೊ ಆತಾಂ ಚುನಾವ್ ಲಾಗಿಂ ಯೆತಾಂ ಯೆತಾಂ ಕಿತೆಂ ಅಚಾನಕ್ ಉದೆಲೊ.? ತೆಂಪ್ಲಾಂಚೆರ್ ಆಕ್ರಮಣ್ ಚಲ್ತಾನಾ ಬಿ.ಜೆ.ಪಿ ಮುಖೆಲಿ ತರೀ ರೆಸಾರ್ಟಾಂತ್ ಅಸ್ಲೆ, ತುಂ ಖಂಚ್ಯಾ ಬಿಳಾಂತ್ ಲಿಪೊನ್ ಬಸ್'ಲ್ಲೊಯ್.?

2. ತುಜ್ಯಾ ಲೆಕಾರ್ ಬಿ.ಜೆ.ಪಿ ಚ್ಯಾ ಧೋರಣಾಂಕ್ ವಿರೋಧ್ ಕೆಲ್ಲೊ ಕಾಂಗ್ರೆಸಾಚೊ ಸಮರ್ಥಕ್/ಏಜೆಂಟ್/ಎಡಬಿಡಂಗಿ ಜಾತಾ, ಜಾಂವ್.! ಪ್ರಸ್ತುತ್ ಪರಿಸ್ಥಿತೆಂತ್ ಕ್ರೀಸ್ತಾಂವಾಂಕ್ ಖಂಚೆಂ ಚಡ್ ಬರೆಂ.? ಅಧಿಕಾರಾಕ್ ಆಯ್ಲ್ಯಾರ್, ಚಡ್ ಕಾಂಯ್ ಕರ್ನಾ ತರೀ ಕ್ರೀಸ್ತಾವಾಂಕ್ ಉಪಾದ್ರ್ ದೀನಾಸ್ತಾಂ ಸುಶೆಗಾನ್ ದೀಸ್ ಕಾಡುಂಕ್ ಸೊಡ್ಚ್ಯಾ ಕಾಂಗ್ರೆಸ್ ಪಾಡ್ತಿಕ್ ಪಾಟಿಂಬೊ ದಿಂವ್ಚೆಂ ಯಾ, ಸುಮಾರ್ ಅಡೆಯ್ಶಿಂ ವರ್ಸಾಂ ಆದಿಂ ಟಿಪ್ಪುನ್ ಕ್ರೀಸ್ತಾಂವಾಚೆರ್ ಹಲ್ಲೊ ಕೆಲ್ಲೊ ಮ್ಹಳ್ಳ್ಯಾ ಎಕಾಚ್ ಕಾರಣಾಕ್ ಲಾಗೊನ್, ಕಾಂಗ್ರೆಸ್ ಸರ್ಕಾರಾಚೊ ವಿರೋಧ್ ಕರ್ನ್, ಇಗರ್ಜಾಂಚೆರ್ ಫಾತರ್ ಮಾರುಂಕ್ ಮ್ಹಣ್'ಂಚ್ ಧರ್ಮಾಂದ್ಳ್ಯಾಂಕ್ ಪೊಸುನ್ ಬಿ.ಜೆ.ಪಿ.ಚ್ಯಾ ಹಾತಾಂತ್ ಅಧಿಕಾರ್ ದಿಂವ್ಚೊ.?

3. 2008 ಮೇಯಾಂತ್ ಬಿ.ಜೆ.ಪಿ ಸರ್ಕಾರ್ ಅಧಿಕಾರಾಕ್ ಆಯಿಲ್ಲೊ ಆನಿ ಮೆಜುನ್ ಪಾಂಚ್ ಮಹಿನ್ಯಾಂ ಭಿತರ್ ಇಗರ್ಜಾಂಚೆರ್ ಹಲ್ಲೊ ಜಾಲ್ಲೊ. ತವಳ್ ಕೇಂದ್ರಾಂತ್ ಯು.ಪಿ.ಎ ಸರ್ಕಾರ್ ಆಸ್ಲೊ ಆನಿ ಕರ್ನಾಟಕಾಂತ್ ಬಿ.ಜೆ.ಪಿ ಸರ್ಕಾರ್ ನವ್ಯಾನ್ ವಿಂಚುನ್ ಆಯಿಲ್ಲೊ ಮಾತ್ರ್.! ತಶೆಂ ಆಸೊನೀ ಧರ್ಮಾಂದ್ಳ್ಯಾಂಕ್ ತಿತ್ಲೆಂ ಧಯ್ರ್! ತರ್, ಆತಾಂ ಕೇಂದ್ರಾಂತ್ ಆಸಾ ಬಿ.ಜೆ.ಪಿ ಚೊ ಸಂಪೂರ್ಣ್ ಬಹುಮತಾಚೊ ಆನಿ ಸರ್ವಾಧಿಕಾರಿ ಧೋರಣಾಂಚೊ ಸರ್ಕಾರ್, ತ್ಯಾ  ವಯ್ರ್ ರಾಜ್ಯಾಂತ್'ಯೀ ಬಿ.ಜೆ.ಪಿ ಸರ್ಕಾರ್ ಪುಣೀ ಯೇತ್ ತರ್ ಕ್ರೀಸ್ತಾಂವಾಂ ವಿರೋಧ್ ಕಿತೆಂ ಪೂರಾ ಘಡೊಂಕ್ ಸಕಾತ್ ಮ್ಹಳ್ಳ್ಯಾಚೊ ಕನಿಷ್ಟ್ ಅಂದಾಜ್ ತರೀ ತುಕಾ ಆಸಾ.?

4. ಜರ್ ಕರ್ನಾಟಕಾಂತ್ ಫುಡ್ಲೊ ಸರ್ಕಾರ್ ಬಿ.ಜೆ.ಪಿ. ಚೊ ಜಾಲೊ ಆನಿ ಕ್ರೀಸ್ತಾಂವಾಂಚೆರ್ ಹಲ್ಲೊ ಆನಿ ಇಗರ್ಜೆಂಚೆರ್ ಆಕ್ರಮಣ್ ಪರತ್ ಜಾಲೆಂ ಆನಿ ತವಳ್ ಆದ್ಲೆಪಾವ್ಟಿಂ ಪೊಲೀಸ್ ಇನ್ಸ್ಪೆಕ್ಟರ್ ಗಣಪತಿ ಆಸ್ಲೆಪರಿಂ ಹ್ಯಾ ಪಾವ್ಟಿಂ ಆನಿ ಕೋಣ್ ಎಕ್ಲೊ ಆಂಗಾರ್ ಖಾಕಿ ಆನಿ ಮೆಂದ್ವಾಂತ್ ಖಾಕಿ ಚಡ್ಡೆಚಿಂ ಧೋರಣಾಂ ಆಸ್ಲಲೊ ಪೊಲೀಸ್ ಇನ್ಸ್ಪೆಕ್ಟರ್ ಮತಾಂಧ್ಳ್ಯಾ ಗೂಂಡಾಂ ಸಾಂಗಾತಾ ಮೆಳೊನ್ ಸ್ತ್ರೀಯೊ, ಭುರ್ಗಿಂ, ಧರ್ಮ್ ಭಯ್ಣಿಂ ಮ್ಹಣ್'ಯೀ ಲೆಕಿನಾಸ್ತಾಂ ಲಾಠಿಚಾರ್ಜ್ ಕರಿತ್ ತರ್ ತಾಣಿಂ ಕೊಣಾಚಿ ಮಜತ್ ಮಾಗ್ಚಿ.? ತುವೆಂ ಧುಂಪಂವ್ಚ್ಯಾ ಬಿ.ಜೆ.ಪಿ ಮುಖೆಲ್ಯಾಂಲಾಗಿಂ ವಾ ಕ್ರೀಸ್ತಾಂವಾಂಚೆರ್ ಹಮ್ಲೊ ಜಾತಾನಾ ಬಿಳಾಂತ್ ಲಿಪೊನ್ ಬಸೊನ್ ಪೂರಾ ಮುಗ್ಧಾಲ್ಯಾ ಉಪ್ರಾಂತ್ ಲಾಂಬ್ ಲಾಂಬ್ ವರ್ದಿ ಬರವ್ನ್ ಮುರಿಯೊ ದಿಂವ್ಚ್ಯಾ ತುಜೆಲಾಗಿಂ.?

5. ಬಿ.ಜೆ.ಪಿ.ಚಿಂ ಧರ್ಮಾದ್ಳಿಂ ಧೋರಣಾಂ ವಿರೋಧ್ ಕರ್ತೆಂಲ್ಯಾಂಕ್ 'ಷಂಡ ಪರಿವಾರ' ಮ್ಹಣ್ತಾಯ್ ತುಂ, ಬರೆಂ! ಆದ್ಲೆಪಾವ್ಟಿಂ ಜಾಲ್ಲ್ಯಾ ಚರ್ಚ್ ಅಟ್ಯಾಕಾಂತ್ ಬಿ.ಜೆ.ಚೊ ಶೀದಾ ಯಾ ಘುಟಾನ್ ಇಲ್ಲೊಸೊಯೀ ಪಾತ್ರ್ ನಾ ಮ್ಹಣ್ ತ್ಯಾಚ್ ಫೇಸ್ಬುಕಾರ್ ಧಯ್ರಾನ್ ಆನಿ ಉಗ್ತ್ಯಾನ್ ಸಾಂಗ್ಶಿ ಗೀ.? ಜರ್ ತುಜ್ಯಾನ್ ಹೆಂ ಸಾಧ್ ನಾ ತರ್ ಬಿ.ಜೆ.ಪಿ ಯಾ ತಾಚ್ಯಾ ಅಂಗ್ ಸಂಸ್ಥ್ಯಾಂ ವಿಶಿಂ 'ಷಂಡ' ಮ್ಹಳ್ಳೊ ಸಬ್ದ್ ವಾಪಾರ್ನ್ (ಸ್ತ್ರೀಯಾಂಚೆರ್ ಹಲ್ಲೊ ಕೆಲ್ಲ್ಯಾಂಕ್ ಹೊ ಸಬ್ದ್'ಯೀ ಉಣೊಂಚ್) ಕೇವಲ್ ಏಕ್ ವಾಕ್ಯ್ ಬರವ್ನ್ 'ತುಂ ಖುದ್ ಷಂಡ ನ್ಹಂಯ್' ಮ್ಹಣ್ ರುಜು ಕರ್ಶಿ ಗೀ.? ಜರ್ ತೆಂಯೀ ತುಜ್ಯಾನ್ ಜಾಲೆಂನಾ ತರ್ ತುಜ್ಯಾ Under Construction ವೆಬ್'ಸಾಯ್ಟಿಂತ್ ದಿಸ್ಪೊಡ್ತೆಂ ಮುರಿಯೊ ದಿಂವ್ಚೆಂ ಪುಣೀ ರಾವಯ್ಶಿಗೀ..?

 ಮಾಕಾ ತರೀ, ಹಾವೆಂ ಪಳೆವ್ನ್ ಸಯ್ತ್ ನೆಣಾಸ್ಚಿಂ ಮ್ಹಜಿಂ ಪೊಣ್ಜೊ-ಪೊಣ್ಜಿ ಕಶಿಂ ಜಿಯೆಲ್ಲಿಂ, ಕಿತೆಂ ಕರ್ತಾಲಿಂ ಆನಿ ಕಶಿಂ ಮೆಲ್ಲಿಂ ಮಣ್ಯಾಕೀ ಚಡ್ ಮ್ಹಜಿಂ ಯೆಂವ್ಕ್ ಆಸ್ಚಿಂ ಭುರ್ಗಿಂ ಆನಿ ನಾತ್ರಾಂ ಕಶಿಂ ಜಿಯೆತೆಲಿಂ, ಕಿತೆಂ ಕರ್ತಲಿಂ ಮ್ಹಳ್ಳೆಂ ಚಡ್ ಗರ್ಜೆಚೆಂ. ಪುರ್ವಿಲ್ಯಾ  ಕ್ರೀಸ್ತಾಂವಾಂಕ್ ಧಣ್ಶಿಲ್ಲ್ಯಾ ಟಿಪ್ಪುಕ್ ಮಾನ್ ಕೆಲ್ಲೆ ವರ್ವಿಂ ಆಯ್ಚ್ಯಾ ಕ್ರೀಸ್ತಾಂವಾಂಚೆಂ ಬರೆಂ ಚಿಂತ್ಚ್ಯಾ ಪಾಡ್ತಿಕ್ ದೋನ್ ವೋಟ್ ಚಡ್ ಪಡೊನ್ ಕೋಮುವಾದಿ ಆನಿ ಮನ್ಶಾಜೀವಾ ವಿರೋಧಿ ಪಾಡ್ತ್ ಅಧಿಕಾರಾ ಥಾವ್ನ್ ಪಯ್ಸ್ ಉರ್ತಾ ತರ್ ಸದಾಂನೀತ್ ಟಿಪ್ಪು ಜಯಂತಿ ಸಂಭ್ರಮುಂಕೀ ಹಾಂವ್ ತಯಾರ್! ತುಮಿಂಯೀ ಸಯ್ ಮ್ಹಣ್ತಾತ್ ತರ್  ಮಹಾನ್ ಬರಯ್ಣಾರ್/ಸಂಪಾದಕ್/ಪ್ರಕಾಶಕ್/ಇತಿಹಾಸ್ ತಜ್ಞ್ Etc Etc ಜಾವ್ನಾಸ್ಚ್ಯಾ ಹ್ಯಾ ಮನ್ಶಾಚ್ಯಾ ಮತಿಕ್ ಬರಿ ಭಲಾಯ್ಕಿ ಲಾಭೊಂ ಮ್ಹಣ್ ಮಾಗಾ...  

Get Well Soon ಬುಡ್ಕುಲೊ ಬಾಬಾ! 

ಹಾವೆಂ ಎಕ್ಲ್ಯಾನ್ ಕಿತ್ಯಾಕ್ ಉಲಯ್ಜೆ...?

ಪಾಟ್ಲ್ಯಾ ದಿಸಾನಿಂ ಆಮ್ಚ್ಯಾ ರಾಜ್ಯಾಂತ್ ಘಡ್‍ಲ್ಲ್ಯಾ ಭೋವ್ ಚರ್ಚಿತ್ ಘಡಿತಾಂಪಯ್ಕಿಂ ಪ್ರಮುಖ್ ಜಾವ್ನಾಸಾ ಡಿ.ವೈ.ಎಸ್ಪಿ ಎಂ.ಕೆ ಗಣಪತಿ ಹಾಚೆಂ ಆತ್ಮಹತ್ಯಾ ಪ್ರಕರಣ್. ಹ್ಯಾ ಗಣಪತಿಕ್ ಆನಿ ಮಂಗ್ಳುರಿ ಕ್ರೀಸ್ತಾಂವ್ ಸಮುದಾಯಕ್ ಲಾಗ್ಶಿಲೊ ಬಾಂಧ್ ಆಸಾ. 2008 ವರ್ಸಾ ರಾಜ್ಯಾಂತ್ ಬಿ.ಜೆ.ಪಿ ಚೊ ಸರ್ಕಾರ್ ಆಸ್ತಾನಾ ಆಮ್ಚ್ಯಾ ಸಮುದಾಯಾಚೆರ್ ಜಾಲ್ಲೊ ಜುಲುಮ್ ಕೊಣೆಂಯೀ ಸುಲಭಾಯೆನ್ ವಿಸರ್ಚೆ ತಸ್ಲೊ ನ್ಹಂಯ್. ಜಾಯ್ತೆಕಡೆನ್ ಅಸಲೊ ಜುಲುಮ್ ಬಿ.ಜೆ.ಪಿ ಕೃಪಾಪೋಷಿತ್ ಬಜರಂಗ ದಳ್ ಆನಿ ಇತರ್ ಸಂಘಟನಾನಿಂ ಕೆಲ್ಲೊ ತರ್ ಥೊಡೆಕಡೆ, ಬಿ.ಜೆ.ಪಿ ಸರ್ಕಾರಾನ್ ಆಪ್ಣಾಚ್ಯಾ ಹುಕ್ಮೆಖಾಲ್ ಕಾಮ್ ಕರ್ಚಾ ಪೊಲಿಸ್ ವ್ಯವಸ್ಥೆಕ್ ಹಾತೆರ್ ಜಾವ್ನ್ ವಾಪಾರ್‍ಲ್ಲೆಂಯೀ ಆಸಾ. ಸರ್ಕಾರಾಚ್ಯಾ ಹ್ಯಾ ಬುರ್ಶ್ಯಾ ಖೆಳಾಂತ್ ಶೀದಾ ಭಾಗಿದಾರ್ ಜಾಲ್ಲಿ ಅಪಕೀರ್ತ್ ಹ್ಯಾ ಗಣಪತಿವಯ್ರ್ ಆಸ್ಲಿ. ಕೋರ್ಡೆಲ್ ಇಗರ್ಜೆಭಿತರ್ ಮಾಗ್ಣೆ ಚಲೊನ್ ಆಸ್ತಾನಾಂಚ್ ಥಂಯ್ಸರ್ ಧಾಡ್ ಘಾಲ್ಲ್ಯಾ ಗಣಪತಿಚ್ಯಾ ಪೊಲೀಸ್ ಪಂಗ್ಡಾನ್ ಮಾಗ್ಣೆಂ ಅರ್ಧ್ಯಾರ್  ರಾವಾಯಿಲ್ಲೆಂ ಆನಿ ಜಮ್ಲೆಲ್ಯಾ ಲೊಕಾನ್ ಭಾಯ್ರ್ ಯೇಶೆಂ ಒತ್ತಾಯ್ ಕೆಲ್ಲಿ, ಆನಿ ಭಾಯ್ರ್ ಯೆತಾಯೆತಾಸ್ತಾನಾ ತರ್ನಾಟೆ, ಸ್ತ್ರೀಯೊ, ಧರ್ಮ್‍ಭಯ್ಣಿಂ, ಭುರ್ಗಿಂ, ವ್ಹಡಾಂ ಕಿತೆಂಚ್ ಲೆಕಿನಾಸ್ತಾಂ ಆಪ್ಲ್ಯಾ ಯುನಿಫೊರ್ಮಾಚೆಂ ಬಳ್ ಲಾಟಿಯೆಮುಖಾಂತ್ರ್ ದಾಕಯಿಲ್ಲೆಂ ಮಾತ್ರ್ ನ್ಹಯ್, ಮುಳಾನ್ ಆರೆಸ್ಸೆಸ್ ಸಂಘಟನಾಚೊ ಸಾಂದೊಚ್ ಜಾವ್ನಾಸ್ಲೆಲ್ಯಾ ಗಣಪತಿನ್ ಆರೆಸ್ಸೆಸ್ ಪೋಷಿತ್ ಸರ್ಕಾರಾಕ್ ಆಪ್ಲಿ ಪುರ್ತಿ ನಿಶ್ಠಾ ದಾಖಯಿಲ್ಲಿ ಆನಿ ಲೊಕಾಕ್ ಪೋಲಿಸ್ ವೆವಸ್ಥೆಚೆರ್ ಆಸ್ಲೆಲಿ ನಾಪಾತ್ಯೆಣಿ ದೊಡ್ತಿ ಕೆಲ್ಲಿ.! ಹ್ಯಾಚ್ ಗಣಪತಿನ್ ಜುಲೈ 7 ತಾರಿಕೆರ್ ಮಡಿಕೇರಿಂತ್ಲ್ಯಾ ಎಕಾ ಲೋಡ್ಜಾಂತ್ ಗಳ್ಪಾಸ್ ಘೆವ್ನ್ ಸಂಸಾರಾಕ್ ಆದೇವ್ಸ್ ಮ್ಹಳೊ.. ಕೆದೊ ವ್ಹಡ್ ದುಸ್ಮಾನ್ ತರೀ ತಾಚ್ಯಾ ಮೊರ್ನಾಥಂಯ್ ಕೊಣೆಂಯೀ ಸಂತೊಸ್ ಪಾವೊಂಕ್ ನಜೊ ಅಶೆಂ ಮ್ಹಣ್ತಾತ್. ಖರೆಂಚ್..! ತ್ಯಾ ದಿಸಾ ಲಾಟಿಯೆಚೆ ಮಾರ್ ಖಾವ್ನ್ ಆಂಗ್ ಸುಜವ್ನ್ ಘೆತ್ಲೆಲ್ಯಾಂಕಡೆನ್, ರಗತ್ ಪಾಜ್ರಾವ್ನ್  ಘೆತ್ಲೆಂಲ್ಯಾಂಕಡೆನ್ ವಿಚಾರ್ಲೆಂ ತರ್ ತಿಂಯೀ ಅಶೆಂಚ್ ಮ್ಹಣ್ತಿತ್ ಕೊಣ್ಣಾ... 

ವಿಡೀಯೋ ಪಳೆಂವ್ಕ್ ಹೊ ಲಿಂಕ್ ವಾಪಾರಾ

ಪುಣ್, ಗಣಪತಿಚೆಂ ಮರಣ್ ಕೇವಲ್ ಎಕಾ ವ್ಯಕ್ತಿಚೆಂ ಮರಣ್ ನ್ಹಯ್, ಬಗಾರ್ ತೆಂ ಮರಣ್ ಎಕಾ ಮನಾಸ್ಥಿತೆಚೆಂ.! ಇಗರ್ಜಾಂಚೆರ್ ಧಾಡ್ ಘಾಲ್ಲ್ಯಾ ಬಜರಂಗದಳ ಯಾ ಹೆರ್ ಖಂಚಾಯೀ ಎಕಾ ಸಂಘಟನಾಚ್ಯಾ ಸಾದ್ಯಾ ಕಾರ್ಯಕರ್ತಾಚೆಂ ಮರಣ್ ನ್ಹಯ್, ಬಗಾರ್ ಲೊಕಾಕ್ ರಾಕ್ವಣ್ ಆನಿ ಪಾತ್ಯೆಣಿ ದೀಜಾಯ್ ಜಾಲ್ಲ್ಯಾ ಎಕಾ ಜವಾಬ್ದಾರೆಭರಿತ್ ವ್ಯಕ್ತಿನ್ ಎಕಾ ಸಂಘಟನಾಚ್ಯಾ ಸಿಧ್ಧಾಂತಾಂಕ್ ಭುಲೊನ್, ಆಪ್ಲ್ಯಾ ವೃತ್ತೆಕ್ ತ್ಯಾ ಸಂಘಟನಾಚೊ ಗುಲಾಮ್ ಕರ್ನ್ ತ್ಯಾ ವೃತ್ತೆಚೆಂ ಪವಿತ್ರ್‍ಪಣ್ ಮಸ್ತುನ್ ಉಡಯ್ಶೆಂ ಕೆಲ್ಲ್ಯಾ ದಳ್ದಿರ್ ಮನಾಸ್ಥಿತೆಚೆಂ ಮರಣ್ ಹೆಂ! ಅಸಲ್ಯಾ ಮನಾಸ್ಥಿತೆಚೆಂ ಅಂತ್ಯ್ ಜಾತಾನಾ ಕೊಣಾಕೀ ಜರ್ ಸಂತೊಸ್ ಜಾಲೊ ತರ್ ತೇಂವಿ ಸಹಜ್ ಮ್ಹಣ್ಯೆತ್, ಅಶಿ ಮ್ಹಜಿ ಖಾಸ್ಗಿ ಅಭಿಪ್ರಾಯ್.! 

    ಆಯ್ಚೊ ಕಾಳ್ ಸ್ಮಾಟ್‍ಫೋನಾಂಚೊ.! ದಾಂಬ್‍ಲ್ಲ್ಯಾ ಎಕಾ ಖಿಣಾಭಿತರ್ ಸಂಸಾರ್ ಭೊಂವ್ಡಾಂವ್ಚಿ ತಾಕತ್ ಆಸ್ಚ್ಯಾ ಹ್ಯಾ ಸ್ಮಾರ್ಟ್‍ಫೋನಾಂನಿ ದಿಲ್ಲೆಂ ವಡ್ಲೆಂ ಭೆಸಾಂವ್ ಮ್ಹಳ್ಯಾರ್ Social Media Activism ಯಾ ಸಾಮಾಜಿಕ್ ಮಾಧ್ಯಮಾನಿಂ ಕ್ರೀಯಾಶೀಳತಾ.! ಸಾದ್ಯಾ ಉತ್ರಾನಿಂ ಸಾಂಗ್ಚೆಂ ತರ್, ಫೇಸ್ಬುಕ್, ಟ್ವೀಟರ್, ವಾಟ್ಸಾಪ್ ತಸಲ್ಯಾ ಸಾಮಾಜಿಕ್ ತಾಣಾನಿಂ ಖಂಚಾಯೀ ಎಕಾ ನಿರ್ದಿಷ್ಟ್ ವಿಶಯಾಚೆರ್ ಚರ್ಚಾ ಚಲಂವ್ಚಿ, ಎಕಾ ಘಡಿತಾಕ್ ಆಪ್ಲೊ ಸಹಮತ್ ಯಾ ವಿರೋಧ್ ವೆಕ್ತ್ ಕರ್ಚೊ, ಆಪ್ಲೆಂ ಚಿಂತಾಪ್ ಉಗ್ತ್ಯಾನ್ ವೆಕ್ತ್ ಕರ್ನ್ ಹೆರಾಂಕ್ ತ್ಯಾ ವಿಶಿಂ ಕಳಿತ್ ಕರ್ನ್ ಎಕಾ ವಿಶಯಾಚೆರ್ ಜಾಗೃತಿ ಉಟಂವ್ಚಿ, ತ್ಯಾ ಚಿಂತ್ಪಾಭೊಂವಾರಿ ಲೋಕಾಭಿಪ್ರಾಯ್ ಜಮವ್ನ್, ವೆವಸ್ತೆಚೆರ್ ದಬಾವ್ ಹಾಡ್ಚೊ - ಒಟ್ಟಾರೆ ಎಕಾ ಕಾಳಾರ್ ಪತ್ರಾಂಕ್ ಆನಿ ಪತ್ರಕಾರಾಂಕ್ ಮಾತ್ರ್ ಮ್ಹಣ್ ಸೀಮಿತ್ ಮ್ಹಣ್ ಆಸ್ಲೆಲೆಂ ಕಾಮ್ - ಪ್ರಜಾತಂತ್ರಾಚಿ ರಾಕ್ವಣ್ ಕರ್ಚೆಂ.! ಪ್ರಸ್ತುತ್ ಸಮಾಜೆಂತ್ Social Media Activism  ಸಕಾಳಿಕ್ ಆನಿ ಭೋವ್ ಚರ್ಚಿತ್. ಸಾಮಾಜಿಕ್ ಜಾಳಿಮಾಧ್ಯಮಾನಿಂ ಉಟಯಿಲ್ಲ್ಯಾ ನವ್ಯಾ ಚಿಂತ್ಪಾಂಕ್ ಲಾಗೊನ್ ಮಹತ್ವಾಚಿಂ ಘಡಿತಾಂ ಘಡ್ಲ್ಯಾಂತ್, ಘಡ್ತೇ ಆಸಾತ್.! 

ಸೋಶಿಯಲ್ ಮೀಡಿಯಾಚಿ ವ್ಹಳಕ್ ಮಾಕಾ ಜಾಲ್ಲ್ಯಾ ತವಳ್ ಥಾವ್ನ್ ಆಜ್ ಪರ್ಯಾಂತ್ ಹಾಂವ್ Social Media Activism  ತ್ ಸಕ್ರಿಯ್ ಆಸಾಂ, ವೆಳಾಕಾಳಾ ಫರ್ಮಾಣೆ ಪ್ರಚಲಿತ್ ಘಡಿತಾಂಕ್ ಸ್ಪಂದನ್ ಕರ್ಚೊ ಹವ್ಯಾಸ್ ಹಾವೆಂ ಭಾಂದುನ್ ಹಾಡ್ಲಾ. ಪುಣ್ ಮ್ಹಜ್ಯಾ ಗುಮಾನಾಕ್ ಆಯಿಲ್ಲೆ ಫರ್ಮಾಣೆಂ ಆಮ್ಚೊ ಸಮುದಾಯ್ Social Media Activism ತ್ ಪಾಟಿಂ ಆಸಾ, ಆನಿ ಭೋವ್ ಚರ್ಚಿತ್ ಸಾಮಾಜಿಕ್ ವಿಶಂಯಾಚ್ಯಾ ಮಟ್ಟಾಕ್ ಸಾಂಗ್ಚೆಂ ತರ್  ನಿಷ್ಕ್ರಿಯ್ (Inactive) ಆಸಾ. ವಯ್ರ್ ಹಾವೆಂ ಉಲ್ಲೇಖ್ ಕೆಲ್ಲೆಂ ಡಿ.ವೈ.ಎಸ್ಪಿ ಗಣಪತಿಚೆಂ ಆತ್ಮ್ ಹತ್ಯಾ ಪ್ರಕರಣ್ ನಿಯಾಳ್ತಾನಾ ಮ್ಹಜ್ಯಾ ಚಿಂತ್ಪಾಕ್ ಬಳ್ ಮೆಳ್ತಾ. ಗಣಪತಿಚ್ಯಾ ಮೊರ್ನಾ ಪಾಟ್ಲ್ಯಾನ್ ರಾಜಕೀಯ್ ಹುನ್ನರ್ ಆಸಾ ತೆಂ ಸ್ಪಷ್ಟ್. ಆನಿ ಹ್ಯಾ ರಾಜಕೀಯ್ ಹುನ್ನರಾಚೊ ಏಕ್ ಗಾಂಚ್ ಇಗರ್ಜೆಂಚೆರ್ ಧಾಡ್ ಘಾಲ್ಲ್ಯಾ ಘಡಿತಾಂಸವೆಂ ಶೀದಾ ಘಡ್ಸಾತಾ. ಕಿತ್ಯಾಕ್ ಗಣಪತಿನ್ ಮೊರ್ಚ್ಯಾ  ಥೊಡ್ಯಾಚ್ ಘಂಟ್ಯಾಂಪಯ್ಲೆಂ ಟಿ.ವಿ. ಚಾನೆಲಾಕ್ ದಿಲ್ಲ್ಯಾ ಸಂದರ್ಶನಾಂತ್ ಪುರ್ವಿಲೊ ಗೃಹಮಂತ್ರಿ ಜಾವ್ನಾಸ್‍ಲ್ಲ್ಯಾ ಕೆ.ಜೆ. ಜೋರ್ಜ್ ಆನಿ ಆಪ್ಲ್ಯಾ ಹೆರ್ ದೋಗ್ ಉಂಚ್ಲ್ಯಾ ಅಧಿಕಾರಿಂಚಿಂ ನಾಂವಾಂ ಉಲ್ಲೇಖ್ ಕರ್ನ್ ಆಪ್ಣಾಕ್ ಕಾಂಯ್ ಕೀಸ್ ಘಡ್ಲೆಂ ತರ್ ತಾಕಾ ಹೆ ತೇಗ್ ಮಾನೆಸ್ತ್ ಕಾರಣ್ ಜಾವ್ನಾಸ್ತೆಲೆ ಮ್ಹಣ್ ವಾಕ್ಮುಲ್ ದಿಲ್ಲೆಂ.! ಜಾತಿ ಆಧಾರಾಚೆರ್ ಲೇಕ್ ಘಾಲೆಂ ತರ್ ಕೆ.ಜೆ. ಜೋರ್ಜ್ ಆಮ್ಚ್ಯಾ ಸಮುದಾಯಾಚೊ ಪ್ರತಿನಿಧಿ ಜಾತಾ, ಆನಿ ಇಗರ್ಜ್ ಗಲಾಟ್ಯಾಂತ್ ಗಣಪತಿಚೊ ಪಾತ್ರ್ ಸರ್ವಾಂಕ್ ಕಳಿತ್ ಆಸಾ ಆಸ್ತಾಂ, "ಕೊಂಗ್ರೆಸ್ ಪಾಡ್ತ್ ರಾಜ್ಯಾಂತ್ ಅಧಿಕಾರಾಕ್ ಯೆತಚ್ ಕೆ.ಜೆ. ಜೋರ್ಜಾಕ್ ಗೃಹಮಂತ್ರಿ ನೆಮ್ಲೊ, ಆನಿ ಜೋರ್ಜಾನ್ ಆಪ್ಲ್ಯಾ ಸಮುದಾಯಾಚೆರ್ ಜಾಲ್ಲ್ಯಾ ಹಮ್ಲ್ಯಾಚೆಂ ಬದ್ಲಾಮ್ ಕಾಡುಂಕ್ ಮಾಕಾ ಟಾರ್ಗೆಟ್ ಕೆಲೊ, ಆನಿ ಪಾಟ್ಲ್ಯಾ ತೀನ್ ವರ್ಸಾನಿಂ ವಿವಿಧ್ ರಿತಿನಿ ಆಪ್ಣಾಕ್ ಮಾನಸಿಕ್ ಹಿಂಸಾ ದಿಲಿ" ಅಶೆಂ ಮ್ಹಣ್ ಗಣಪತಿನ್ ನ್ಯೂಸ್ ಚಾನೆಲಾಕ್ ದಿಲ್ಲೆಂ ತೆಂ ವಾಕ್ಮುಲ್ ವಿರೋಧ್ ಪಾಡ್ತೆಂಕ್, ಬಿ.ಜೆ.ಪಿ ಕ್ ಆನಿ ಪ್ರತ್ಯೇಕ್ ಜಾವ್ನ್ ಸಂಘ್‍ಪರಿವಾರಾಚ್ಯಾ ಸಮರ್ಥಕಾಂಕ್ 'ಭಾಜ್‍ಲ್ಲೆಂ ಮೆಳ್ಳೆ'ಪರಿಂ ಜಾಲೆಂ. ಗಣಪತಿಕ್ ಆನಿ ಚರ್ಚ್ ಅಟ್ಯಾಕಾವೆಳಾರ್ ತಾಣೆಂ ದಾಖಯಿಲ್ಲ್ಯಾ ಧೋರಣಾಂಕ್ ಪಾಟಿಂಬೊ ವೆಕ್ತ್ ಕರುನ್ ಕೊಂಗ್ರೆಸ್ ಪಾಡ್ತಿಚೆರ್ ರಾಜಕೀಯ್ ದಾಳ್ ಶಿಜಂವ್ಕ್ ಸುರು ಕರ್ಚಾ ಬರಾಬರ್ ಮಂಗ್ಳುರಿ ಕಥೊಲಿಕಾಂಚೆರ್ ಫಟ್ ಆಪ್ರಾಧ್ ಮಾಂಡುನ್ "ಫಾತೊರ್, ದೊಣ್ಣೆ ಘೆವ್ನ್ ಇಗರ್ಜೆ ಭಿತರ್ ಜಮ್‍ಲ್ಲ್ಯಾ ಗೂಂಡಾಂಚೆರ್, ಲಾಠಿಚಾರ್ಜ್ ಕರಿನಾಸ್ತಾಂ ಕಿತೆಂ ತಾಂಚ್ಯಾ ಗಳ್ಯಾಕ್ ಫುಲಾಂಝೆಲೊ ಘಾಲಿಜೆ ಆಸ್ಲೊಗೀ" ಮ್ಹಳ್ಳೆಂ ರಾಜಾಂವಿಕ್ ಪುಣ್ ಖರೋಖರ್ ಫಟ್ ಚಿಂತಾಪ್ ಲೊಕಾಮತಿಂತ್ ಭರ್ನ್ ಕಥೊಲಿಕ್ ಸಮುದಾಯಾಕ್ ಹಲ್ಕ್ ಕರ್ನ್ ಸೋಶಿಯಲ್ ಮೀಡಿಯಾಚೆರ್ ಬರಂವ್ಕ್ ಸುರು ಕೆಲೆಂ. ಹಾಚ್ಯಾ ಪಯ್ಲೆಂ ಗಣಪತಿಚ್ಯಾ ಮೊರ್ನಾ ಬರಾಬರ್ ತಾಣೆಂ ಕೆಲ್ಲ್ಯಾ ಜುಲುಮಾಚೊ ಉಗ್ಡಾಸ್ ಕಾಡುನ್, ತಾಕಾ ಭೊಗ್ಸುನ್, ತಾಚ್ಯಾ ಆತ್ಮ್ಯಾಕ್ ಸಾಸ್ಣಾಚೊ ವಿಶೆವ್ ಆಶೆವ್ನ್ ಜಾಯ್ತೆ 'ರೆಸ್ಟ್ ಇನ್ ಪೀಸ್' ಸಂದೇಶ್ ಆಮ್ಚ್ಯಾ ಕಥೊಲಿಕ್ ಭಾಂವ್ಡಾನಿ, ಪ್ರತ್ಯೇಕ್ ಜಾವ್ನ್ ದೇಶ್-ವಿದೇಶಾಂತ್ಲ್ಯಾ ಯುವಜಣಾನಿಂ ಸೋಶಿಯಲ್ ಮಿಡಿಯಾಚೆರ್ ಬರವ್ನ್ ಕಾಂಯ್ ಥೊಡಿ ಪ್ರತಿಕ್ರಿಯಾ ದಾಖಯಿಲ್ಲಿ ತರೀ, ಏಕ್-ದೋನ್ ದಿಸಾಂ ಭಿತರ್ ಸವ್ಕಾಸ್ ಸಕ್ಕಡ್ ಥಂಡ್ ಪಡ್ಲೆಂ. 'ರೆಸ್ಟ್ ಇನ್ ಪೀಸ್' ಸಂದೇಶ್ ಬರಯಿಲ್ಲಾ ಆಮ್ಚ್ಯಾ ಕ್ರೀಸ್ತಾಂವ್ ಭಾಂವ್ಡಾನಿಂ, ಇಲ್ಲೆಶೆಂ ಮುಕಾರ್ ವಚೊನ್ ಚರ್ಚ್ ಅಟ್ಯಾಕಾತವಳ್ ಗಣಪತಿನ್ ಕೆಲ್ಲ್ಯಾ ಖೊಟ್ಯಾ ಕರ್ತುಂಬಾಂಚೊ ಪ್ರಚಾರ್ ಜಾರಿಯೆರ್ ದವರ್ನ್, 'ತಾಚ್ಯಾ ಮೊರ್ನಾನಿಮ್ತಿಂ ತಾಚ್ಯಾ ಕುಟ್ಮಾಕ್ ಸೊಡ್ಲ್ಯಾರ್ ಸಮಾಜೆಕ್ ಕಾಂಯ್ ವಡ್ಲೊ ನಶ್ಟ್ ಜಾಂವ್ಕ್ ನಾ' ಮ್ಹಳ್ಳೆಂ ಚಿಂತಾಪ್ ಗೂಂಡ್ ರೊಂಬ್ಚೆಪರಿಂ ಕರಿಜಾಯ್ ಆಸ್ಲೆಂ - ಅಶೆಂ ಮಾಕಾ ಭೊಗ್ತಾ. ಅಸಲಿ ಏಕ್ ಪ್ರತಿಕ್ರಿಯಾ ಆಮಿ ದಾಖಯಿಲ್ಲ್ಯಾನ್ ಸರ್ಕಾರಾಚೆರ್ ಪಡ್ಚೊ ದಬಾವ್ ಉಣೊ ಜಾತೊ ಆನಿ ಜೋರ್ಜಾನ್ ಆಪ್ಲ್ಯಾ ಮಂತ್ರಿ ಪದ್ವೆಕ್ ರಾಜಿನಾಂಮೊ ದೀಂವ್ಕ್ ಪಡ್ತೊ ನಾ ಮ್ಹಣ್ ಹಾಂವ್ ಮ್ಹಣಾನಾ, ಪುಣ್ 'ಕ್ರೀಸ್ತಾಂವ್ ಲೋಕ್ ಸಂವೇದನ್ ಹೊಗ್ಡಾಯಿಲ್ಲೊ ಲೋಕ್, ತಾಂಚೆ ವಿರೋಧ್ ಕಿತೆಂ ಕೆಲ್ಯಾರೀ ಚಲ್ತಾ. ಕರ್ಚೆಂ ಪೂರಾ ಕರ್ನ್ ಉಗ್ತ್ಯಾನ್ ತಾಂಕಾಂ ಗೂಂಡಾ, ರೌಡಿ ಮ್ಹಣ್ ಆಪಯ್ಲ್ಯಾರೀ ಚಲ್ತಾ' ಮ್ಹಣ್ಚೆಂ ಲೊಕಾಮತಿಂತ್ಲೆಂ ಚೂಕ್ ಚಿಂತಾಪ್ ಪುಸುನ್ ಉಡಂವ್ಕ್ ಪ್ರೇತನ್ ಖಂಡಿತ್ ಕರ್ಯೆತೆಂ.!

ಪುಣ್ ಅಶೆಂ ಘಡ್ಲೆಂ ನಾ.! ತಾಚ್ಯಾಕೀ ವಿಶೇಸ್ ಗಜಾಲ್ ಮ್ಹಳ್ಯಾರ್, ಕೊಂಕ್ಣೆಂತ್ ಕ್ರೀಸ್ತಾಂವ್ ಲಾಯಿಕಾನಿಂ ತಶೆಂ ಧಾರ್ಮಿಕಾನಿಂ ಚಲಂವ್ಚಿಂ ಇತ್ಲಿಂ ಪತ್ರಾಂ ಆಸಾತ್, ಜಾಳಿಜಾಗೆ ಆಸಾತ್, ಪುಣ್ ಕೊಣೆ ಪುನೆಗೆಲ್ಲ್ಯಾನ್ ಹಳ್ತಾಚಿ ಏಕ್ ಖೊಂಕ್ಲಿ ಸಯ್ತ್ ಕಾಡ್ಲಿ ನಾ. ಕಿತ್ಲೆಶೆ ಕೊಂಕ್ಣಿ ಕ್ರೀಸ್ತಾಂವ್ ಕಲಾಕಾರ್ ಸಂಗೀತ್, ಟಿ.ವಿ, ಸಿನೇಮಾ ತಸಲ್ಯಾ ಪ್ರಭಾವಿಕ್ ಮಾಧ್ಯಮಾಮುಖಾಂತ್ರ್ ಲೊಕಾಮೊಗಾಳ್ ಆಸಾತ್, ತಾಣಿಂಯೀ ಕಾಂಯ್ ಹ್ಯಾ ವಿಶಿಂ ಗುಮಾನ್ ದಿಲೆಂ ನಾ.  ಆಪಾಪ್ಣೆಂ ಚಲಂವ್ಚ್ಯಾ/ವಾವುರ್ಚಾ ಮಾಧ್ಯಮಾನಿಂ ಪ್ರತಿಕ್ರಿಯಾ ದೀಂವ್ಕ್ ತಾಂಕಾಂ ಆಡ್ಕಳ್ಯೊ ಆಸ್‍ಲ್ಲ್ಯೊ ಜಾಂವ್ಕ್ ಪುರೊ, ತೆಂ ಸಮ್ಜಾತಾ. ಪುಣ್ ಸೋಶಿಯಲ್ ಮೀಡಿಯಾಚೆರ್ ಏಕ್ ಖಾಸ್ಗಿ ಅಭಿಪ್ರಾಯ್ ದಾಖಲ್ ಕರುಂಕ್ ತಾಂಚ್ಯಾನ್ ಜಾಲೆಂನಾ ಕಿತ್ಯಾಕ್.? ಕಶೆಂ ಕಶೆಂ ಚಿಂತ್ಲ್ಯಾರೀ ಮಾಕಾ ಸಮ್ಜಾಣಾ.!! ಗಣಪತಿಚೆಂ ಮೊರ್ನಾ ಘಡಿತ್ ಹಾವೆಂ ದಿಲ್ಲೆಂ ಏಕ್ ಉದಾಹಾರಣ್ ಮಾತ್ರ್. ಅಸಲಿಂ ಆಮ್ಚ್ಯಾ ಸಮುದಾಯಕ್ ಲಾಗ್ಶಿಲ್ಯಾನ್ ಲಾಗು ಜಾಂವ್ಚಿ ಜಾಯ್ತಿಂ ಘಡಿತಾಂ ಹಾಚ್ಯಾ ಆದಿಂ ಘಡ್ಲ್ಯಾಂತ್, ಆನಿ ಸೋಶಿಯಲ್ ಮೀಡಿಯಾಚ್ಯಾ ಮಟ್ಟಾಕ್ ಸಾಂಗ್ಚೆಂ ತರ್ - ಚಡಾವತ್ ಹರ್ಯೆಕ್ ಘಡಿತಾನಿಂ ಅಸಲಿಚ್ ನೀರಸ್ ಪ್ರತಿಕ್ರಿಯಾ ಆಮಿ ವೆಕ್ತ್ ಕೆಲ್ಯಾ. ಕೊಣೆಂ ಎಕ್ಲ್ಯಾಣ್ ಕಾಂಯ್ ಬರವ್ನ್ ಇಲ್ಲಿಶಿ ಜಾಗ್ ಹಾಡುಂಕ್ ಪಳೆತಾನಾ, ತಾಕಾ ಸ್ಪಂದನ್ ಕರುಂಕೀ ಶೆಂಭರ್ ಪಾವ್ಟಿಂ ಚಿಂತುನ್, "ಕೊಣಾಕೀ ಕಾಂಯ್ ಬೆಜಾರ್ ಜಾತಾಗೀ..?, ಆಪ್ಣಾಕ್ ಕಾಂಯ್ ರಿಸ್ಕ್ ಆಸಾಗೀ..?, ಫಲಾಣ್ಯಾ ಮನ್ಶಾಕ್ ದುಕಾತ್‍ಗೀ..? ಆಪ್ಣಾಚ್ಯಾ ಬಿಸಿನೆಸಾಚೆರ್ ಕಾಂಯ್ ಪರಿಣಾಮ್ ಜಾಯ್ತ್‍ಗೀ..?" ಆನಿ ಕಿತೆಂ ಕಿತೆಂ ಲೆಕಾಚಾರಾಂ ಘಾಲ್ನ್ ಏಕ್ ಬಸ್ತಾಂವ್. ಆಮ್ಚೆಂ ರಾಜಾಂವ್ ಎಕ್ದಮ್ ಶೀದಾ ಆನಿ ಸಿಂಪಲ್ - ಕ್ರೀಸ್ತಾಂವಾಂಕ್ ಕೊಣೀ ಗೂಂಡಾ ಮ್ಹಣುಂ ಯಾ ಗಾಡಾಂವ್ ಮ್ಹಣುಂ, ಮಾಕಾ ಕಿತೆಂ ಫರಕ್ ಪಡ್ತಾ..? ತಾಣೆಂ ಮಾಕಾ ಎಕ್ಲ್ಯಾಕ್ ಮ್ಹಳ್ಳೆಂ ನ್ಹಯ್, ಸಕ್ಕಡ್ ಕ್ರೀಸ್ತಾಂವಾಂಕ್ ಮ್ಹಳ್ಳೆಂ, ತರ್ ಹಾವೆಂ ಎಕ್ಲ್ಯಾನ್ ಕಿತ್ಯಾಕ್ ಉಲಯ್ಜೆ..? 

'ಆಪುಣ್ ಆಪ್ಣಾಕ್ ದೇವ್ ಸಮೇಸ್ತಾಂಕ್' ಮ್ಹಳ್ಳೆಂ ಚಿಂತಾಪ್ ಮತಿಂತ್ ದವರ್ನ್, ಅನ್ಯಾಯ್, ಆನೀತಿ ವಿರೋಧ್ ತಾಳೊ ಕಾಡ್ಚೆಂ ಧಯ್ರ್ ಘೆನಾಸ್ತಾಂ, ಸೊಂತಾ ದೀಸ್ ಬಾವ್ಟೊ ಉಬವ್ನ್, ಹರ್ದೆಂ ಫುಲವ್ನ್ ಸೆಲ್ಯೂಟ್ ಮಾರ್ನ್ ಆಮಿ ಸಂಭ್ರಮ್ಚೊ ಸ್ವಾತಂತ್ರೋತ್ಸವ್ ಆಮ್ಕಾಂ ಸುಟ್ಕೆಚೊ ನೀಜ್ ಅನ್ಭೋಗ್ ದೀಂವ್ಕ್ ಸಕಾತ್.??

-ಓಸ್ಕರ್ ವಗ್ಗ

(ಹೆಂ ಲೇಖನ್ ದಿರ್ವೆಂ ಪತ್ರಾಚ್ಯಾ ಅಗೋಸ್ತ್ 2016 ಅಂಕ್ಯಾಂತ್ ಫಾಯ್ಸ್ ಜಾಲಾಂ.)